Македонските претставници во Конференциската лига на УЕФА, Шкендија и Тетекс, ги добија противниците во првото квалификациско коло.

По ждрепка во Нион, вицешампионот Шкендија на стартот ќе се соочи со ерменски Ноах, додека освојувачот на Купот, Тиквеш ќе игра против Бреидаблик од Исланд.

Првите натпревари се играат на 11. јули, а реваншите се закажани за седум дена подоцна.

The post Конференциска лига: Тиквеш против исландски Бреидаблик, Шкендија против ерменска Ноах appeared first on Република.

Баер Леверкузен ја продолжи својата неверојатна серија без пораз откако синоќа одигра 2:2 против Рома во реванш полуфиналниот натпревар од Лигата на Европа и со тоа се пласираше во финалето. Противник на германскиот клуб во битката за трофејот ќе биде Аталанта која со вкупен резултат од 4-1 го елиминираше Олимпик Марсеј.

Клубот од Леверкузен имаше 2:0 од првата средба во Рим, но Рома на реваншот водеше со идентични 2:0 до 82. минута. Сепак, тимот предводен од Чаби Алонсо остана непоразен со автоголот на Манчини (82) и погодокот на Станишиќ (90+7).

Ова беше 49. натпревар по ред сезонава на кој Баер не загуби и еден од многуте на кои се спасуваше во последните моменти од натпреварот.

Избраниците на Чаби Алонсо постигнаа 136 голови на 49 натпревари оваа сезона, ја освоија Бундеслигата, а стигнаа до финалето во Лига Европа и Купот на Германија.

Баер го делат уште само четири натпревари до историска сезона без пораз.

„Среќни сме што стигнавме до финалето. За една недела ќе играме две финалиња. Покажавме карактер по нивниот втор гол, ги погледнав играчите во очи после тоа и видов дека сакаат повеќе. Имаме уште шанса да освоиме три титули и моите момци тоа го заслужуваат“, изјави Чаби Алонсо по натпреварот.

Финалето меѓу Баер и Аталанта ќе се игра во Даблин на 22 мај.

Во финалето на третото по ранг европско клупско натпреварување, Лигата на конференции, ќе играат Олимпијакос и Фиорентина.

Грчкиот клуб со вкупен резултат 6-2 ја елиминираше Астон Вила, додека клубот од Фиренца беше поуспешен во полуфиналната пресметка против Клуб Бриж со вкупни 4-3.

The post Oлимпијакос на свој терен во Атина ќе ја освојува Конференциската лига appeared first on Република.

Ждрепката во Нион ни ги донесе и двојките од осминафиналето на Конференциската лига. Убедливо најинтересна ќе биде пресметката на двајцата поранешни освојувачи на Лигата на шампионите - Ајакс и Астон Вила.

Фенербахче ќе гостува во Белгија на Унион Сент Жилоаз, а ПАОК патува во Загреб кај Динамо во балканското дерби.

Првите натпревари се закажани за 7 март, реваншите седум дена подоцна.

Финалето е закажано за 29 мај, кога на „АЕК Арената“ во Атина силите ќе ги одмерат двете најдобри екипи.

Двојки од осминафиналето во Конференциската лига:

Сервет - Викторија Пилсен
Ајакс - Астон Вила
Молде - Клуб Бриж
Унион Сент Жилоа - Фенербахче
Динамо Загреб - ПАОК
Штурм - Лил
Макаби Хаифа - Фиорентина
Олимпијакос - Макаби Тел Авив

The post Бед блу бојси пак во Грција appeared first on Република.

Со три голови на Бесарт Ибраими, македонскиот фудбалски шампион, Струга Трим и Лум го победи Есперанж од Луксембург со 3:1 во првиот натпревар од третото квалификациско коло на Конференциската лига на УЕФА.

До хет-трик, Ибраими стигна со два гола од пенал во 40. и 77. минута, а својата серија ја отвори откако ја искористи големата грешка на противничкиот голман во 21 минута.

