На 05.10.2024 во 10.05 часот во СВР Скопје, било пријавено дека на подрачјето на Карпош настанал пожар во куќа, сопственост на М.К.(84), додека таа готвела.

Пожарот бил изгаснат од Бригадата за противпожарна заштита-Скопје, а М.К. се здобила со изгореници, по што била пренесена во Комплексот клиники „Мајка Тереза“ за укажување на лекарска помош.

The post Пожар во куќа во Карпош, повредена 84-годишна жена appeared first on Република.

На 12.01.2024 во 19.45 часот во СВР Скопје, било пријавено дека во с.Држилово, општина Сопиште настанал пожар во куќа сопственост на И.А.(53) од с. Држилово. Во пожарот изгорел целиот кров на куќата, а од страна на Бригадата за против пожарна заштита пожарот бил изгаснат.

Извршен бил увид од увидна екипа од СВР Скопје.

The post Пожар во куќа во Сопиште appeared first on Република.

Најзначајниот, но и најбогатиот со обичаи празник е токму Бадник. Иако се смета за христијански празник, народот низ минатото, па и денес го прославува на начин кој тешко може да се карактеризира како христијански.

Повеќето бадникови и божиќни обичаи се темелат на сознанието дека во овие денови почнува новата година и на верувањето дека токму тогаш се одлучува судбината на домот и оние кои живеат во него за наредниот едногодишен период.

Скоро сите магиски и култни обреди за овие празници се инспирирани од желбата за посреќна година и напредок во неа.

Еве неколку од тие стари, народни обичаи кои сè уште се почитуваат во некои подрачја:

-Не е убаво на Бадник да се заспие додека не прегори бадниковото гранче, бидејќи некој од станарите ќе умре без предзнак.

-На Бадник ништо не се позајмува од куќата. Не е убаво она што припаѓа во домот да биде надвор од него на Божиќ.

-Кога станарите си легнуваат, бабата или некоја друга постара жена од фамилијата забодува нож во внатрешната страна на вратата и на него закачува малку лук, за станарите да бидат заштитени од уроци, вештерки и нечисти сили.

-На Бадник не е убаво огнот да се разгорува со дување, за ветрот да не ја одвее пченицата. Наместо со дување, тој се распалува со лиснати гранки.

-Жените на овој ден не треба да работат бидејќи така ќе им ги затворат устите на ѕверовите.

-На Бадник, кога ќе се завршат сите работи, во една чинија се растопува маст и во неа се огледуваат сите станари. Кој што нема да ја види својата глава, тој ќе умре во текот на годината.

-Ако е облачно на Бадник, годината ќе биде плодна. Ако во огништето има многу пепел, се верува дека зимата ќе има многу снег. Ако на Бадник искрите од огнот излегуваат сами, иако никој не го чепка огништето, се верува дека ќе има многу мед и богатство.

The post На Бадник ништо не се позајмува од куќата appeared first on Република.

Се запали куќа во кавадаречкото село Раец, потврдија за МИА од Територијалната противпожарна единица во Кавадарци.

Веднаш по дојавата за пожар наша екипа од четворица пожарникари со две противпожарни возила замина на лице место и интервенираа најбрзо што може, информираа од Противпожарната служба.

Оттаму додадоа дека има материјална штета при пожарот во Раец.

The post Се запали куќа во село Раец appeared first on Република.

Во Полициската станица Гевгелија денеска во 09.40 часот било пријавено дека во куќа во село Селемли, гевгелиско, бил пронајден починат 43-годишен маж.

Од страна на лекар од Итна медицинска помош Гевгелија била констатирана смрт, а увид на местото извршила екипа од Одделението за внатрешни работи Гевгелија, информира МВР.

По наредба на Јавен обвинител од Основното јавно обвинителство Гевгелија телото било предадено на обдукција.

The post 43-годишен маж пронајден починат во куќа во гевгелиско appeared first on Република.

Денеска (31.10.2023) во 03.35 часот во СВР Скопје било пријавено дека на ул.„Фан Ноли“ во Скопје настанал пожар во куќа сопственост на Е.А.(43) од Скопје. Притоа, Е.А.(43), Ф.А.(44) и Е.А.(26) вдишиле чад и биле пренесени во Комплекс клиники „Мајка Тереза“ за укажување лекарска помош.

Екипа на Бригадата за противпожарна заштита Скопје го изгаснала пожарот, а увид на местото извршила од екипа од СВР Скопје.

