Европската фудбалска асоцијација (УЕФА) ја казни Рома со 2 милиони евра и му се закани на турски Истанбул Башакшехир со едногодишна забрана за учество на европските турнири, по најновите одлуки на финансиските истражители. Башакшехир е казнет и со 100.000 евра.

Рома „малку го надминала средниот лимит“ и е казнета, соопшти УЕФА. Италијанскиот тим оваа сезона ќе игра во Лига Европа, а ова учество може да донесе десетици милиони евра од наградниот фонд.

Панелот за следење на клупските финансии на УЕФА оцени дека Истанбул Башакшехир „малку го надминал конечниот лимит“ минатата сезона.

Турскиот клуб нема да добие дозвола за учество во квалификациските натпреварувања на УЕФА во следните три сезони доколку не ги исполни новите финансиски цели, а исто така може да пријави само 23 играчи наместо 25 во Конференциската лига оваа сезона.

Казни од 60.000 евра беа изречени на англиската Астон вила и 20.000 евра на францускиот Олимпик од Марсеј за ненавремено поднесување на сметките до системот за следење, порано познат како Финансиски фер-плеј.

Астон Вила оваа сезона ќе игра во Лигата на шампионите, најверојатно ќе заработи најмалку 40 милиони евра од наградниот фонд на УЕФА. Олимпик Марсеј, кој исто така беше казнет од УЕФА во 2022 година, не се квалификуваше за ниту еден од европските турнири оваа година, откако минатата сезона се пласираше во полуфиналето на Лига Европа.

Пари Сен Жермен, Интер и Милан беа меѓу клубовите казнети во претходните години кои ги исполнија своите финансиски цели минатата сезона, додаде управното тело на европскиот фудбал.

The post Малку го надминала средниот лимит на трошење: УЕФА ја казни Рома со 2 милиони евра appeared first on Република.

Објавена е сумата на договорот во Саудиска Арабија што ја одбил аргентинскиот напаѓач на Рома, Пауло Дибала.

Ал Кадисија на 30-годишниот фудбалер му понудил четиригодишен договор вреден 75 милиони евра. Сепак, Пауло во последен момент се предомислил за потпишување договор со саудискиот клуб, решавајќи да остане верен на клубот и верните навивачи.

Изборот на Дибала е реткост во модерниот фудбалски свет. Тоа беше многу емотивна ситуација, полна со подеми и падови. Сега навивачите треба да се гордеат со него. Очекувам утре „Олимпико“ да му приреди посебно добредојде, изјави тренерот на Рома, Даниеле Де Роси.

Минатата сезона Дибала забележа 39 настапи за Рома во сите натпреварувања, постигнувајќи 16 гола и 10 асистенции. Договорот на Аргентинецот со клубот е до летото 2025 година.

The post Дибала одбил 75 милиони од Саудиска Арабија за да остане во Рома appeared first on Република.

Тренерот на Рома, Даниеле де Роси, ги искажа своите очекувања за првиот меч со Баер Леверкузен во полуфиналето од Лигата на Европа.

- Возбудени сме што ќе доживееме уште една незаборавна вечер со нашите фанови. Има од што да се плашиме, начинот на кој игра Баер, нивната долга серија без пораз. Имаат интересни играчи и многу го почитувам нивниот тренер. Но, Рома верува во успех и ќе се бори, изјави Де Роси за сајтот на УЕФА.

Натпреварот помеѓу Баер Леверкузен и Рома ќе се одигра вечер од 21 часот на „Олимпико“ во Рим.

Серијата без пораз на германскиот клуб изнесува 46 натпревари.

Во другото полуфинале во второто по квалитет клупско натпреварување во Европа се среќаваат Марсеј и Аталанта (вечер 21 часот

The post Вечерва ЛЕ: Ќе продолжи ли бајката на Рома и против првакот на Германија? appeared first on Република.

Рома четврта сезона по ред е во полуфинале во ЛЕ. „Волците“ на домашен терен го победија Милан со 2:1 и со вкупен резултат 3:1 од два меча продолжуваат меѓу последните 4 екипи во Лига Европа.

Откако пред 2 сезони римјаните ја освоија Лигата на конференциите, а минатото лето загубија по пенали од Севиља за Лига Европа, сега тимот повторно е во полуфинале. За противник ќе го имаат Баер Леверкузен, кој не само што е шампион на Германија, туку е и без пораз од почетокот на сезоната.

За успех денеска беа доволни головите на Џанлука Манчини и Паоло Дибала во првото полувреме. И покрај тоа што од средината во првото полувреме Рома играше со човек помалку, откако црвен картон заработи Зеки Челик, „росонерите“ не создадоа многу шанси. Почесниот гол за тимот од Милано го постигна Матео Габија во 85. минута.