Голот за тимот од Луксембург го постигна Доминик Штолц во 46. минута.

Реваншот ќе се игра по седум дена на теренот на Есперанж.

The post Хет-трик на Ибраими донесе значајна предност за Струга пред реваншот во Луксембург appeared first on Република.

Тренерот на македонскиот фудбалски шампион, Струга Трим и Лум, Шпетим Дуро, е умерен оптимист пред натпреварот против шампионот на Луксембург, Есперанж, во 3. квалификацискоколо од Конференциската лига на УЕФА.

Албанскиот стратег, на прес-конференцијата пред натпреварот, истакна дека противникот е многу квалитетен противник, што не смее да биде потценет. Сепак, Дуро порача дека кај фудбалерите на Струга може да се забележи мотивацијата да се направи нов чекор во европското нклупско натпреварување.

Ова е натпревар кој го чекаме со големо нетрпение. Знаеме дека пред нас е историска шанса да дојдеме до плејофот и затоа секој во тимот носи огромен мотив за надигрување и успек. Всушност секој натпревар за нас во Европа е голем предизвик. Така ќе биде и утре посакувајќи позитивен резултат пред реваншот.

 

Тргнуваме двете екипи со израмнети шанси, но јасно е дека наша цел ќе биде победа на домашен терен. Нема што многу да менуваме во формацијата затоа што досега победувавме на тој начин. Секако дека крајна наша цел е да дојдеме до групната фаза во Конференциската лига. Ќе се обидеме иако знаеме дека ќе биде тешко“, изјави Дуро.

Убеденост во успех против тимот од Луксембург, изрази и Марјан Радески, кој летово е играчите на Струга, коишто покажуваат најдобра форма

Знаеме дека не очекува тежок меч и покрај тоа што се работи за тим од Луксембург. Имаат сериозен индивидуален квалитет во своите редови. Максимално ги респектираме, но веруваме дека ние имаме поголеми шанси да се пласираме во следното коло. Ако одиграме како што игравме досега во Европа, со силен мотив на ниво на тимот тогаш успехот ќе дојде“, изјави Радески.

Натпреварот Струга Трим Лум против Есперанж ќе го игра в четврток со почеток од 17 часот на тренинг-центарот на ФФМ во Скопје.

The post Струга со почит за противникот, но со цел да го изоди патот до групната фаза во Конференциската лига appeared first on Република.

Фудбалерите на Шкупи не успеаја да обезбедат пласман во групната фаза во УЕФА Конференциската лига, откако во Приштина загубија од Балкани со 1-0 (0-0) и со вкупен резултат од 3-1 претрпеа елиминација во плејофот за третото по ранг клупско натпреварување во Европа.

Балкани триумфираше над македонскиот првак и на првиот натпревар пред една недела во Скопје со 2-1, а со победа на реваншот на стадионот „Фадил Вокри“ испиша историја како прв клуб од Косово кој ќе игра во групната фаза во европско натпреварување.

Победоносниот гол на реваншот во Приштина го постигна Меритон Кореница во 69 минута, а Шкупи целиот натпревар го одигра со фудбалер помалку поради исклучувањето на Џелил Абдула по само 120 секунди.

Жрепката за групната фаза во третото по ранг европско клупско натпреварување е закажана за утре во Истанбул.

The post Косовски Балкани го остави Шкупи без групна фаза во Лигата на конференции appeared first on Република.

Фудбалерите на Шкендија обезбедија пласман во 3. квалификациско коло во Конференциската лига на УЕФА, откако во реваншот во Скопје ја совладаа Валмиера со 3:1 (2:1) и со вкупен резултат од 5:2 го елиминираа противникот од Летонија.

Противник на Шкендија во 3. квалификациско коло ќе биде шведски АИК, кој со вкупен резултат 4:3 ја елиминираше Ворскла од Украина.

Натпреварите од 3. квалификациско коло се на програмата на 4 и 11 август.

