Професорката Гордана Силјановска-Давкова смета дека не може да се повтори ситуацијата од пред пет години кога во првиот круг водеше а на крајот беше поразена од актуелниот претседател Стево Пендаровски.

Овој пат расположението е друго.Поинаков е амбиентот дури и кај албанските гласачи.Пендаровски е ориентиран кон ДУИ, како , не сакам да речам сијамски близнак, ама како на партијата на која мора да внимава дури и кога треба да ги каже нештата онакви какви што се воздржува и како да има соработка со двајца премиери, сега двајцата од ДУИ, мислам оној од претходно и со Али Ахмети.Сега и расположението кај албанските гласачи е многу сменето,секој има праг на издржлвост и граѓаните во оваа власт не можат да препознаат социјалдемократија и нема да гласаат за нив.

The post Силјановска-Давкова: Пендаровски е ориентиран кон ДУИ, како, не сакам да речам сијамски близнак, ама како на партија на која мора да внимава appeared first on Република.

Стево Пендаровски јас мислам дека освен на пропатување за на одмор во Грција, во Гевгелија не стапнал овие 5 години. Дај боже да грешам, ама мислам дека е така. Мислам дека 5 години ве заборавил и мислам дека 5 години не стапна овдека и единствено по што ја знае Гевгелија е веројатно брзата трака која што му ја ставаат тука на граничниот премин Богородица за да може побрзо да се спушти на море. Толку него го интересира за Гевгелија, истакна потпретседателот на ВМРО-ДПМНЕ Александар Николоски на средба со граѓани во Гевгелија.

Тој исто така додаде дека Стево Пендаровски обожава да се нарекува себеси чесен човек, но начинот на кој функционираше како претседател докажа дека е извор и поддржувач на корупцијата во Македонија.

„Затоа треба масовно да се излезе уште на 24 април да се удри во чело, да се направи најголем можен резултат за да е извесно што ќе се случи на 8 мај, затоа што се работи за една исклучително дволична личност и човек којшто за себе обожава да вели дека е чесен и дека не е корумпиран, но истиот овој којшто глуми чесен и некорумпиран еве добри месец дена одбегнува да одговори на прашањата коишто му ги поставувам, па од овде ќе ги поставам повторно. Каков е тој чесен човек којшто потпишува измени на КЗ со којшто се амнестираат криминалците во Македонија, денеска потврдено и од реномираната светска институција „Фридом хаус“? Каков е тој чесен човек којшто збор нема кажано за криминалот и корупцијата којшто се случува во Македонија? На пример не сум го слушнал збор да каже за шверцот којшто се случува тука на граничниот премин во организација на највисоките структури на СДСМ и ДУИ. Каков е тој чесен човек којшто дозволува кампањата да му е финансирана од ваши, крадени народни пари? Извинете ама тоа не е чесно. Затоа можам да кажам дека Стево Пендаровски е извор и поддржувач на корупцијата во Македонија и е далеку од чесен човек“, потенцираше Николоски и додаде:

„Од другата страна ја имате Гордана Силјановска Давкова, реномиран професор, моја професорка, професорка на многу генерации коишто излегоа од правниот факултет, која што нема дамка во животот и во професијата и која што е еден од најактивните пратеници во Собранието. Жена којашто Македонија ја претставува со гордост и дома и надвор“.

The post Николоски: Пендаровски е извор и поддржувач на корупцијата во Македонија и е далеку од чесен човек appeared first on Република.