The post Пожар во куќа во Скопје, сопствениците префрлени во болница appeared first on Република.

Израелските војници денеска ја срушија куќата на функционерот на Хамас, Салех ал-Арури во населбата Арура кај Рамалах на окупираниот Западен Брег.

На видеата објавени на социјалните мрежи се гледа како е предизвикана контролирана експлозија. Наредбата за уривање е донесена пред неколку дена.

Ал-Арури живее во Либан и се смета де факто за лидер на Хамас на Западниот Брег и е одговорен за некои активности на исламската екстремистичка организација на таа територија, јавуваат израелските медиуми.

The post Израелските војници ја демолираа куќата на висок функционер на Хамас на Западниот Брег appeared first on Република.

Во Австрија вчера почна реновирањето на куќата во којашто во 1889 година е роден Адолф Хитлер. Одлуката за обнова и пренамена на зданието во Браунау ам Ин, град близу австриската граница со Германија, беше донесена во 2019 година.

Од 1970-тите тој простор се користел за згрижување возрасни со попреченост, но во 2011 година е напуштен и останал празен.

Куќата ќе биде претворена во полициска станица, со цел да биде непривлечна како место за собири за оние кои го величаат нацистичкиот диктатор. Градежните работници веќе поставија ограда и почнаа со мерења за градежни работи. Се очекува полицијата да се смести тука во 2026 година.

На проектот за пренамена му претходеше повеќегодишен спор околу сопственоста на куќата. Тоа прашање беше решено во 2017 година кога највисокиот австриски Суд одлучи дека Владата има право да ја експроприра градбата откако сопственикот одбил да ја продаде. Предлогот за уривање на објектот, се наведува, е одбиен.

The post Почна реновирањето на родната куќа на Хитлер, до 2026. ќе биде полициска станица appeared first on Република.

Косовската полиција од утрово го претресува имотот на Милан Радоичиќ, поранешниот потпретседател на Српската листа, кој организираше акција во селото Бањска во која загинаа четири лица, пренесуваат српските медиуми.

Косовскиот министер за полиција Џељај Свеќља објави видео од внатрешноста на вилата на Радоичиќ на брегот на езерото Газиводе, нарекувајќи го Пабло Ескобар од регионот.

Детално и до крај ќе се истражува терористичкиот напад со кој се соочи косовската полиција во селото Бањска. Косовската полиција, согласно судската наредба, денеска изврши претрес во станот на Милан Радојчиќ, неговата вила на Ујманското езеро, напиша Свеќља на својот Фејсбук профил, пренесе „Нова.рс“

Дури и од сликите што може да се видат, очигледно е дека не се работи за „борец за слобода“ туку за Пабло Ескобар од регионот. Под превезот на бранител на граѓаните, тој и неговите соработници станаа мултимилионери на сметка на законот, државата и другите граѓани. Затоа, неопходно е да се истражи местото на злосторството сите овие години на северот на земјата заедно со целиот имот на терористичката група“, заклучи Свеќља.

Од утрово трае претресот на имотот на Милан Радоичиќ во Косово, а во меѓувреме тој ја призна целосната одговорност за настаните во селото Бањска, кога загинаа четири лица.

The post Не бил „борец за слобода“ туку Пабло Ескобар од регионот: Косовската полиција покажа како изгледа куќата на Милан Радоичиќ appeared first on Република.

Пожар избувнал ноќеска во куќа во Неготино. Градоначалникот Горан Стојанов попладнево најави дека Општината ќе им помогне на оштетените.

Исконтактиравме со оштетените, да се види што може да се помогне. Дополнително и ќе се видиме, да се договориме околу начинот на помош, рече Стојанов за МИА.

Неофицијално, човек со проблеми, ја запалил сопствената куќа која е братска и во која, во еден дел живее неговиот син, а во другиот дел живее снаата за брат. Тој долго време се заканувал дека ќе ја запали куќата. Ова му било четврти пат како ја палел, но сега била најоштетена.

Оштетените бараат надлежните да се погрижат за човекот, за да не прави дополнителни проблеми.

Од Полицијата потврдија дека едно лице било приведено по пожарот во семејна куќа во Неготино.

The post Четири пати се заканувал, на крај ја запалил куќата во Неготно што ја дели со братот appeared first on Република.

Лекарите советуваат дека е добро да се исчисти целата куќа по времето минато со настинка. Препораките се однесуваат на менување на постелнината, перење на алиштата, пребришување на сите површини во домот - сѐ со цел да се отстранат непожелните бактерии. Но, истото важи и за четката за заби.