За разлика од Шкендија, фудбалерите на Македонија Ѓорче Петров го завршуваат својот настап во истото натпреварување во Бугарија, откако загубија од ЦСКА Софија со 4:0 во реваншот, откако одиграа 0:0 во Скопје.

https://republika.mk/sport/fudbal/morashe-da-vmesha-politika-bugariskiot-komentator-ne-propushti-da-poracha-deka-gjorche-petrov-bil-bugarski-revolucioner/

The post Шкендија избори пласман во 3. коло, Македонија Ѓорче Петров испадна во Софија appeared first on Република.

Македонските претставници во УЕФА Конференциската лига, Шкендија и Македонија Ѓорче Петров, ги добија можните противници во 3. квалификациско коло во третото по ранг европско клупско натпреварување.

Доколку Македонија ЃП биде поуспешна во пресметката со ЦСКА Софија, за противник во 3. коло ќе го има победникот од дуелот меѓу Сент Патрик од Ирска и словенечка Мура. Првиот натпревар би се играл во Скопје, на 4 август, а реваншот на гостински терен една недела подоцна.

https://republika.mk/sport/fudbal/mvr-gi-potvrdi-pishuvanjata-na-republika-bjb-ne-dozvoluva-makedonija-gjp-i-cska-sofija-da-igraat-vo-skopje/

Фудбалерите на Шкендија, пак, доколку ја минат втората пречка и бидат поуспешни од летонска Валмиера, за противник во 3. квалификациско коло ќе го имаат поуспешниот од дуелот меѓу шведски АИК и Ворскла од Украина. Тетовскиот тим на првиот натпревар би бил гостин.

Македонскиот шампион Шкупи во случај на елиминација во 2. Квалификациско коло во Лигата на шампиони од загрепки Динамо настапот на европската сцена ќе го продолжи во 3. Квалификациско коло во Лига Европа против поразениот од пресметката меѓу бугарски Лудогорец и ирскиот шампион Шамрок Роверс.

Првиот натпревар ќе се игра на гостински терен, на 4 август, а реваншот е по една недела.

The post Извлечени можните противници на Шкендија и Македонија ЃП appeared first on Република.

Двата македонски претставника во првото квалификациско коло од Конференциската лига, денеска ги добија своите противници.

На извлекувањето во Нион, Академија Пандев за ривал го доби Лехија Гданск од Полска, додека Шкендија ќе се соочи со Арарат од Ерменија.

Шкендија треба првиот меч да го игра на домашен терен, струмичани ќе гостуваат.

Првите натпревари се закажани за 7 јули, реваншите седум дена подоцна.

Победникот на Купот на Македонија, екипата на Македонија ЃП директно се пласира во второто коло

The post Лехија Гданск и Арарат: Силни противници за Академија Пандев и Шкендија во Конференциската лига appeared first on Република.

Навивачи на Феенорд и Рома се судрија со полицијата во Тирана, каде вечер ќе се одржи финалето на Конференциската лига.

Локалните медиуми јавуваат за неколку акти на насилство што се случиле на најмалку три места низ градот. Службениците за спроведување на законот мораа да употребат солзавец. Има десетина повредени полицајци, додека осум навивачи на Феенорд се уапсени затоа што удриле Албанец со стол додека тој ги провоцирал со јавна поддршка за Рома. Албанскиот жител морал да биде пренесен во болница.

Исто така, околу 200 навивачи на холандскиот тим се судрија со полицијата обидувајќи се да стигнат до местото каде што се наоѓаат навивачите на Рома.

За возврат, навивачите на италијанскиот клуб исто така ги нападнале полицајците со шипки и камења. Оштетен е полицискиот автобус. Според полицијата, уапсени се вкупно 60 навивачи на двата тима.

Финалето на Конференциската лига на УЕФА меѓу Рома и Феенорд ќе се одигра вечер со почеток во 21 часот.

The post Навивачи на Феенорд и Рома предизвикаа инциденти во Тирана пред финалето на Конференциската лига appeared first on Република.