Чаршијата во Гевгелија ќе стане современо културно-туристичко јадро, атрактивно за сите посетители

Во Општина Гевгелија извршивме увид во градежните работи на Старата градска чаршија, проект кој претставува значајна инвестиција од над 40 милиони денари, насочена кон унапредување на урбаното јадро и зачувување на локалното културно наследство, објави на својот фејсбук профил премиерот Христијан Мицкоски.

Истовремено, извршивме увид и во градежните активности за изградба на нов парк со детско катче, на површина од 3.150 м², кој ќе обезбеди нов, современ и безбеден простор за рекреација и одмор на најмладите и на граѓаните.

Континуирано се грижиме и сме целосно посветени на реализација на проекти кои го подобруваат квалитетот на живот на сите граѓани.

Увид во реконструкцијата на Старата чаршија во Гевгелија – културно наследство од XIX век со Претседателот на Владата проф д-р Hristijan Mickoski и градоначалникот на Гевгелија Андон Сарамандов – Градоначалник на Општина Гевгелија , обајави на фејсбук директорката на Управата за заштита на културно наследство, Весела Честоева.

Со инвестиција од над 40 милиони денари, проектот опфаќа реставрација на дуќаните, ново поплочување, урбана опрема, осветлување и подземни инсталации.

Чаршијата ќе стане современо културно-туристичко јадро, атрактивно за сите посетители.