Македонски
Средбата меѓу рускиот и американскиот претседател Владимир Путин и Доналд Трамп може да се одржи во секое време, изјави денес помошникот на рускиот претседател Јуриј Ушаков.
„Ова може да се случи во секој момент. Средбата може да се одржи, но тешко е да се каже каде и кога. Во голема мера зависи од лидерот“, рече помошникот на рускиот претседател, пренесува РИА Новости.
Тој истакна дека средбата меѓу Путин и Трамп зависи од договорот на лидерите, но не е исклучена средба без претходна подготовка.
– На крајот на краиштата, може да се подготви состанок, за кој тимовите навистина сериозно ќе се подготват и ќе разработат еден или друг договор или договори. Или можеби претседателите ќе се согласат: „Ајде сега да се сретнеме и сами да разговараме за сè, а потоа ќе им дадеме наредби на нашите подредени.“ И оваа опција е можна – нагласи Ушаков.
Според него, би било подобро документите веќе да бидат подготвени за евентуална средба меѓу рускиот и американскиот претседател.
– Секако, опцијата што би била подобра е онаа со разработени документи, така што оваа средба би била попродуктивна, позначајна, поважна за понатамошен развој – рече Ушаков.
