Македонски
Украинскиот претседател Володимир Зеленски денеска изјави дека украинските сили нападнале рафинерија за нафта во Јарослав и воен аеродром во Ростовската област.
„Синоќа, во заедничка операција на Безбедносната служба на Украина, Силите за беспилотни системи, Разузнавачката служба на Министерството за одбрана и Службата за надворешно разузнавање, била погодена рафинерија за нафта во Јарослав“, објави Зеленски на социјалната мрежа X.
Тој додаде дека Безбедносната служба на Украина извршила напад врз воениот аеродром во Ростовската област, при што, според неговите изјави, била потврдена штета врз авиони Ан-12 и два Ан-26, како и на три хеликоптери. Зеленски, исто така, изјави дека украинските сили постигнале „добри резултати“ во Црното Море.(МИА)
