Младо момче од Македонија кое скршило врат на тобоган во Бодрум ќе се транспортира дома со владиниот авион

Младо момче од Македонија ќе биде транспортирано утре од Турција во Македонија со владиниот авион, откако при пад од тобоган на летување во Бодрум, се здобило со тешка повреда – скршеница на вратен пршлен.

Како што информираат од Службата за општи и заеднички работи, денеска се вршат последните подготовки за летот, откако родителите на момчето побарале помош од македонските институции за негово безбедно враќање во земјава.

Момчето било хоспитализирано во Турција, а поради сериозноста на повредата не може да биде транспортирано со редовен комерцијален лет ниту со возило.