Германската полиција пет часа го истражувала „убиството“ на секс-кукла

printscreen

Како што објави „Дејли мејл“, полицијата во Баварија извршила голема операција откако локален жител, шетајќи го своето куче во близина на напуштена зграда открил, според него, запалено тело на жена.

Областа веднаш била опколена од полициски сили, форензичари и истражители на местото на злосторството, а повикани биле и беспилотни летала со 3Д скенери – сето тоа по целосна процедура.

Пет часа по истрагата, еден од истражителите ги допрел „остатоците“ при што сфатил дека гледаат во реалистична секс-кукла, изгорена и завиткана во сина кеса од ИКЕА.

Луѓето од мртовечницата, кои веќе биле на пат да го соберат телото, биле повлечени, а „жртвата“ била однесена од полицијата.

Германските медиуми го нарекоа овој случај еден од најапсурдните лажни повици во полиција во последните години.