Русија испорачала рекордна пратка гас за Шпанија во првиот месец од војната на Блискиот Исток

Freepik

Русија ја испорачала најголемата пратка на природен гас во историјата на Шпанија во првиот месец од војната на Блискиот Исток, објави есникот „Ел Паис“.

Како што пишува изданието, увозот се дуплирал од февруари и достигнал историски рекорд – речиси 10.000 GWh руски гас за еден месец.

Тоа е повеќе дури и од врвот на кризата со цените на енергијата во 2023 година.

Иако купувањето енергија од Русија е предмет на санкции, одлуките предвидуваат дека увозот на гас од Москва е сè уште можен до 2027 година.