Ливерпул во Италија, пак, ја победи Аталанта со 1:0, но испадна во четвртфиналето на Лига Европа.

Како што е познато, Италијанците го добија првиот меч на „Енфилд“ со 3:0 и се пласираа во полуфиналето на турнирот со вкупен резултат 3:1.

Стрелец на единствениот гол на натпреварот беше Мохамед Салах од пенал во седмата минута.

Така, избраниците на Јирген Клоп може да останат без трофеј откако се аут од Европа, испаднаа во ФА Купот, а во првенството пред неколку дена направија смешна грешка, која ги оддалечи од посакуваната титула.

The post Рома игра како препородена по заминувањето на Мурињо appeared first on Република.

Тренерот на Милан, Стефано Пиоли, ги искажа своите очекувања за вечерашниот натпревар со Рома.

Во првиот натпревар од четвртфиналето на Лига Европа, Милан загуби на домашен терен од Римјаните со резултат 0:1.

- Одам на овој натпревар со самодоверба бидејќи знам за што се способни моите играчи. Сигурен сум дека знаат што да прават на вакви важни натпревари. Мора да подобриме некои ситници во однос на првиот натпревар. Ова е одлучувачки момент за нашите европски амбиции. Мора да ги покажеме нашите најдобри квалитети на теренот и да ја исцедиме секоја последна капка пот, изјави тренерот на Милан.

Натпреварот на „Олимпико“ во Рим ќе почне во 21 часот.

The post Вечерва играат Милан-Рома во битка за полуфиналето на ЛЕ appeared first on Република.

Тренерот на Рома, Жозе Мурињо се огласи пред натпреварот против Милан во 20. коло на Серија А.

Оваа сезона имавме два тешки периоди: првиот беа првите три натпревари во првенството, кога можевме да освоиме девет бода, земавме само еден. Сега заостануваме четири бода зад зоната на Лигата на шампионите, токму како последица на тој период. Вториот период е сегментот во кој со скратен состав играме против Фиорентина, Аталанта, Јуве, Лацио, Милан. Неправедно е ако некој не сака да го нарече ова тешкотија. Заборавањето на моменталните тешкотии е лудост. Дури и мечот што го добивме против Кремонезе... Како го добивме? Со која линија на одбрана? Кристенсен кој не е дефанзивец, Манчини е повреден и не игра во центарот на одбраната, Хасен е уште дете, Љоренте можеби ќе може да игра утре, но е неизвесен. Имаме тренер чие име е доволно да ги натера луѓето да мислат дека се вика Жозе Хари Мурињо Потер. Ова го подига нивото на барања и очекувања, но не сум семоќен, изјави Мурињо.

Португалецот најави голема борба против Милан и покрај големите проблеми со повредени фудбалери со кои се соочува римскиот клуб.

Штета што ќе бидам на трибина, а не на клупата. Но, јас ќе ја работам мојата работа, а имам уверување дека момците ќе дадат максимум, изјави Мурињо.

Натпреварот Милан - Рома ќе се игра утревечер со почеток во 20:45 часот на „Сан Сиро“ во Милано.

The post Мурињо: Не сум Хари Потер, не сум семоќен appeared first on Република.

Дуелот меѓу Лацио и Рома беше дерби на четвртфиналето од Копа Италија, но навивачите на двете екипи се погрижија да им се одмили фудбалот на љубителите на овој спорт.

Пред почетокот на натпреварот, еден дел од навивачите на Лацио кој вечерва формално беше во улога на домаќин, стигна блиску до трибината на која се наоѓаа фановите на Рома и почна меѓусебното гаѓање со факели, димни бомби и тврди предмети. За среќа, полицијата успеа некако да интервенира и натпреварот почна навреме.

Од спортскиот дел, Лацио победи со 1-0 благодарение на голот на Закањи од пенал во 51. минута, а искри имаше и на крајот кога Педри и Азмун добија црвени картони.

https://twitter.com/hooliganscz1999/status/1745132412596621610?ref_src=twsrc%5Etfw%7Ctwcamp%5Etweetembed%7Ctwterm%5E1745132412596621610%7Ctwgr%5E2b8cd55ac041d2fcde781faf5fb71dea3608f218%7Ctwcon%5Es1_&ref_url=https%3A%2F%2Fplusinfo.mk%2Fhaos-na-derbito-vo-rim-navivachite-na-roma-i-lacio-se-ga-aa-so-fakeli%2F

The post Навивачите на Рома и Лацио се гаѓаа со факели appeared first on Република.

Фудбалскиот клуб Рома во соопштение за јавноста застана во одбрана на своите играчи Никола Залевски и Стефан Ел Шарави, за кои кружат гласини за можна вмешаност во аферата спортско обложување која го тресе италијанскиот фудбал.

