Денеска комисија за надзор на АНБ, пратениците ќе отидат и во Агенцијата

Собраниската комисија за надзор на работата на Агенцијата за национална безбедност и Агенцијата за разузнавање денеска во 10 часот ќе одржи седница на чиј дневен ред е Предлогот за заклучок за вршење на надзор над работата на АНБ. Според договореното, со неа треба да претседава претседателот на Комисијата Скендер Реџепи.

Ваков договор постигнале членовите на Комисијата, а за тоа го информирале и претседателот на Собранието Африм Гаши.

Самите дојдоа до договор и јас го почитувам тоа, изјави денеска претседателот на Собранието на брифинг со новинарите.

По седницата, оние членови на Комисијата кои имаат безбедносни сертификати, ќе одат во надзорна посета на АНБ.