Ќуркчиев ги демантира изјавите на Филипче: Барам јавно изинување, ако не лагите ќе треба да ги докажува на суд

Поранешниот генерален секретар на СДСМ Никола Ќуркчиев ги демантира изјавите на актуелниот претседател на СДСМ Венко Филипче кој во интервју на Канал 5 телевизија кажа дека тој добил тендер вреден 1,6 милиони евра.

Јас сум пензионер, кој како машински инженер има уставно загарантирано право хонорарно да биде ангажиран од приватна компанија. Компанијата која за дневно политички цели ја споменува Венко Филипче е странски инвеститор кој отворил фабрика во Македонија во 2019 година кога премиер беше Зоран Заев. За ова мое тврдење го ставам целиот свој личен кредибилитет и одговорнопст. Недостаток на демократски капацитет да се слушнат политички критики не се покрива со дрски манипулации. Ако не му кажале на Филипче, јас сум основач на СДСМ и носител на партиска книшка број 17, вели во демантот Ќуркчиев.

Поранешниот генерален секретар на СДСМ вели дека Филипче погрешно се пресметал дека може да го претстави како нов вмровец.

Барам јавно извинување. Ако не го стори тоа, ќе мора измислените лаги да ги докажува на суд, вели во демантот Ќуркчиев.