„Во однос на индискрециите емитувани последните денови во врска со наводната вмешаност на некои наши играчи во аферата спортско обложување, АС Рома им дава целосна поддршка на Никола Залевски и Стефан Ел Шарави“, соопшти италијанскиот прволигаш.

Според Рома, двајцата фудбалери се „жртви на константни гласини која неправедно негативно влијаат на нивниот углед“.

„Клубот има целосна доверба во Никола и Стефан кога обајцата тврдат дека немаат каква и да е врска со овој случај“, се додава во соопштението на римскиот клуб.

Италијанското правосудство неколку недели истражуваше тајни платформи за спортско обложување и откри дека, наводно, повеќе од 40 фудбалери илегално се обложувале

The post Рома со поддршка на своите фубалери кои се обложувале appeared first on Република.

Дисциплинското тело на УЕФА отвори постапката против тренерот на Рома, Жозе Мурињо, поради критики изречени на адреса на англискиот судија Ентони Тејлор по завршување на финалето во Лига Европа во кое италијанскиот тим загуби на пенали од Севиља на стадионот „Ференц Пушкаш“ во Будимпешта.

Мурињо е обвинет за навреди и вербален напад на главниот судија, а тоа е само од низата обвинувања со кои се соочени двата клуба по тензичното финале во кое Тејлор покажа 13 жолти картони.

Португалскиот стратег го критикуваше англискиот судија и неговите помошници и на прес-конференцијата по натпреварот, а видео кое се појави на социјалните мрежи го покажува Мурињо како на паркингот пред стадионот гестикулира кон Тејлор, извикувајќи „срамота“.

Тејлор беше нападнат и од навивачи на Рома, кои на видео објавено на Твитер се гледа како на аеродромот во Будимпешта фрлаат столчиња и пластични чаши кон англиските судија.

УЕФА отвори дисциплинска постапка и против Рома и Севиља поради фрлање предмети од страна на нивните навивачи, користење пиротехнички средства и недолично однесување на членовите на двете екипи.

Рома ќе биде дополнително процесуирана и поради навивачки немири и уништување на инвентарот на стадионот во Будимпешта

The post УЕФА отвори дисциплинска постапка против Мурињо, Рома и Севиља appeared first on Република.

Португалскиот тренер, Жозе Мурињо, докажа дека се уште е при врвот на фудбалските стручњаци во Европа и со Рома избори пласман во финалето на Лига Европа. Ова е нов успех за „Специјалниот“, кој лани, со „римската волчица“ ја освои Конференциската лига на УЕФА.

За пласман во новото финале, на Рома и беше доволно да одигра 0:0 на гостувањето во Леверкузен, со што ја сочува предноста од 1:0, изборена на првиот меч, одигран во Рим.

Во финалето на Лига Европа, Рома ќе игра против Севилја, која беше подобра од Јувентус, дури по продолженијата. Во регуларниот дел мечот заврши идентично како првиот дуел, со резултат 1:1, а голот што ја однесе шпанската екипа во финалето го постигна Ерик Ламела во 95 минута.

The post Жозе Мурињо избори ново европско финале appeared first on Република.

Португалскиот тренер Жозе Мурињо донел одлука да го испочитува договорот со калчолигашот Рома кој истекува во јуни идната година, јавуваат денеска италијанските медиуми.

Мурињо седна на клупата на Рома во 2021 година, а дел од европските медиуми изминатиот период тврдеа дека Португалецот предвреме ќе го напушти римскиот клуб и оти може да биде нов тренер на ПСЖ или Њукасл.

Италијанските медиуми, меѓутоа, објавија дека Мурињо останува во Рома, истовремено барајќи од раководството засилување на играчкиот кадар за идната сезона.

Рома е петтопласирана во Серија А со бод помалку од Милан на четвртото место кое обезбедува настап во Лигата на шампиони за следната сезона.

The post Мурињо останува во Рома appeared first on Република.

 Португалскиот стратег Жозе Мурињо обелодени дека во декември лани имал можност да ја напушти клупата на Рома, но одлучи да остане тренер на италијанскиот прволигаш.

Мурињо во декември се поврзуваше како можен нов селектор на Португалија и Бразил, како и со враќање во Премиер лигата.

„Можев во декември да ја напуштам Рома, но не го сторив тоа. Ова е мојот живот, секој ден е борба. Некогаш се чини дека се мачиме, но при врвот на табелата сме со другите екипи, кои се силни и имаат што да покажат“, изјави Мурињо за италијанските медиуми.

Рома во моментов е третоплсирана во Серија А со 40 бодови од 21 натпревари.

Мурињо седна на клупата на римскиот прволигаш во 2021 година. Минатата сезона Рома под водство на Мурињо го освои првиот европски трофеј во историјата со триумфот во Лигата на конференции.

