Македонски
Тренерот на актуелниот француски фудбалски првак ПСЖ, Луис Енрике, најави враќање во тимот на Лукас Ернандез и Преснел Кимпембе, кои долго време беа надвор од теренот поради сериозни повреди.
Дваесетидеветгодишниот Кимпембе беше надвор од фудбалот нешто помалку од две години, поради повреда на ахиловата тетива во февруари минатата година. Ернандез, кој е една година помлад, беше опериран во мај откако ги скина предните вкрстени лигаменти.
„Радува факт што се вратија меѓу соиграчите. Секако дека мора да го стигнат ритамот бидејќи долго време беа надвор од фудбалот. Сепак, повредите се минато и наскоро ќе бидеме посилни за нив, а и обајцата се исклучително важни за тимот“, изјави шпанскиот стратег на клупата на ПСЖ.
ПСЖ во моментов е лидер на табелата во француската Лига 1, со 33 бодови, седум повеќе од најблиските конкуренти Марсеј и Монако.
Од друга страна, ПСЖ има проблеми во Лигата на шампиони и на три кола пред крајот на првата фаза е надвор од групата клубови кои го продолжуваат натпреварувањето. Францускиот шампион во моментов е на 25. место и има само една победа, реми и дури три порази.
До крајот на Лигата на шампиони, ПСЖ ќе им гостува на Салцбург и Штутгарт, додека на домашен терен игра против Манчестер Сити.Kлубот е во голема финансиска криза по заминувањето на Мбапе.Проценките се дека секој ден губат по 100.00 евра