Претседателот на државата Стево Пендаровски смета дека доколку нема двотретинско мнозинство за уставните измени до крајот на годината, за нив треба да одлучува идната коалиција и новиот парламентарен состав.

https://republika.mk/vesti/makedonija/pendarovski-jas-sum-prviot-koj-javno-reche-deka-e-za-frantsuskiot-predlog-bidejki-toa-ne-ja-rushi-makedonija/

-Јас сум тој првиот кој јавно рече јас сум за францускиот предлог бидејќи тоа не ја руши Македонија. И јас ќе бидам до крај за тоа да ги направиме уставните промени час поскоро. Не бегам од тоа. Втората страна е, ако немаме шанса да дојдеме две третини, ако под претпоставка не можеме да го направиме ова првото денес, утре, задутре... до крајот на годината, да ја мавнеме таа работа, да ја ставиме ад акта и да му дозволиме на утрешниот парламентарен победник и коалиција да се занимава со тоа прашање. Бидејќи знаете со сила убавина не бива, рече Пендаровски во интервју за Вин-Вин на ТВ Телма

The post Пендаровски: Ако до крајот на годината нема двотретинско мнозинство за уставните измени, за тоа да одлучува следната коалиција и Парламент appeared first on Република.

 Движењетo „Подобро за Тетово” испрати до писмо до претседателот Стево Пендаровски во кое велат дека со длабоко разочарување го следат неговиот  молк веќе три недели од објавувањето на монструозното дело на Јавното Обвинителство за прикривање и искривување на вистината и виновниците за пожарот во Модуларната болница во Тетово каде живи изгореа 14 луѓе, наши сограѓани.

Зачудувачки е и фактот дека Вие брзо реагирате за други помалку битни теми во споредба со ова трагедија.Како што веќе знаете во нашата земја во период од 5 години се случија 4 големи трагедии, со 97 жртви и НУЛА денови затвор.

Сите политичари зборуваат за интеграцијата во ЕУ, а не се почитува тоа што ни е најсвето – човечкиот живот! Не знаеме како може една земја, која не може да обезбеди правда за овие 97 невини жртви, може воопшто да почне преговори за припојување кон европските вредности и начела.

Судството и обвинителството се лицето на криминалот и корупцијата, заштитници на злото во овие 30 години, кои на генерации наши млади и наши сограѓани им ги фрлија во одвод и им ги уништија перспективите за достоинствен живот.

Се соочуваме со диктатура на олигархијата спонзорирана од македонскиот правосуден систем. Тотална неодговорност и криминално владеење и во делот на извршната и во делот на судската власт.

Очекуваме од Вас да се повикувате на разум и да барате институционална одговорност за казнување на ова злосторничко здружување поради која целиот правен систем во нашата земја се наоѓа во голем ќорсокак.

Вклучувањето и на високообразовните институции за да ја сокријат вистината на ова злосторство и затајувањето на германската експертиза е лоша порака за иднината на општеството во ова земја.

Културата на неказнивост метастазирала во сите нивоа на системот и не знаеме која онкологија може да ја лекува болната Македонија од овој канцер.

Одговорност мора да има!Нема правда, нема мир!

The post  Движењетo „Подобро за Тетово” му пиша на Пенадорвски: Разочарани сме што молчите за модуларната болница appeared first on Република.

Наместо да се тресе од нервоза и да лаже по интервјуа, Пендаровски треба да се соочи со фактот дека над 80% од народот е против уставни измени под бугарски диктат. Народот не го плаќа да глуми ароганција, туку да ги штити националните и државните интереси, реагира ВМРО-ДПМЕ за интервјуто на претседателот Пендаровски.

Да беше кадарен немаше да дозволи Македонија да влезе во замката на Бугарија во која или бесконечно ќе преговараме или асимилација.Разбираме дека Пендаровски се обидува да им се „потпикне" на СДС и ДУИ за да го кандидираат пак за Претседател, па затоа користи ваква реторика. Но кога веќе народот го помножува со нула, што ли ќе прави Пендаровски ако СДС го извиси? Дали можеби планира да ја оствари својата намера и да се отсели од Македонија?

https://republika.mk/vesti/makedonija/pendarovski-kako-mozhe-opozitsijata-za-frantsuski-predlog-da-veli-deka-e-bugarski-diktat/

The post ВМРО-ДПМНЕ за Пендаровски: Наместо да се тресе од нервоза и да лаже по интервјуа, треба да се соочи со фактот дека над 80% од народот е против уставни измени под бугарски диктат appeared first on Република.

