Горат полициски возила, се веат мексикански знамиња, хаосот се користи за грабежи – трет ден немири во Лос Анџелес

принтскрин X

Полициската управа на Лос Анџелес (ЛАПД) го прогласи центарот на Лос Анџелес за област на „нелегален собир“, по третиот ден од демонстрациите во градот.

Најмалку 10 лица беа уапсени во неделата за време на немирите, поттикнати од имиграциски рации од страна на американските власти, јави Би-Би-Си.

Демонстрантите запалија неколку автономни возила за испорака и оштетија полициски коли. Полицијата објави дека маскирани лица кршеле излози и го користеле хаосот за грабежи.

“Peaceful protests” – Elizabeth Warren

“Overwhelmingly peaceful” – Kamala Harris

“Peaceful protests” – Cory Booker

“It’s under control” – Gavin Newsom

“Without incident” – LAPDpic.twitter.com/gwwYHiZJ9b

— Libs of TikTok (@libsoftiktok) June 9, 2025

Безбедносните сили користеле солзавец и гумени куршуми за да ги растераат демонстрантите, поради кои е затворен дел од автопатот 101.

Најмалку 300 припадници на Националната гарда на Калифорнија беа распоредени на три локации во областа на Лос Анџелес, додека 500 маринци се во состојба на „подготвеност за распоредување“ во база на околу 230 километри источно од Лос Анџелес.

The LAPD, the Governor of California, and the Mayor of LA, are ALL LYING, and so are you! pic.twitter.com/qnZKIRLa7I

— Zeppenwolf 🇺🇸 (@The_Zeppenwolf) June 8, 2025

Американскиот претседател Доналд Трамп го бранеше распоредувањето на трупи на Националната гарда – без барање од гувернерот на Калифорнија, Гевин Њусом – како неопходно со цел да се зачува „законот и редот“.

Гевин Њусом изјави дека акциите на Трамп се „нелегални“ и „неморални“, и се закани дека ќе ја тужи администрацијата.

Градоначалничката на Лос Анџелес, Карен Бас, изјави дека „она што го гледаме во Лос Анџелес е хаос што е испровоциран од администрацијата“ и ги повика демонстрантите мирно да протестираат.