Македонски
Фрустрираните земји од ЕУ го зголемуваат притисокот врз Белгија да ослободи 140 милијарди евра замрзнати руски резерви што се чуваат во Брисел, обвинувајќи ја владата на Барт де Вевер дека не открила целосно што прави со даночните приходи од тие неподвижни средства, пишува „Политико“.
Сепак, пет дипломати од различни европски земји се пожалиле дека се чини оти Белгија има секундарна агенда во одбивањето да ги ослободи руските пари, поради генерираниот данок и камати од тие пари. Тие забележуваат дека Белгија ја прекршува меѓународната обврска – преземена минатата година – да открие што прави со данокот од замрзнатите резерви, кој, според нив, треба да оди во Украина.
Дипломатите велат дека парите сè уште влегуваат во белгискиот национален буџет, што го отежнува утврдувањето дали Белгија целосно ги исполнува своите обврски кон Киев. Дипломатите зборувале под услов тие – и земјите што ги претставуваат – да останат анонимни.
Белгија енергично негира дека прави нешто погрешно.
