Фотографијата вреди илјада зборови: Зеленски и покрај тоа што го избркаа се заблагодари на САД

Украинскиот претседател Володимир Зеленски се огласи преку објава на социјалната мрежа „Икс“ по фијаското на неговата средба со американскиот колега Доналд Трамп и потпретседателот Џеј Ди Венс во Белата куќа.

Зеленски револтирано си замина од денешните состаноци, кои поминаа во тензична атмосфера полна со обвинувања и надвикувања. Според извори од Белата куќа, Трамп наредил да им се каже на Зеленски и членовите на украинската делегација да си одат.

По ова, украинскиот претседател во објавата на „Икс“ напиша: „Ти благодарам Америка, ти благодарам за поддршката, ти благодарам за оваа посета“.