„Владата ја разгледа и усвои информација за преземените активности за раскинување на Договорот за закуп на административно-деловен простор склучен помеѓу Хеј ДООЕЛ Скопје и aкционерското друштво за приредување игри на среќа, Државна лотарија на Република Македонија“, соопштија од Илинденска.

Станува збор за објект со 4 ката и поткровје, лоциран на 7 километри од центарот на Скопје. Првично, друштвото „Хеј“ го купило земјиштето и објектот, а набрзо потоа склучило договор за закуп со Лотарија за 2,6 милиони евра за период од 10 години, односно за месечна кирија од околу 22.000 евра.

Моментално, сопственик на фирмата „Хеј“ е Асмир Јахоски, газда на „Пуцко Петрол“, една од водечките нафтени компании во земјава, која во значителна мера соработува и со државни органи. Тој е син на Исмаил Јахоски, актуелен пратеник на ДУИ.

Инаку, помладиот Јахоски станал сопственик на „Хеј“ лани во октомври. Претходно, компанијата била во сопственост на Армин Машовиќ, кој по промената во сопственичката структура станал управител друштвото формирано во февруари 2023 година.

За период од неколку месеци, Машовиќ ја формирал „Хеј“, ги купил деловните простории во поранешниот ресторан за свадби „Фестина“ и потоа склучил договор со Државна лотарија за закуп за сума од над 2,6 милиони евра.

Според финансискиот извештај доставен до Централниот регистар, оваа компанија ланската 2023 година ја завршила со приход од над 30 милиони денари, од кои како чиста добивка останале цели 25 милиони денари. Фирмата имала само еден вработен.

Тогаш, директор на Лотарија беше Перпарим Бајрами, кој од страна на тогашната опозиција на ВМРО-ДПМНЕ и ВЛЕН, која по последните избори стана власт, се посочуваше како близок соработник на поранешниот вицепремиер Артан Груби

The post Владата го раскина договорот со ресторанот за свадби на „Пуцко петрол“ што го користеше Државна лотарија appeared first on Република.

Управната зграда во Скопје на некогашниот градежен гигант Бетон која неодамна беше огласена на банкарски оглас како дел од извршна и стечајна постапка, е веќе продадена, дознава ТВ21.

Според информации на ТВ21, оваа зграда е купена од нафтената компанија Пуцко Петрол за 5,1 милион евра.

Овој деловен објект се наоѓа веднаш зад Министерство за Економија и е изграден во 2012, а според НЛБ Банка проценет е на 4.952.967 евра.

The post „Пуцко Петрол“ за 5 милиони евра ја купи зградата на „Бетон“ кај Министерство за економија appeared first on Република.

Борбата мора да биде чиста за вистински да направиш рестарт, вели Петар Богојески од Македонски концепт, споделувајќи договор потпишан од член на Левица, потпишан со „Пуцко петрол“.

https://republika.mk/vesti/makedonija/bogojeski-rakovodstvoto-na-levitsa-stanala-biznis-partner-na-dui-i-poradi-toa-go-kochi-okrupnuvaneto-na-opozitsijata/

Не може со ИЗМЕЌАРИ на ДУИ да правиш промени! Не може со СДС измеќарска, не може со ЛДП, ДОМ зимзелени, НП на љуБчо, Парија на пензионери… кои гласаа за Преспа, бугарски (француски) предлог, за Таље премиер…
НЕ МОЖЕ СО ТЕНДЕР ПАРТНЕРИ НА ДУИ од Град Скопје, како Левица на Апасиев, кои се врзале со Пуцко Петрол и фамилијарниот бизнис клан на Ахмети да се бориш!
Тоа е ЛАЖНА БОРБА!!!
Тоа е ДОГОВОРЕНА БОРБА!!!
Тоа е ПОД КОНТРОЛА БОРБА!!!
Тоа е БОРБА ЗА ДУИ, а не против ДУИ!
БОРБАТА МОРА ДА БИДЕ ЧИСТА, ИСКРЕНА, ЧЕСНА, ВИСТИНСКА… ако сакаш вистинска пензија за ДУИ! Ако не, терај “како до сега” што би рекол нивниот газда Аљи!
Ние вака мислиме!
Ти си возрасен, размисли, најдобро си знаеш!, вели Богојески.

