Македонски
На 22 септември (вторник) во 19 часот во Домот на културата „Кочо Рацин“ во Скопје ќе биде отворена фото-изложбата на Бобан Китановски.
Ова е четврта фото изложба на Китановски и на неа ќе бидат претставени 30 фотографии кои биле направени во последните две години на планинарски авантури низ цела Македонија.
Македонија е вечна инспирација. Во различни годишни времиња, на различни планини, различни глетки и објекти беа во фокусот на вниманието.
Македонија има неограничен потенцијал на природни убавини, културно историски знаменитости, гостопримливи жители кои чекаат да бидат откриени и доживеани. Да ја запознаеме подобро, да ја засакаме повеќе нашата Македонија, ако не во живо, тогаш може и низ фотографии, вели авторот на изложбата Китановски.
Изложбата е отворена до 29 септември.
