Пакистан вети: Ќе одговориме на нападите од Индија

 Ноќните напади на Индија се „дефинитивен чин на војна“ и ја ескалираа ситуацијата на „многу опасно ниво“, изјави генерал-полковник Амир Риаз, претседател на Националниот одбранбен универзитет на Пакистан.

Тој нагласи дека Индија „го нарушила“ суверенитетот на Пакистан.

Според мене, одговорот е неизбежен, рече Риаз. „И тука сме сега. Ова е многу опасен момент за Јужна Азија.“

Риаз повторно ја потврди пакистанското тврдење дека за време на нападите биле соборени пет индиски борбени авиони и еден дрон, и покрај тоа што Индија ја оквалификува веста како дезинформација

Колку што знам, според веродостојни извори, соборени се пет индиски борбени авиони и еден дрон, додаде тој. На прашањето за борбата против тероризмот, Риаз истакна дека Пакистан „веќе со години интензивно се бори против тероризмот“.