Американската војска итно набавува мобилни бункери за да ги заштити своите војници на Блискиот Исток

Министерството за одбрана на САД почна итна потрага по компании добавувачи на мобилни засолништа, односно подвижни бункери, за заштита на војниците од фрагменти и ударен бран од балистички ракети.

Соодветното барање на Пентагон се појави на порталот SAM.gov, американскиот електронски систем за владини набавки. Наведени се три рока за испорака: во рок од 3, 15 и 30 дена, при што Блискиот Исток е наведен како крајна дестинација.

Во федералното известување се бара од добавувачите да обезбедат детални информации за експлозиите, фрагментациите и балистичките удари што нивните засолништа можат да ги издржат.

Ваквата набавка Министерството за одбрана на САД ја пкажува потребата што американските сили на Блискиот Исток ќе ја имаат за заштита на трупите во време кога може да се очекува ескалација на борбените дејствија со копнена операција против Иран.