Skip to main content

Американски сенатори ѝ се заканија на Русија со нови санкции

Freepik

Група од 50 американски сенатори, републиканци и демократи, се заканија со нови санкции против Русија доколку таа не се вклучи во постигнувањето мир во Украина.

-Тие санкции ќе бидат воведени доколку Русија одбие да се вклучи во преговори со добра волја за траен мир со Украина, или ако иницира нешто, вклучително и воена инвазија, што го загрозува суверенитетот на Украина по мировниот договор, се вели во соопштението на сенаторите и се додава дека е подготвен нацрт-закон за ова прашање.

Нивниот предлог-закон, исто така, предвидува воведување на царини од 500 проценти за стоките увезени од земјите што купуваат руска нафта, гас и ураниум.

-Во американскиот Сенат преовладува ставот дека Русија е агресорот и дека оваа страшна војна, заедно со агресијата на Путин, мора веднаш да заврши и да не се повтори, се додава во соопштението.

 


(МИА)

Поврзани вести