Македонски
Вечерва, во 20:00 часот, Културниот центар на општина Ѓорче Петров ќе биде домаќин на свеченото одбележување на традиционалниот Ден на словенечката потица, кој оваа година се совпаѓа со јубилејот од 15 години од основањето на Словенечкиот центар – Скопје.
Организацијата на овој културен настан е во надлежност на Словенечкиот центар – Скопје. Тие упатуваат отворена покана до сите граѓани да се придружат на словенечко-македонското дружење и да ги вкусат специјалитетите на словенечката потица, познат и сакан десерт од словенечката кујна.
Во креирањето на овој настан, покрај Словенечкиот центар – Скопје, учествуваат и Амбасадата на Република Словенија, Општина Ѓорче Петров, како и средните училишта СЕПУГС „Васил Антевски – Дрен“ и СУГС „Лазар Танев“ од Скопје. Нивната заедничка поддршка ја обезбедува и Бирото на Владата на Република Словенија за Словенците во соседството и во светот.
Присуството на настанот е бесплатно за сите заинтересирани.
