Македонски
Државното музичко училиште од Битола, на 19 декември 2024 година, со почеток во 12 часот, организира музички настан под наслов „Бах во дијалог – Свириме и разговараме“. Настанот ќе се одржи во просториите на Државното музичко училиште, Стар објект и ќе биде посветен на делата на Јохан Себастијан Бах.
Во рамки на програмата, младите пијанисти ќе ги изведат дел од најпознатите дела на Бах, вклучувајќи ги неговите прелудиуми и фуги. Овие композиции се вистинско музичко патување низ времето, каде што секој тон станува збор, а секој глас создава универзум. Настанот се организира под менторство на професорите Татјана Божиновска, Билјана Димовска, Верица Дивитарова и Маја Божиновска, а модератор ќе биде професорката Доминика Рое Поповска.
„Бах во дијалог“ е ретка прилика да се доживее музичкото богатство на Бах и да се почувствува хармонијата која ја надминува времето и просторот. Настанот е отворен за секој љубители на класичната музика.