The post „Не може со измеќари на ДУИ да правиш промени“ вели Богојески за Левица и СДСМ appeared first on Република.

Наместо урбано домување  и зелена агенда, бизнис пајташите ДУИ и СДС тераат бизнис интерес на штета на Карпош и на граѓаните. Во корелација со градоначалникот Јакимовски тие по секоја цена го туркаат бетонизирањето на Алумина, со што би му овозможиле на Пуцко Петрол 600 милиони евра бизнис. Да потсетиме сопственикот на Пуцко Петрол е пратеникот од владеачкото мнозинство, Исмаил Јаховски, кој во исто време е омилениот градежник на градоначалникот на Карпош.

Се работи за сериозни милиони, кои веројатно се лепак и на политичка неформална коалиција. Очигледно 600 милиони евра не само што ја смениле зелената во бетон агенда, туку влијаеле и врз реториката на други субјекти кои сега изигруваат портпароли на компанијата која треба да гради бетонска џунгла во Алумина.
ДУИ, СДС и Јакимовски на сила решиле тоа да спроведуваат, иако јавноста, експертите и граѓаните се против.

Според информациите кои постојат, а кои ниту Ковачевски, ниту Јакимовски не ги демантираат, во план е Владата да ги одземе ингеренциите на општина Карпош, со цел да се заобиколи локалниот совет и овој ДУП да се спроведе во корист на Пуцко. Со тоа Јакимовски ќе биде единствениот градоначалник кој барал одземање на ингеренции, само да му помине бетонизацијата.

 Случајот Алумина на виделина ги извади лицемерието, алчноста и лагите на оваа екипа. Сега бегаат од одговори, ама наскоро нема да може да избегаат од одговорност. Сите до еден ќе сносат последици за работењето против интересите на граѓаните.

The post Јакимовски по секоја цена турка бетонизирање на Алумина за Пуцко Петрол да заработи 600 милиони appeared first on Република.

Од најавената зелена агенда на ДУИ поминаа две години и истата според нејзините функционери се исполнува со ставање на ракавици, земање пластични кеси и чистење на јавните површини, ама само пред камери. Сега истата таа зелена агенда ја спроведуваат заедно со СДС, ама сега истата таа агенда ја сфаќаат како бетонизација на просторот кај „Алумина“ во Карпош, обвини ВМРО-ДПМНЕ.

Сега ДУИ и СДС преку градоначалникот на Карпош, Стевче Јакимовски го фаворизираат пратеникот од власта, сопственик на „Пуцко Петрол“ да гради кај „Алумина“, а бизнисот е во висина од 600 милиони евра.

Со деталниот урбанистички план не се согласува никој, ниту граѓаните, ниту експертската јавност, освен екипата СДС-ДУИ-Јакимовски. Оттука очигледно е дека тие ја фаворизираат фирмата „Пуцко Петрол“ и изградбата на висококатниците оти имаат интерес.

За екипата СДС-ДУИ е јасно само дека тие ги следат личните и партиските интереси, а не ги слушаат граѓаните. Во целата оваа ситуација како изведувач се јавува градоначалникот на Карпош кој очигледно исто ќе има корист. Во однос на тоа како се одвива целиот процес во врска со случувањата околу просторот кај „Алумина“ едно е јасно дека дел од тие 600 милиони колку што тежи бизнисот кој се фаворизира ќе заврши во приватни џебови.

Сомнителни фаворизирања на било која фирма за ВМРО-ДПМНЕ се недозволиви.

The post СДСМ и ДУИ преку Јакимовски упорно ја фаворизираат фирмата на пратеник за изградба на висококатници кај „Алумина“ appeared first on Република.

СДС и ДУИ од Карпош прават тесно инфраструктурно грло, за „Пуцко Петрол“ да направи бизнис од 600 милиони.Стевчо Јакимовски е изведувач за СДС и ДУИ, тој неуморно се бори за бизнисот фирмата блиска до власта.Карпошани со СДС и ДУИ кои го држат Јакимовски добија бетонизација, наместо урбано и хумано живеење, oбвини ВМРО-ДПМНЕ.

Една од најзелените населби во Скопје со СДС и ДУИ се претвора во бетонска џунгла.Со ДУП-от кај Алумина ќе се отежни протокот на луѓе и возила, ќе се зголеми метежот, ќе нема доволно нови паркинг места.Со планот на СДС и ДУИ туркан од Јакимовски Карпош би доживеал колапс, затоа ВМРО-ДПМНЕ го блокираше ДУП-от, кој е чист бизнис интерес на власта.