Стево Пендаровски уште еднаш покажа дека е срам за позицијата којашто ја извршува, настапува паушално и целосно дезинформирачки кон јавноста, по наредба за одбрана на СДС. Сега очекуваме истите прашања да ги насочи кон СДС, вели Наум Стоилковски.

Срамно е ова, човекот паушално да настапува, излегува за улици во Скопје, па замислете тогаш колкав е степенот за неинформираност и паушалност во доменот на безбедноста, одбраната или дипломатијата, каде што реално има ингеренции!?Срамно, жално и недостоинствено за Македонија!

https://www.youtube.com/watch?v=pZLfrEe3eZs

The post ВМРО-ДПМНЕ за „патриотизмот“ на Пендаровски: Срамно е човекот паушално да настапува за улици во Скопје appeared first on Република.

The post Пендаровски не примал совети од партии за законите за „Бектел и Енка“ appeared first on Република.

Претседателот на Македонија, Стево Пендаровски, ја оправдува нацистичката Германија за смртта на 11.000 Евреи, обвинувајќи дека нема место за нацисти во Европската Унија! И Пендаровски одделно ќе одговара за неговиот неонацизам и наскоро тоа ќе го разбере!“.

Ваква порака на Фејсбук му упати Виктор Стојанов, претседател на бугарската фондација „Македонија“ на претседателот Стево Пендаровски по вчерашните изјави на претседателот дека Софија треба да се извини за депортацијата на македонските Евреи во Треблинка.

https://republika.mk/vesti/skopje/stevo-pendarovski-na-odbelezhuvaneto-na-80-godishninata-od-holokaustot-na-makedonskite-evrei-nasha-moralna-obvrska-e-da-se-sekavame-i-da-ne-zaboravame/

The post Ќе одговара: Бугарски активист му се закани на Пендаровски appeared first on Република.

Српските медиуми извадија изјави на порашениот претседател Борис Тадиќ дадена за Хрватската телевизија.На прашањето на новинарот дали е горд што е претседател на државата тој вели дека „нешто не се чуствува горд“.

BT je čovek koji je izjavio da NIJE ponosan na to što je predsednik Srbije. I to za HRT. I to je sve što treba da znate o njemu.

Sporazume koji su tada "ispregovarani", Priština je sa oduševljenjem prihvatala, za razliku od ZSO. I to je sve što treba da znate o tim sporazumima. https://t.co/9DtBBlHYwh pic.twitter.com/0U8wxjwlRP

— Ana Brnabic (@anabrnabic) March 5, 2023

Тадиќ деновиве е актуелен со критиките кон актуелниот претседател на Србија Александар Вучиќ за преговорите што ги води со Приштина.За потсетување, токму за време на мандатот на Тадиќ Koсово во 2008 година прогласи независност.

Оваа изјава на Тадиќ потсети на изјавата на Стево Пендаровски дадена пред неколку години дека „ако не е претседател и тој би се иселил од државата“.

The post Kакви лидери има регионот: Поранешниот претседател на Србија велеше дека не е горд што е претседател, Пендаровски пак би се иселил appeared first on Република.

Бугарскиот активист Виктор Стојанов коментирајќи ја најавата на претседателот Стево Пендаровски дека нема да се дозволат провокации на 4 февруари кога се одбележува роденденот на Гоце Делчев објави дека организира автобуски превоз од Софија до Скопје па дури и јавно го објави неговиот мобилен телефон за сите заинтересирани да му се јават.

