Војската соопшти дека воената состојба во Јужна Кореја ќе остане во сила додека не биде укината од претседателот

Фото: ЕПА

Јужнокорејската војска соопшти дека ќе ја одржува воената состојба додека не ја укине претседателот Јун Сук Јеол, и покрај тоа што националниот парламент гласаше против спроведување на декретот.

Тоа уследи по судирите меѓу демонстрантите и безбедносните сили кои се обидоа да го забарикадираат Националното собрание.

Претседателот на Националното собрание на Јужна Кореја претходно соопшти дека јужнокорејските војници ја напуштаат зградата на парламентот.

Војниците влегоа во зградата веднаш по прогласувањето на воена состојба од страна на претседателот.

Пратениците гласаа против декретот за воена состојба што го најави претседателот Јун Сук Јеол.

Сите присутни 190 пратеници од вкупно 300 во Парламентот гласаа за поништување на мерката.