The post Mурињо откри зошто не ја напуштил Рома при крајот на годината appeared first on Република.

Тренерот на Рома, Жозе Мурињо, изрази задоволство од изданието на неговиот тим на натпреварот од Лига Европа на гости против ХЈК Хелсинки.

„Римската волчица“ славеше со 2:1 и си ги зачуваа шансите за пласман во плејофот.

Дали сум задоволен? Да. Пред натпреварот знаевме како заврши средбата Бетис - Лудогорец, па секој резултат го оставаше отворено прашањето за плејофот. Сакавме да победиме. Овој резултат добро ни дојде по поразот од Наполи во Серија А. Во соблекувалната зборувавме за нашите навивачи кои дојдоа од Рим. Исто така и ним им беше важно да победиме. Го направивме тоа и сега мора да се подготвуваме за следниот предизвик, изјави Мурињо.

Рома сега е на третото место во Ц-групта со седум бодови исто колку што има и Лудогорец. Бетис е убедливо прв со 13, ХЈК е последен со само еден бод.

Во последното коло, Рома на домашен терен го пречекува Лудогорец.

The post Mурињо e среќен поради победата на Рома во Хелсинки appeared first on Република.

Фудбалерите на Рома беа поразени на домашен терен од Наполи, а конечниот резултат гласеше 0:1 за гостинската екипа која со тоа ја задржа лидерската позиција. Рома се бореше во текот на целиот натпревар, но не успеа да остане непоразена, а на крајот виновникот го бараше во судијата на овој натпревар.

Во Рома не беа задоволни од одлуките кои ги донесе главниот судија на овој натпревар Масимилијано Ирати, а не се плашеа ниту да го покажат тоа.

Се започна од 39. минута кога беше досуден пенал за Наполи. По нешто подолг преглед, казната беше поништена, но не заврши тука.

На сето ова бурно реагираа фудбалерите на Рома, а Мурињо ечеше покрај клупата и бараше жолт картон поради симулирање на играч на Наполи. Желбата не му се исполни.

Сепак, жолтиот картон беше покажан во вториот дел поради слична ситуација и големи протести кон тренерот на Рома, Жозе Мурињо.

Победничкиот гол за Наполи го постигна Осимхен во 81. минута, но Рома очигледно мислела дека тој направил прекршок додека се борел за топка со играч на Рома.

https://youtu.be/GUUYShXuzHQ

The post Скандал во Италија: Фудбалер на Рома и судија во клинч, фудбалерите спречија тепачка appeared first on Република.

Досегашниот напаѓач на Јувентус, Пауло Дибала, постигна начелен договор за трансфер во Рома каде би пристигнал без обесштетување, откако му заврши соработката со Јувентус.

Аргентинскиот напаѓач се очекува да потпише тригодишен договор со клубот од Рим, каде што би заработувал шест милиони евра по сезона.

Дибала го носеше дресот на Јувентус од 2015 година кога дојде од Палермо, а со клубот од Торино освои пет италијански титули и четири трофеи во националниот куп.

Аргентинецот ќе биде четврто засилување во тимот на Жозе Мурињо, по Немања Матиќ, Миле Свилар и Зеки Челик.

The post Мурињо „го заведе“ Дибала appeared first on Република.

Навивачите на Рома имаа жестока пресмета со албанската полиција пред вечерашниот меч во Тирана во финалето на Конференциската лига.

Погледнете

Large group of Roma hooligans clashing with police in Tirana tonight! 🇦🇱💥 pic.twitter.com/fhNA4V9FSC

— Casual Ultra (@thecasualultra) May 24, 2022

The post Жестока тепачка на албанската полиција со навивачите на Рома appeared first on Република.

Навивачи на Феенорд и Рома се судрија со полицијата во Тирана, каде вечер ќе се одржи финалето на Конференциската лига.

Локалните медиуми јавуваат за неколку акти на насилство што се случиле на најмалку три места низ градот. Службениците за спроведување на законот мораа да употребат солзавец. Има десетина повредени полицајци, додека осум навивачи на Феенорд се уапсени затоа што удриле Албанец со стол додека тој ги провоцирал со јавна поддршка за Рома. Албанскиот жител морал да биде пренесен во болница.

Исто така, околу 200 навивачи на холандскиот тим се судрија со полицијата обидувајќи се да стигнат до местото каде што се наоѓаат навивачите на Рома.

За возврат, навивачите на италијанскиот клуб исто така ги нападнале полицајците со шипки и камења. Оштетен е полицискиот автобус. Според полицијата, уапсени се вкупно 60 навивачи на двата тима.

Финалето на Конференциската лига на УЕФА меѓу Рома и Феенорд ќе се одигра вечер со почеток во 21 часот.

The post Навивачи на Рома и Феенорд се степаа во Тирана appeared first on Република.