Македонски
Слоу Фуд Водно го најавува првиот Пролетен саем кој ќе се одржи денес на зелената тераса на Public Room, со почеток во 10:00 часот.
Овој настан e идеална можност за љубителите на домашната и органската храна да откријат нови и свежи производи, како и да се запознаат со локалните производители и занаетчии кои ги промовираат принципите на одржливост и квалитет.
Пролетниот саем на Слоу Фуд Водно ќе понуди широк избор на сезонски и рачно произведени производи од македонски локални земјоделци и производители. Од свежи зеленчуци и овошје, преку органски производи, мед, сирење, кашкавали и сувомеснати производи, до уникатни вина и пива и ракии од малите семејни винарии и занаетчиски пивари и дестилерии. Сето ова ќе биде достапно за посетителите кои сакаат да поддржат локални економии и да уживаат во природата на сезонски храна.
Круна на настанот се кулинарските перформанси во живо, и дегустацијата на храна, вино и жестоки пијалоци!
Не пропуштајте ја оваа прекрасна можност да се социјалзирате и набавите високо квалитетни призоводи, да се поврзете со природата, да научите повеќе за одржливиот начин на живот и да уживате во вкусните и квалитетни производи што ги нудат нашите земјоделци и занаетчии!
Дојдете и бидете и вие дел од оваа зелена и вкусна приказна!
