Македонски
Германскиот канцелар Фридрих Мерц изјави дека следната недела има за цел да одржи разговори меѓу европските и американските функционери околу војната во Украина, предупредувајќи дека конфликтот може да продолжи „уште многу месеци“.
Силно се залагам ние – односно Европејците заедно со американската влада, внимателно да ги разговараме следните чекори, рече Мерц на прес-конференција со францускиот претседател Емануел Макрон по француско-германските разговори во Тулон.
Мерц додаде дека целта мора да биде и рускиот претседател Владимир Путин да се сретне со украинскиот претседател Володимир Зеленски, а „доколку е потребно и со други учесници во разговорите“.
Сепак, немам илузии. Можно е оваа војна да трае уште многу месеци. Во секој случај, треба да бидеме подготвени за тоа. Ние сме подготвени за тоа – во тесна координација со нашите европски партнери, со Американците, а исто така и со „Коалицијата на подготвените“, додаде Мерц.
Тој додаде дека одржувањето на сојузот од околу 30 земји заедно е итна задача.
Мерц, исто така, посочи дека во САД се разговара за дополнителни царини против земјите што ја поддржуваат Русија.
Јас би бил многу за тоа доколку американската влада може да се одлучи за такво нешто … Нема да ја оставиме Украина на цедило, рече германскиот канцелар.
