Македонски
Германски суд пресудил дека ирачкиот мигрант кој турнал 16-годишна Украинка-бегалец пред товарен воз нема да отслужи затворска казна.
Како што објавија гемански медиуми, Лијана К. избегала од Мариупол со своето семејство во 2022 година и живеела во Германија. На 11 август 2025 година, додека одела дома и разговарала по телефон со својот дедо, таа била турната на шините на станицата Фридланд. Возот ја удрил и таа починала од повредите. Нејзиниот дедо го слушнал нејзиниот крик пред линијата да се изгуби.
Полицијата првично ја третирала смртта како можна несреќа или самоубиство. ДНК доказите подоцна пронајдени од нејзиното рамо покажале дека била турната одзади од 31-годишниот Мухамед А., ирачки државјанин чие барање за азил било одбиено и кој бил под извршна наредба за депортација која никогаш не била извршена.
И покрај јасните докази дека тој намерно ја турнал девојката пред возот, судот во Гетинген го прогласил за некривично одговорен поради параноидна шизофренија. Наместо затвор, тој е сместен во неопределен психијатриски притвор на трошок на даночните обврзници.
