Македонски
Новото законско решение има за цел да ги зајакне законските гаранции за независно и самостојно управување со судскиот буџет, утврден во висина од 0,8% од БДП, со што се обезбедува финансиска и функционална независност на судството во согласност со европските стандарди.
Со Предлог-законот се унапредуваат надлежностите на Судскиот буџетски совет, кој ќе има значајна улога во планирањето, управувањето и надзорот на средствата наменети за судската власт.
Најзначајни новини:
Судскиот буџетски совет ќе располага со издвоен и независен буџет на судската власт;
Самостојно ќе управува со законски утврдениот минимум од 0,8% од БДП и ќе одлучува за финансиските потреби на судовите и другите институции кои се финансираат од судскиот буџет;
Средствата наменети за финансирање на судската власт нема да можат да се намалуваат без согласност на Судскиот буџетски совет;
Советот ќе дава финансиска согласност за годишните планови за вработување и за пополнување на работни места во рамки на обезбедените средства;
Ќе донесува предлог – одлука за вредноста на бодот и начинот на утврдување на платите на вработените во судската власт;
Ќе спроведува централизирани постапки за јавни набавки за единките корисници на судскиот буџет;
Се зајакнуваат капацитетите на судството преку кадровска екипираност, обезбедување човечки ресурси и капитални инвестиции.
Со овие измени се создаваат услови за поголема финансиска независност на правосудството, што претставува важен чекор кон зајакнување на независноста, ефикасноста и интегритетот на судството во согласност со европските вредности и меѓународните стандарди.
Линк до ЕНЕР: https://ener.gov.mk/Default.aspx?item=pub_regulation&subitem=view_reg_detail&itemid=113467
