Македонски
Бројките на освоени градоначалници ја покажува убедливата победа на ВМРО-ДПМНЕ на локалните избори. Заедно со освоените градоначалници во првиот круг, владејачката партија освои 54 градоначалници, СДСМ 6, Вреди 8 , ДУИ 4 и ЗНАМ еден градоначалник. Победи и еден независен – Менди Ќура, кого коалицијата го поддржа како кандидат на Струга, а еден градоначалник доби и Унијата на Ромите.
Во четири општини – Гостивар, Врапчиште, Центар Жупа и Маврово и Ростуше денеска немаше гласање. Причината е недоволниот одѕив на гласачи во првиот круг, поради што ќе се спроведе нова изборна постапка во рок од 60 дена од објавувањето на конечните резултати од Локалните избори 2025.