The post „Пуцко петрол“ ќе направи бизнис од 600 милиони евра во Карпош со помош на СДСМ, ДУИ и Јакимовски appeared first on Република.

Според новиот Детален урбанистички план за земјиштето во поранешната фабрика „Алумина“, се предвидува да се градат згради кои можат да бидат високи и до 35 метри. Според одредбите од ДУП-от, се предвидува намена домување и комерцијално-деловна намена.

Анкетни листови со забелешки на овој план можат да поднесат само оние кои се сопственици на земјиште во просторот на „Алумина“. Во овој случај, тоа е сопственикот на земјиштето „Пуцко Петрол“, пишува СДК.мк додавајќи дека компанијата ова земјиште го купи од израелската компанија „Газит глоуб“ во 2018 година.

Граѓаните кои имаат куќи веднаш до новиот комплекс згради кој се планира и кои живеат тука со години немаат право да поднесат анкетен лист оти не се во овој блок кој се планира. Според 3Д презентацијата која е објавена на веб страната на Општина Карпош, на просторот се нацртани осум згради, од кои шест се со висина од 9 до 14 ката, а две се кули од 25 до 35 ката.

Јавната презентација за ДУП-от ќе се одржи на 12 декември (вторник) во 13 часот во просториите на Општина Карпош.

The post „Пуцко петрол“ ќе ги гради висококатниците кај „Алумина“, соседите немаат право на жалба appeared first on Република.

Нафтената компанија „Пуцко Петрол“ деновиве ја зголеми сопственоста во рафинеријата „ОКТА АД Скопје“ со стекнување на дополнителни 1.565 акции. Според официјалното соопштение од ОКТА АД Скопје, „Пуцко Петрол ДООЕЛ Скопје“ ги известила за зголемувањето и сега поседува вкупно 93.530 акции. Ова претставува приближно 11,05% од вкупниот број на акции.

Зголемувањето на сопственоста се усогласува со член 38 од Правилата за котација на Македонската берза АД Скопје.

„Пуцко Петрол“ е компанија на Исмаил Јахоски, пратеник на владејачката партија ДУИ, кој претходно 24 години ја извршуваше функцијата градоначалник на Општина Пласница.

Станува збор за компанија позната по многубројните државни и општински тендери. Пример, таа е една првите три компании за 2022 година, со успешно склучени 413 договори за јавни набавки во државните институции во вредност од околу 50 милиони евра.

The post „Пуцко Петрол“ на Исмаил Јахоски од ДУИ сега поседува 11,05% од „ОКТА“ appeared first on Република.

Носењето на ДУП-от во Карпош, и тоа во два наврати, а кој предвидува изградба на бензинска пумпа до базенот „Младост“ е незаконски и противустваен, можно е да е направен на барање од „Пуцко Петрол“ и е пропратен со голем број на сомнителни одлуки, постапки и финансиски трансакции заклучи Антикоупциската комисија која отвори предмет по доставени три аноними пријави.

Антикорупциската комисија одлучи да ја запре постапката но сите наоди и докази кои ги прибра во текот на во истрагата ќе ги достави до надлежните органи. Антикорупципонерите со иницијатива од Обвинителството за организиран криминал ќе бараат да се испита делувањето на советниците во општината и градоначалникот Стевчо Јакимовски.

Антикорупционерите бараат и распуштање на советот на Општина Карпош

Уставниот суд два пати го укина спорниот ДУП во општина Карпош, првиот пат по форма бидејќи не беше комплетна докуметацијата а во април годфината и по содржина бидејќе е во спротивност со Урбанистичкиот план на Град Скопје.

Во моментов „Пуцко Петрол“ води спор пред Врховниот суд во кој бара оштета од околу 15 милиони евра поради укинувањето на ДУП-от. Претходно граѓанскиот суд додуи во негова корист и наложи да му се исплати штета малку повисока од сумата која тој ја плати за плацот – 2,3 милиони евра.

The post ДКСК: Обвинителството да го испита случајот со бензинската пумпа на „Пуцко Птерол“ во Карпош appeared first on Република.

Членовите на Антикорупциската комисија на денешната седница истакнаа дека мрежа испреплетена од голем број учесници потпомогнале во случајот со конфискација на имотот на „Трансмет“.

