Студено утро – во Берово -4, денеска температури до 20 степени

Freepik

Во Берово изутринава се измерени – 4 степени, во Лазарополе -1, 0 во Крива Паланка и Струмица, 1 во Битола, Штип и Претор, 2 во Тетово, Охрид, Прилеп, Гевгелија, Кавадарци, Велес и Попова Шапка, 3 во Скопје-Зајчев Рид и Куманово, 4 во Демир Капија, Виница, Крушево и Маврови Анови, информира Управата за хидрометеоролошки работи.

Времето денеска ќе биде сончево со умерена облачност. Во текот на денот ќе има зголемена облачност. Ќе дува слаб до умерен, а попладне долж Повардарието засилен ветер од јужен правец. Дневната температура ќе биде во интервал од 14 до 20 степени.

Во Скопје, сончево со умерена облачност и со слаб до умерен јужен ветер. Максималната температура ќе достигне до 20 степени.