Пентагон распоредува „Страјкер“ бригада и авијациски баталјон на границата со Мексико

Веб-страницата на американското Министерство за одбрана објави дека ќе има распоредувањето на борбениот тим на бригадата „Страјкер“ и авијациски баталјон за за генерална поддршка на границата со Мексико.

Баталјонот е механизирана пешадиска група од околу 4.400 војници.

Се очекува единиците да ги засилат граничните операции во наредните недели“, изјави портпаролот на Пентагон, Шон Парнел.

Борбената група „Страјкер“ е претежно опремена со истоименото борбено возило. „Страјкер“ е оклопен транспортер со осум тркала кој комбинира мобилност, заштита и огнена моќ. Воздухопловниот баталјон е опремен со хеликоптери УХ-60 „Блек хоук“ за командна и медицинска евакуација и хеликоптери ЦХ-47 „Чинук“ за транспорт на тешки возила.

По најавата на Трамп за „затворање на границата“ и сузбивање на илегалната имиграција и шверцот со дрога, првичното распоредување до крајот на јануари опфати 1.600 маринци, кои им се приклучија на 2.500 веќе мобилизирани резервисти. Сега, бројот на војници на границата со Мексико постепено се зголемува, како и бројот на американските извидувачки мисии со беспилотни летала над мексиканската територија.