 

Претседателот на Македонија Пендаровски денеска пред Советот за национална безбедност на Република Македонија изјави дека „не смеело да им се дозволи на луѓето од Бугарија да ја преминат границата за да одат да се поклонат на гробот на Гоце Делчев“. Можам да ви кажам на сите – планирајте во сабота на 4 февруари да бидеме сите во Скопје и да се поклониме на гробот на бугарскиот национален револуционер Гоце Делчев!!! Оваа изјава на Пендаровски ги уништува нашите билатерални односи и е повеќе од непријателска кон Бугарија и Бугарите – ќе ни забранеше да се поклониме на гробот на Гоце на неговиот роденден!!! Имаме договорено превоз кој нема превоз и сака да дојде пиши ми или јави се на +359899384100. Во сабота на 4 февруари пред гробот на Гоце мора да бидеме илјадници Бугари!, вели Бугаринот во објавата.

The post Бугарски активист организира превоз од Софија до Скопје на 4 февруари appeared first on Република.

Изборот на Весна Дамева за претседател на Судскиот совет само ги потврди сомневањата за длабоко партизираното судство во Македонија.

Кога само помисливме дека по изборот на Ислам Абази власта нема да си дозволи уште еден резил, се случи случајот „Дамева“. Таа без противкандидат беше избрана на местот на Павлина Црвенковска која се пожали на притисоци.

Што да се каже за Дамева? Како што Абази имаше слики со ДУИ така таа гордо позира со Заев и друштвото.

И наместо да се извини таа вели дека фотографијата со поранешниот премиер вели дека тоа не може да даде впечаток дека е дел од лицата што се присутни на таа фотографијата.

Изјава на неделата:

„ТАА ФОТОГРАФИЈА НЕ МОЖЕ ДА ДАДЕ ВПЕЧАТОК
ДЕКА СУМ ДЕЛ ОД ЛИЦАТА ШТО СЕ ПРИСУТНИ НА ФОТОГРАФИЈАТА“

Абази бар тврдеше дека се сликал од формално-правен аспект, Дамева тврди дека вопшто не е дел од лицата присутни на фотографијата :) #ЧирибуЧириба #СДСМагија pic.twitter.com/HPS4xeUDsI

— Боби (@BatmanSaysT) December 6, 2022

Таа фотографија не може да даде впечаток дека сум дел од лицата што се присутни на фотографијата-изјави Дамева.

За тоа која е Дамева пред три години откри еден од најголемите познавачи за случувањата во судството а тоа е новинарот Саше Димовски. Тој во 2019 година во емисијата „Заспиј ако можеш“ кажа дека Весна Дамева од Основниот суд е назначена за член на Судскиот совет на предлог на претседателот Стево Пендаровски.

https://republika.mk/vesti/makedonija/vo-koja-bransha-pripravnik-im-e-shef-na-primariusi-pendarovski-mnogu-izgubi-so-vesna-dameva/

Уште поскандалозен е вториот предлог, стручна соработничка од Основниот суд Скопје 1 да стане член на Судскиот совет. Тоа е телото кое треба да ги оцени судиите од Основен до Врховен суд. Стручна соработничка, па нека е најстручна на овој свет, која не облекла тога, која не влегла во судница, која не донела ниедна пресуда, треба да ги цени судиите во Основен, Апелационен и Врховен суд. Кажете ми во која бранша приправник треба да им биде шеф на примариуси, на доктори, на не знам што, на највисоките титули, истакна Димовски пред три години.

The post Весна Дамева била предлог на Пендаровски! appeared first on Република.

Актуелни клучни теми во регионот и Европа, процесот на проширување на Европската Унија со земјите од Западен Балкан, безбедносната состојба и руската агресија врз Украина, како и мерките и начините за справување со енергетската и економската криза како последица на војната во Украина, биле темите во фокусот на денешните дискусии на 11. состанок на лидерите на земјите учеснички во Процесот Брдо-Бриони, на кој учествуваше и претседателот на државата Стево Пендаровски.

Проширувањето на Европската Унија, посочил претседателот Пендаровски, придонесува за одржување на мирот и стабилноста во нашиот регион, за подобрување на демократијата, владеењето на правото и заштитата на човековите права и слободи, и затоа е неопходно забрзување на интеграциските процеси на сите земји од Западен Балкан. Во таа насока, Пендаровски изразил очекување претстојниот состанок на Европската политичка заедница, што треба да се одржи во почетокот на октомври, да придонесе за натамошно забрзување на интеграцијата.