Дел од имотот кој требало да биде конфискуван во случајот „Труст“ бил преземен од фирми и банки со што била направена штета од над 12 милиони евра, истакна членот на комисијата Шемси Салаи.

Од Државната комисија за спречување на корупцијата објаснија дека во шемата најголема корист имала фирмата „Пуцко Петрол“, а опремата-движниот имот најверојатно е користен во правење профит за фирми семејно поврзани со осудениот во случајот „Труст“, Сеад Кочан.

Според ДКСК слабости биле утврдени уште на почетокот на процесот во СЈО, односно дел од имотот стекнат со кривични дела бил користен како гаранција за да не му биде определен притвор на сопственикот на „Трансмет“, Сеад Кочан.

Од ДКСК информираа дека во случајот се спомнува и фирмата на Хана Јахоска, „Би Холдинг“, како и фирмата „АД Астра“ на поранешниот директор на Шпаркасе банка Сашо Боко.

ДКСК констатира дека фирмата „Би Холдинг“ е роднински поврзана со „Пуцко Петрол“ во сопственост на Асмир Јахоски.

Според ДКСК, над 12,4 милиони евра изнесува сумата од неспроведената конфискација.

Антикорупциската комисија напомена дека дел од државните органи не презеле соодветни мерки и со тоа помагале во преземање на имотот во случајот „Труст“.

Според Салаи, отворено прашање е зошто правобранителството и Агенцијата за управување со одземен имот, не поднеле никакви барања за да се надмине тој проблем.

„Произлегува сомнеж дека службени лица во Државно правобранителство и Агенцијата за управување со одземен имот не ги презеле службените дејствија со што е овозможено преземање на имотот, а надлежните учествувале во изигрување на државата“, рече Салаи.

Тој додаде дека се појавува и сомнеж зоштио службени лица во државното правобранителство како што рече, не презеле дејствија за конфискување на имотот на „Трансмет“ , со што според него помогнале во изигрување на државата.

Мрежата како што вели била широка и опфаќала и нотари, ивршители и луѓе од други надлежни институции.

Нури Бајрами, побара комисијата да поднесе преставка и да се преиспита работата на судовите и обвинителите.

The post ДКСК: „Пуцко Петрол“ си го присвоил конфискуваниот имот на „Трансмет“ и ја оштетил државата за 4 милиони евра appeared first on Република.

Уставниот суд на седница одлучи да ја укине одлуката за донесување на Деталниот урбанистички план за Градска Четврт 3 04, Блок 04.05 на Општина Карпош.

Портпаролката на Уставниот суд Христина Беловска, на брифинг со медиумите информираше дека Судот од утврдената фактичка состојба и анализирана документација, утврдил дека ДУП-от е неусогласен со ГУП-от, бидејќи се предвидува изградба на бензинска станица, која е објект со класа на намена Е, на место кое што е планирано за зеленило и изградба на објекти со класа на намена А и Б, односно објекти за домување и делумно комерцијални објекти.

Поконкретно просторот каде се планира изградбата на бензинската пумпа е означен како коридор низ кој минува топловодна, гасоводна, фекална и водоводна инфраструктура.

Уставниот суд оцени дека со вака донесената одлука на Општина Карпош, се повредува начелото на владеење на правото, унапредувањето и хуманизацијата на просторот и заштитата и унапредувањето на животната средина и на природата, кои што се предвидени во Уставот. Но, исто така, направена е и повреда од членот 4 од Законот за урбанистичко планирање, бидејќи донесениот ДУП не е во согласност со ГУП-от, изјави Беловска.

Уставниот суд за ова прашање одлучуваше по поднесена иницијатива од Наташа Шурбановска на 3 април 2022 година.

Во однос на прашањето за евентуална отштета зошто не е изградена бензинската пумпа, кој гради и што гради, Беловска рече дека таквите прашања и информации не се земени предвид со оглед на тоа што надлежност на Уставниот суд е да одлучува дали некој закон е во согласност со Уставот и дали некој пропис, како што е одлуката за ДУП-от е во согласност со Законот и Уставот.

The post Избришана бензинската на „Пуцко петрол“: Уставниот суд ја укина одлуката за ДУП-от во Карпош appeared first on Република.

