69-годишна жена и нејзиниот сопруг во Центар нападнати од соседи

Инцидент во скопски Центар. Имало расправија, па следеле напади и закани со тврди предмети.

На 29.05.2025 во 22.00 часот во СВР Скопје, Б.Ц.(47) од Скопје пријави дека околу 12.00 часот во неговиот стан на подрачјето на Центар, по претходна расправија, нивните соседи Г.Ѓ. и М.Г. им се заканувале на него, неговиот брат Г.Ц. и К.О., а Г.Ѓ. се заканувал и со тврди предмети.

Исто така, М.Г.(69) од Скопје пријавила дека во станот на соседите околу 13.30 часот, по претходна расправија, таа и нејзиниот сопруг Ѓ.Г. биле физички нападнати од Б.Ц. и неговиот брат Г.Ц., при што едниот употребил тврд предмет.

Се преземаат мерки за целосно расчистување на случајот.