Македонски
Во галеријата Драгутин Аврамовски Гуте – Сули Ан во Скопје, од денес до 6 декември ќе се одржи тридневна работилница на тема „Art of Sustainability”, организирана од Friedrich Ebert Stiftung-Скопје и водена од нашиот познат уметник Никола Узуновски.
Повикот е отворен за сите млади на возраст од 16- 30 години, кои имаат желба да истражат и научат повеќе за тоа како уметноста може да биде двигател на позитивните промени во едно општество. Оваа работилница е уникатна можност да истражите нови еколошки уметнички практики, а воедно и да ги прошират своите знаења на тема обновливи и еколошки материјали и ресурси.
Учесниците ќе се запознаат со историски преглед на односот на човекот со природата и како тој е претставен со уметноста. Особено ќе се имаат прилика да се запознаат со првите уметнички дела од минатиот век кој есплицитно го критикуваат прекумерното искористување на природата и најзначајните уметници на денешнината кои работат на оваа тема глобално, но и локално во Македонија. Вториот дел од работилницата ќе биде посветен за развој на проектите на учесниците до ниво на презентација или физичка изведба.
Поради ограничен број на учесници, пријавете го вашето присуство!
Работилницата започнува во 12:00 и трае до 15:00 часот.