Куќата што ја стекнал лидерот на Алијанса за Албанците и градоначалник на Гостивар Арбен Таравари во скопско Тафталиџе сè уште е дел од дебатата во парламентот, каде веќе неколку дена трае расправата за владината реконструкција, во чии рамки треба да се изберат нови членови на владата од редовите на најновиот партнер – АА.

„Фокус“ изврши проверка во Катастарот на недвижности, од која произлезе дека Арбен Таравари, преку имотен лист со број 47531, поседува земјиште од 100 квадратни метри и станбен објект-куќа од 261 квадратни метри, на улица Бриселска во Карпош. Всушност, објектот е лоциран на катастарска парцела со број 1432/2, во рамки на катастарска општина Карпош. 

Впрочем, Таравари куќата уредно ја пријавил во анкетниот лист доставен до Антикорупциската комисија, каде навел дека ја стекнал по пат на купопродажба за цена од 9.2 милиони денари или 150 илјади евра. Во анкетниот лист не е наведено кога е склучен договорот, но, според одговорите што ги добивме од Таравари, куќата ја купил во 2011 година со помош на кредит.

Во однос на нашето прашање дали куќата е купена од функционер на ДУИ, како што го обвинуваат ВМРО-ДПМНЕ и Николоски, Таравари ни рече дека нема таква информација. Како што истакна тој, куќата му ја нашол пријател, а се договарал со жена која нема врска со политиката. Сепак, не откри за кои луѓе станува збор.

Проверките што ги изврши „Фокус“ покажуваат дека новата куќа на Таравари, е лоцирана веднаш до неговиот кумашин, сопартиец и иден министер за здравство Фатмир Меџити, како и на Љупка Еда Јахоска, економист во нафтената компанија „Пуцко Петрол“, во сопственост на семејството на пратеникот на ДУИ Исмаил Јахоски.

Целата сторија на „Фокус“

The post Таравари во Тафталиџе прв комшија на кумашинот и иден министер за здравство, како и на Јахоска од „Пуцко“ appeared first on Република.

Скопска Апелација делумно ја потврдила првостепената пресуда на Граѓанскиот суд во корист на нафтената компанија „Пуцко Петрол“ против државата и Општина Карпош, објави „Фокус“.

Компанијата, која е во сопственост на семејството на пратеникот на ДУИ од Пласница, Исмаил Јахоски, ги тужеше општината и државата поради тоа што купила земјиште со намена за изградба на бензиска станица, но не успеа да ја изгради бидејќи урбанистичкиот план за тој дел од Карпош беше поништен, а не биле исполнети ниту критериумите за безбедност.

Според „Фокус“, пресудата покажува дека скопска Апелација ја потврдува првостепената пресуда – нафтената компанија, која формално се води како сопственост на Асмир Јахоски, синот на пратеникот Исмаил, треба да ги добие назад парите платени за градежното земјиште, сосе данок на промет.

Повеќе на „Фокус“

The post „Пуцко петрол“ ќе си наплати 2,5 милиони евра за неизградената бензинска кај „Борис Трајковски“ appeared first on Република.

Ефектот од средбите Арсовска – Ковачевски е блокиран град, банкротирано ЈСП и сомнеж за провизии кои завршуваат во приватни џебови, обвинуваат утрово од ВМРО-ДПМНЕ, од каде објавуваат за нов криминал со скопското претрпијатие, фирмите на функционерот од Пласница и скопски сметководител.

Тендерот за набавка на нафта во ЈСП е потпишан од директорот Александар Стојковски, кадар на СДС, а фирма добитник е во сопственост на пратеник коалициски партнер на власта Пуцко Петрол.

Тендерот за набавка на нафта за ЈСП секогаш имал вклучен рабат од 6 денари. Дури и во времето на Шилегов. Сега со Арсовска нема.

Што се сменило сега во однос на години претходно? Нафтата се набавува на големо, а не на бензинска. А, цените кои ќе ги плаќа ЈСП според договорот за набавка тежок 27 милиони евра, се исти како во малопродажба.

Секој поголем потрошувач на горива добива рабат, тргнувајќи од транспортери до превозници. Само ЈСП, кој е најголем директен потрошувач во државата плаќа за 14.500.000 литри како да купува 50 литра.

Ваквиот договор со кој се сомневаме дека ЈСП се оштетува за над 1.4 милиони евра е потпишан од Александар Стојковски, директор на претпријатието, кадар на СДС.

