Македонски
Агенцијата за национална безбедност (АНБ), чиј директорот е Бојан Христовски, доставила три известувања до Јавното обвинителство (ЈО), едното се однесува на еден од поранешните директори, како и група вработени.
Известувањето се однесува на сознанијата дека тие од 2019 до 2024 година, следеле опозициски лидер и неколку новинари, чија цел, според предметот, била „уривање на власта“ со што спровеле незаконско, непрофесионално и неетичко постапување.
Од АНБ велат дека незаконски бил следен и обвинител и министер од претходната влада.
Било утврдено и намерно одолговлекување на безбедносни проверки, на пример, за еден пратеник на тогашната опозиција, во постапка за добивање безбедносен сертификат.
Истрагата на АНБ утврдила дека во овие случаи противправно биле користени материјално-техничките ресурси на Агенцијата, а незаконски се спроведувало и следење на комуникациите.
