Македонски
Израелската армија соопшти дека палестинската група Хамас на Црвениот крст му предала уште еден израелски заложник, со што вкупниот број на денеска предадени заложници достигна – шест.
Според „Тајмс оф Израел“, Црвениот крст го известил Израел дека од Хамас го презел Хишам ал-Сајед.
Ал-Сајед ќе биде префрлен кај израелските сили во Појасот Газа, а оттаму ќе биде изнесен од ова подрачје.
Претходно, израелската војска соопшти дека беа ослободени тројца заложници – Омер Шем Тов, Елија Коен и Омер Венкерт, по 505 дена поминати во заробеништво. Утрово беа ослободени првите двајца заложници.
Хамас претходно најави дека денеска ќе ослободи вкупно шест израелски заложници.