Дали е точно дека нема попуст затоа што има провизии?

Која е улогата на блискиот сметководител на Данела Арсовска од Ѓорче Петров Драган Митковски Книга?

Дали и во чии приватни џебови завршија провизиите од попустот кој го нема.

Дали Драган Митковски Книга е главниот кадровик во Градот Скопје и ЈСП?

На кого треба да припадне приватниот превоз во градот Скопје?

Во моментот директорите во град Скопје на СДС, ДУИ и Левица, заедно со Данела Арсовска владеат со хаосот во град Скопје, велат од ВМРО-ДПМНЕ.

The post Каква врска имаат „Пуцко петрол“, ЈСП и скопски сметководител во блокадата на Скопје? appeared first on Република.

На Македонија сила ѝ дава ДУИ, на ДУИ ПУЦКО ПЕТРОЛ, на ПУЦКО ПЕТРОЛ со тендери владата, коментира поранешниот министер за финансии Џевдет Хајредини.

Тој важи за голем критичар на ДУИ за кој вели дека за жал станува фактор без кој не може да се формира влада.

https://republika.mk/vesti/ekonomija/pucko-petrol-vleguva-vo-skopski-beton-mediumite-pishuvaat-ottamu-demantiraat/

20 години ДУИ се на власт и никој не одговара за ништо.Обвинители, судии Албанци, ниту еден не може да се замисли да не е од огранокот на партијата. Затоа и довербата во судството е 8 посто. Погледнете како се однесуваат на судења и на рочишта оние што одговараат за малцерзации на изборите.Ги навредуваат судиите, им се закануваат на сведоци, на обвинители и никому ништо-објаснува Хајредини.

https://republika.mk/vesti/makedonija/pucko-petrol-pak-dobi-tender-za-gorivo-ovojpat-od-mvr-vreden-1-3-milioni-evra/

Тој нагласува дека е потребно криминалците од ДУИ што се на власт да влезат во затвор и за неколку дена ќе имаме престројување на чесните луѓе и тие ќе излезат од партијата.

https://republika.mk/vesti/makedonija/hajredini-potrebno-e-kriminalcite-od-dui-shto-se-na-vlast-da-vlezat-vo-zatvor-i-za-nekolku-dena-kje-imame-prestrojuvanje/

The post Хајредини: На Македонија сила ѝ дава ДУИ, на ДУИ Пуцко петрол, на Пуцко петрол тендерите со владата appeared first on Република.

Претседателот на ВМРО-ДПМНЕ Христијан Мицкоски заедно со градоначалникот на општина Гевгелија, Андон Сарамандов во рамките на активноста „Промените се случуваат, секогаш со народот“, извршија увид на градежни активности во населеното место Негорци, каде беше дадена и изјава за медиумите.

На новинарско прашање за тоа дали има оправдување за новото најавено задолжување од 900 милиони евра, Мицкоски истакна дека интересно во целата ситуација е тоа како власта сака да ја затскрие вистинската намена на овие 900 милиони евра кои всушност се наменети за проект кој што долго го најавува ДУИ, а како подготовка на истиот во последните денови лице блиско до ДУИ стана дел од сопственичката структура на една македонска градежна компанија.

Ветуваа европска иднина, а донесоа должничко ропство. Она што е интересно и што треба да го знаат граѓаните е обидот да се затскрие вистинската намена на овие 900 милиони евра. Прво ќе излезат и ќе кажат дека биле 900 милиони евра за буџетска поддршка, за ликвидноста на буџетот. Видоа дека таа приказна тешко проаѓа и наидува на критика во јавноста, па потоа се обидоа на мала врата да протнат една друга теза дека се потрошени државните резерви во четвртиот квартал од минатата година и првиот квартал од оваа година, нешто повеќе од дванаесет проценти од вкупниот волумен на државни резерви па требало тие да се покријат. Суштината е нешто друго и повторно главен играч тука е ДУИ, а СДСМ е само набљудувач на тој процес. Тоа се пари кои се наменети за тој проект кој што долго време го најавува ДУИ, а како подготовка на тој проект, изминативе денови е направена промена на сопственичката структура на една стара градежна македонска компанија сопственост на еден бизнисмен, а сега во дел од сопственоста влезе лице кое што е блиско до ДУИ“, потенцираше Мицкоски.

