Македонски
По купувањето на дроновите Бајрактар Акинџи од Турција, Саудиска Арабија е сериозно заинтересирана за набавка на турскиот борбен авион КААН од 5-та генерација. Според информациите, Саудиска Арабија сака да купи 100 авиони КААН.
Според весникот „Милиет“, двете земји почнале разговори за сеопфатна соработка во одбранбената индустрија.
Оваа недела делегација од Министерството за одбрана на Саудиска Арабија пристигна во Истанбул на разговори за воспоставување соработка.
Доколку оваа зделка се реализира, тоа ќе биде рекорден извоз во турската историја. Сепак, при евентуален ваков договор, Саудијците ќе инсистираат на заедничко производство и трансфер на технологија, како што беше случајот со дроновите Акинџи.
