Македонски
Полска, Унгарија, Словачка и Чешка го отфрлија новиот систем на квоти за миграција на Европската Унија, порачувајќи дека се подготвени да го оспорат планот, кој има за цел да го олесни товарот врз земјите од „жариштата“ како што се Италија, Шпанија и Грција.
Според Пактот за миграција и азил, сите земји од ЕУ мора да придонесат, пропорционално на нивното население и вкупниот БДП, за да го олеснат товарот врз земјите за кои се смета дека се „под миграциски притисок“, главно во јужна Европа, но четирите земји од Централна Европа, Полска, Унгарија, Словачка и Чешка, порачаа дека нема да учествуваат во системот на квоти и се подготвени да ја оспорат Комисијата, објави „Еуроњуз“.
Полска нема да прима мигранти според Пактот за миграција. Ниту пак ќе плаќаме за тоа“, напиша полскиот премиер Доналд Туск на својот профил X
Од своја страна, унгарскиот премиер Виктор Орбан порача дека Унгарија „нема да прима мигранти и нема да плати ниту една форинта за нив“.
Новоизбраниот чешки премиер Андреј Бабиш го отфрла новиот систем на квоти, наведувајќи ја националната безбедност како причина.
Нашата партија не се согласува со пактот за миграција, кој претставува директна закана за нашата безбедност. Го отфрламе“, изјави Ано Јарослав Брох, член на Европскиот парламент од партијата на Бабиш.
Како што објави „Еуроњуз“, системот на помош за земјите од „жариштата“ вклучува три методи на помош: преселување на одреден број баратели на азил на нивна територија, плаќање на 10.000 евра по лице за кое не се согласуваат да се преселат или финансирање на оперативна поддршка во земјите-членки од „жариштата“.