Четката за заби е еден од оние предмети што биле во директен контакт со микроорганизмите на настинката. Според американскиот стоматолог Гери Лиу, особено е важно да се земе нова четка, при присуство на заболувања како херпес, грип, болки во грлото, па тука спаѓа и обичната настинка.

Бактериите можат да живеат на четката и до неколку седмици, зависно од видот на микроорганизмот. Затоа, важно е четката да се смени, просто поради можноста од нова зараза.

Зошто не треба да се менува четката додека човекот е болен? Користењето на истата четка додека сте болни нема да ја продолжи лошата здравствена состојба. Исто така, погрешно е и да се покрива четката, бидејќи бактериите умираат во присуство на кислород.

The post По настинка треба да се исчисти целата куќа appeared first on Република.

На 07.03.2023 во 10.05 часот во Полициската станица Кочани било пријавено дека во населба Оризари настанал пожар во куќата на С.Л.(53), во која живеела неговата мајка С.Л.(79).

-Од здобиените повреди при пожарот, С.Л. починала, а смрт констатирала екипа од Итната медицинска помош, информира МВР.

Пожарот бил изгаснат од екипа на Територијалната противпожарна единица Кочани, а увид извршила екипа од Полициската станица Кочани.

The post Почина жена во пожар во куќа во Кочани appeared first on Република.

Средовечен маж од Крива Паланка на вториот ден од новата година фрлил шише со запалива течност пред домот на неговата сопруга, со која се во процес на развод, соопшти полицијата.

Надворешната канцеларија за криминалистички работи Крива Паланка поднесе кривична пријава против О.А.(46), поради постоење основи на сомнение за сторено кривично дело „предизвикување општа опасност“. На 02.01.2023 пред домот на неговата сопруга, со која се во бракоразводна постапка, тој фрлил шише со запалива течност и предизвикал експлозија“, велат од МВР.

The post Маж од Крива Паланка фрлил молотов коктел кон куќата на сопругата од која се разведувал appeared first on Република.

Куќата што ја стекнал лидерот на Алијанса за Албанците и градоначалник на Гостивар Арбен Таравари во скопско Тафталиџе сè уште е дел од дебатата во парламентот, каде веќе неколку дена трае расправата за владината реконструкција, во чии рамки треба да се изберат нови членови на владата од редовите на најновиот партнер – АА.

„Фокус“ изврши проверка во Катастарот на недвижности, од која произлезе дека Арбен Таравари, преку имотен лист со број 47531, поседува земјиште од 100 квадратни метри и станбен објект-куќа од 261 квадратни метри, на улица Бриселска во Карпош. Всушност, објектот е лоциран на катастарска парцела со број 1432/2, во рамки на катастарска општина Карпош. 

Впрочем, Таравари куќата уредно ја пријавил во анкетниот лист доставен до Антикорупциската комисија, каде навел дека ја стекнал по пат на купопродажба за цена од 9.2 милиони денари или 150 илјади евра. Во анкетниот лист не е наведено кога е склучен договорот, но, според одговорите што ги добивме од Таравари, куќата ја купил во 2011 година со помош на кредит.

Во однос на нашето прашање дали куќата е купена од функционер на ДУИ, како што го обвинуваат ВМРО-ДПМНЕ и Николоски, Таравари ни рече дека нема таква информација. Како што истакна тој, куќата му ја нашол пријател, а се договарал со жена која нема врска со политиката. Сепак, не откри за кои луѓе станува збор.

Проверките што ги изврши „Фокус“ покажуваат дека новата куќа на Таравари, е лоцирана веднаш до неговиот кумашин, сопартиец и иден министер за здравство Фатмир Меџити, како и на Љупка Еда Јахоска, економист во нафтената компанија „Пуцко Петрол“, во сопственост на семејството на пратеникот на ДУИ Исмаил Јахоски.

Целата сторија на „Фокус“

The post Таравари во Тафталиџе прв комшија на кумашинот и иден министер за здравство, како и на Јахоска од „Пуцко“ appeared first on Република.

Иако Меси игра во Франција, потекнува од Аргентина, се чини дека негова омилена земја е Шпанија каде долги години играше.

Лео планира по завршувањето на кариерата да живее во Шпанија па затоа си направи супер луксузна куќа во облика на неговата омилена топка.

