Македонски
Министерството за правда на САД соопшти дека некои од објавените документи поврзани со случајот на осудениот сексуален престапник Џефри Епстин содржат невистинити и сензационалистички тврдења за американскиот претседател Доналд Трамп.
Во соопштението се наведува дека документите се вклучени во јавната објава во согласност со Законот за транспарентност на досиејата на Епстин, но дека дел од материјалот содржи неосновани тврдења кои биле поднесени до ФБИ непосредно пред претседателските избори во 2020 година.
Американското Министерство за правда истакнува дека тврдењата не се потврдени и дека, доколку имале кредибилитет, веќе би биле користени против Трамп.
Објавените записи потекнуваат од пет примарни извори, вклучувајќи ги судските случаи против Епстин и неговата партнерка Гилен Максвел, случајот на Флорида кој го истражува поранешниот батлер на Епстин, повеќекратните истраги на ФБИ и интерната истрага на Министерството за правда за смртта на Епстин.
Државната обвинителка на САД, Пем Бонди, и заменикот државен обвинител, Тод Бланш, упатија писмо до Конгресот во кое потврдуваат дека објавувањето на документацијата претставува завршување на процесот на идентификација и преглед, со напомена дека Министерството за правда презело „невидени и опсежни напори“ за да се обезбеди транспарентност за јавноста.