Тој додаде дека во деновите кои што следат на сите ќе им стане јасно за што се наменети тие 900 милиони евра и јавноста ќе биде сведок на епски криминал.

Почекајте и деновите кои што следат на сите ќе ни биде јасно зошто се наменети овие 900 милиони евра. Повторно за криминал, само на еден поинаков начин. Тоа е суштината и тоа треба да го знаат граѓаните. За реализација на еден проект кој што долго време ДУИ го најавува. А како предигра на таа реализација, ќе повторам, направена е промена на сопственичката структура на една градежна компанија каде што нов сопственик е човек, фамилија блиска до ДУИ. Ќе бидеме сведоци на еден епски криминал кој што ќе се случува во периодот кој што следи, потенцираше Мицкоски.

The post Криминал од епски размери: Заемот од 900 милиони евра е за проект на ДУИ, а не за Буџетот appeared first on Република.

Нафтената компанија „Пуцко Петрол“, еден од најголемите добитници на државни зделки за снабдување со нафтени деривати, влегува во скопски „Бетон“, објави денеска Фактор . Порталот оваа информација ја добиле од неколку неофицијални извори.

„Република“ во текот на вчерашниот ден побара официјален одговор дали е точна оваа информација, но оттаму истата беше демантирана.

Не е точно дека „Пуцко Петрол“ влегува во Бетон - изјавија од нафтената компанија.

Според податоците за компанијата објавени на Берзата, „Бетон“ минатата година ја завршил со огромна загуба од 12,4 милиони евра или близу 760 милиони денари.

Ова следува откако во 2020 година градежната компанија имала минимална добивка од околу пет илјади евра, додека, пак, во 2019 година добивката изнесувала 639 илјади евра. Ова значи дека низ текот на годините работењето на „Бетон“ Скопје одело се повеќе во зоната на негативата, за лани да заврши со неславна бројка на загуба од 12,4 милиони евра. Во минатата година значително се намалени и вкупните приходи од редовните активности на компанијата.

Во акционерската структура на „Бетон“ доминира познатиот бизнисмен Минчо Јорданов. Според податоците на Ценгтралниот депозитар за хартии од вредност, најголем поединечен акционер на „Бетон“ е REPRO ONE LIMITED, која поседува 22,22 отсто од акциите, ARROWCREST LIMITED располага со 19,94 проценти, РЖ Техничка контрола АД има 5,04 отсто, додека, пак, WOLLES TRADING CORP има на располагање 21,34 проценти од акциите.

Инаку, „Пуцко Петрол“ е компанија основана во 1991 година, а работи на трговија на големо, со цврсти, течни и гасовити горива и слични производи.Според Клуб 200, „Пуцко Петрол“ во 2019 година имала приход од 46,4 милиони евра, и раст на приходот од 13,48 проценти. Нејзината добивка во таа година изнесувала 2,8 милиони евра. Компанијата има 164 вработени. Сопственик на „Пуцко Петрол“ е Асмир Јахоски, син на поранешниот градоначалник на општина Пласница и сегашен пратеник од редовите на ДУИ, Исмаил Јахоски.

The post „Пуцко Петрол“ влегува во скопски „Бетон“: Медиумите пишуваат, оттаму демантираат appeared first on Република.

МНР го демантира Хоџа: Фотографиите од Лукоил се стари, со гориво се снабдуваме од локална компанија, коментира аналитичарот Ивор Мицковски.

Забораваат да кажат дека локалната компанија е партиската компанија на ДУИ - Пуцко Петрол, пишува Мицковски.

The post Мицковски: МНР го демантира Хоџа: Фотографиите од Лукоил се стари, со гориво се снабдуваме од локална компанија appeared first on Република.

Аналитичарот Ивор Мицковски, иронично ја коментира изјавата на министерот за надворешни работи, Бујар Османи, дека луѓето коишто купуваат руска нафта и гас ја финансираат руската војска.

Купувајте гориво од Пуцко Петрол, така го помагате ДУИ и Зелената агенда - коментира Мицковски.

https://republika.mk/vesti/makedonija/osmani-gragjanite-koi-se-snabduvaat-so-ruska-nafta-ja-finansiraat-ruskata-armija/

The post Мицковски: Купувајте гориво од Пуцко Петрол, така го помагате ДУИ и Зелената агенда appeared first on Република.