– Лидерите го поздравија официјалниот почеток на преговорите на Македонија и Албанија со ЕУ и ги повикаа институциите на Европската Унија да преземат дополнителни храбри одлуки во врска со интеграцијата на преостанатите земји од Западен Балкан, се наведува во соопштението од кабинетот на Пендаровски.

Во рамки на дискусијата, претседателот Пендаровски посочил дека Босна и Херцеговина го заслужува кандидатскиот статус за ЕУ, а Косово безвизниот режим. Изразил очекување за натамошна силна поддршка од страна на Словенија и Хрватска во евроинтеграциските процеси на земјите од Западен Балкан.

Претседателот Пендаровски потенцирал дека на земјите од Западен Балкан им е неопходен пристап до механизмите на ЕУ што поскоро, како поддршка за справување со претстојната енергетска криза, и посочи дека економската и социјалната криза може да предизвикаат повеќегодишна политичка криза и да генерираат дополнителна нестабилност. Со цел да се ублажат негативните ефекти од војната во Украина, Пендаровски апелира на засилена соработка и дијалог.

Пендаровски посочил дека земјава е подготвена наредната година да биде домаќин на Брдо – Бриони Процесот.

На состанокот во Крањ на покана на словенечкиот и хрватскиот претседател, Борут Пахор и Зоран Милановиќ, учествуваа претседателот на Албанија, Бајрам Бегај, претседавачот и двајцата членови на Претседателството на Босна и Херцеговина, Шефик Џаферовиќ, Милорад Додик и Жељко Комшиќ, претседателката на Косово, Вјоса Османи, претседателот на Србија, Александар Вучиќ и претседателот на Црна Гора, Мило Ѓукановиќ.

The post Пендаровски побара пари од ЕУ да се справиме со енергетската криза appeared first on Република.

На интернет сајтот Википедија денеска ново име доби и претседателот Стево Пендаровски, откако вчера истото беше направено и за министерот Бујар Османи.

Пендаровски денеска на Википедија е запишан како „Стево Стока Пендровски“, откако вчера му беше сменето името на Бујар Османи во Бугар Османи.

The post Пендаровски на „Википедија“ стана „Стево стока“ appeared first on Република.

„Да останеме про-форма на европските шини, со овој предлог. Ќе има скрининг година и пол, па кога ќе дојде Уставот ќе има избори, кој ќе добие ќе си тера понатаму и ќе види дали ќе „брка“ две третини или ќе оди кон други организации и континенти“.

Ова во дебатниот магазин „Click Plus“ на ТВ21 го истакна шефот на државата Стево Пендаровски.

Според него, оваа Европска Унија не е истата во која во 90-тите тие се заинтересирале.

https://www.youtube.com/watch?v=fBtfwoycHZQ&feature=emb_title

The post Пендаровски: Кога ќе дојде промената на Уставот ќе има избори appeared first on Република.

Претседателот Стево Пендаровски вечерва информираше дека присуствувал на ифтарска вечер кај едно семејство од скопско Кондово.

Тој на сите сограѓани од исламска вероисповед во месецот на Рамазан, им посака мирен период на пост, молитва и среќни денови со вашите најблиски.

Им благодарам на семејството Таналари во Кондово за гостопримството, што ми овозможија да бидам дел од нивната ифтарска вечера, беше објавено на официјалниот профил на Пендаровски на социјалните мрежи.

The post Пендаровски на ифтарска вечера во Кондово appeared first on Република.

Новинарот Зоран Иванов го коментира негодувањето на претседателот на Бугарија Румен Радев поради тоа што нашиот претседател примил бугарски државјани.

Па просто, затоа што се Македонци, ете затоа-пишува новинарот.

The post Иванов: Пендаровски примил бугарски државјани, па просто, затоа што се Македонци appeared first on Република.