Додека структурата на самата куќа е тркалезна, останатиот дел изгледа како фудбалско игралиште поделено на два дела! Со структурата пред главната зграда, од воздух оваа куќа изгледа како бројот 10, кој го претставува бројот на дресот на Меси.

The post Фудбалски терен и на средина топка: Погледнете ја куќата на Меси во Шпанија appeared first on Република.

На социјалните мрежи се појавија документи од кои се гледа дека лидерот на Алијансата за Албанците Арбен Таравари купил семејна куќа во еден од поскапите делови на Скопје, општина Карпош за неверојатно ниска сума од 576 евра од квадрат. Во овој дел од Скопје цената на квадрат за стан е најмалку 1400 евра а за куќа дури и повисока.

Во твитот кој ги пренесува официјалните информации од сајтот на Државната Комисија за спречување на корупција Таравари добива директно прашање на кое се уште нема одговор:

Дали е реална цената, кога и од кого ја купил куќата г-дин Арбен Таравари?

Детали за куќата

Карпош, Скопје

Површина: 261м2

Цена: 150.475€

Квадрат: 576€

Стекнување со договор за купопродажба: /
———
Споредба во имотните листови на Арбен Таравари

Платата на лидерот на Алијансата за Албанците Арбен Таравари како градоначалник на Гостивар е околу 1000 евра.

https://twitter.com/Trollowsky/status/1619254202521485312?ref_src=twsrc%5Etfw%7Ctwcamp%5Etweetembed%7Ctwterm%5E1619254202521485312%7Ctwgr%5Ec87ef856863d78eb1ed801ec13866920211e5bbe%7Ctwcon%5Es1_&ref_url=https%3A%2F%2Fwww.expres.mk%2Fse-cheka-odgovor-od-taravari-kupil-kukja-vo-karposh-za-samo-576-evra-za-kvadrat-dokument%2F

The post Таравари треба да објасни како купил куќа во Карпош за само 576 евра квадрат appeared first on Република.

Пронајдено е починат германски државјанин во куќа во Скопје. Телото на починатиот било дадено на обдукција, соопшти Министерството за внатрешни работи.

– Во СВР Скопје вчера во 20:37 часот било пријавено дека во куќа на ул.„Кленоец“ бил пронајден починат О.Д.Х(57) од Сојузна Република Германија, со престој во Скопје. Смрт без видливи траги на насилство констатирал лекар од Итна медицинска помош, а по наредба на Јавен обвинител телото на починатиот било дадено на обдукција, посочуваат од МВР.

The post Пронајден починат Германец во куќа во Скопје appeared first on Република.

The post Нечиста кујна е знак на депрecиja, а запуштената бања открива стpec appeared first on Република.

Полицијата во Лесковец објави дека истражувајќи го самоубиството на 38-годишна жена од Велики Трњан кај Лесковац, открила тело на маж забетонирано во столб на куќата.

Телото е дадено обдукција и истрагата е во тек, но медиумите јавуваат дека неофицијално се работи за сопругот на сега починатата жена, за кого се верувало дека е на работа во странство.

Сомневањата се дека таа го убила заедно со својот љубовник пред три години и го забетонирала.

Многу успешно ги излажа семејството и децата дека отишол да работи некаде во странство и дека ќе разговара со него. Откако, се самоубила, љубовникот отишол во полиција и признал се, наведува за Нова.рс извор близок до истрагата.

Телото на 38-годишната жена вчера било пронајдено во помошен објект во дворот од нејзината куќа, а нејзиното исчезнување семејството го пријавило пред неколку дена.

Наредена е и обдукција на нејзиното тело за да се утврдат причините за смртта, но сомневањата се дека извршила самоубиство.

The post Во Лесковац е пронајдено тело на маж забетонирано во столб на куќа,го убила сопругата со љубовникот, а сега се самоубила appeared first on Република.

Семејна куќа во тетовското село Шипковица изгореla во пожар кој почнал по полноќ.  При пожарот и при интервенција на пожарникарите нема повредени лица.

Пожарот е пријавен во 00.42 минути во Територијалната противпожарна единица Тетово. Веднаш беа упатени три противпожарни возила и се работеше на целосна локализација и ликвидација на пожарот до раните утрински часови. Повредени нема ни од мештаните од селото кои ни помагаа, ни од пожарникарите. Направена е голема материјална штета - информира Ука Алити од ТППЕ Тетово.

Според информациите на Алити, во текот на интервенцијата спречено е пожарот да се прошири на други објекти.

The post Изгоре куќа во тетовска Шипковица appeared first on Република.