Лидерот на Cеверна Кореја, Ким Џонг Ун, го предводеше тестирањето на различни видови нови дронови развиени во Националната одбранбена академија на земјата.

Според Корејската централна новинска агенција, беспилотните летала се дизајнирани да „ги погодуваат сите копнени и поморски цели на различни дострели“.

По успешните тестови, Ким Џонг Ун повика што поскоро да бидат ставени во употреба најновите беспилотни летала во Корејската народна армија.

The post Ким доби нови „играчки“: Cеверна Кореја успешно тестираше серија нови воени дронови appeared first on Република.

Рускиот претседател Владимир Путин денеска потпиша договор со севернокорејскиот диктатор Ким Џонг-ун, кој вклучува ветување за взаемна одбрана, што е еден од најзначајните потези на Русија во Азија во последните години.

Путин рече дека Русија и Северна Кореја ги подигнале меѓудржавните односи на „ново ниво“, ветувајќи дека ќе си помагаат меѓусебно доколку некоја од нациите биде нападната во новото партнерство објавено за време на посетата на рускиот претседател на земјата.

Путин беше во прва посета на Северна Кореја по 24 години Двајцата лидери потпишаа ново стратешко партнерство.

„Договорот за сеопфатно партнерство потпишан денеска вклучува, меѓу другото, обезбедување взаемна помош во случај на агресија врз една од страните на овој договор“, рече Путин по средбата.

Тој рече дека договорот ги опфаќа „политичката, трговската, инвестициската, културната сфера, како и безбедносната сфера“, нарекувајќи го пактот „револуционерен документ што симболизира заедништво“, пренесува Си-Ен-Ен.

Путин рече дека заедничките вежби во кои учествуваат САД, Јужна Кореја и Јапонија се „непријателски“ кон Северна Кореја, опишувајќи ја американската политика како „конфронтирачка“. Во меѓувреме, Ким го нарече новиот сојуз „пресвртница во развојот на билатералните односи“.

Северна Кореја „изразува целосна поддршка и солидарност со руската влада, армија и народ во спроведувањето на специјална воена операција во Украина за заштита на суверенитетот, безбедносните интереси, како и територијалниот интегритет“, му рекол Ким меѓу другото на Путин.

The post Путин и Ким Џонг-ун договорија воен пакт appeared first on Република.

За првпат откако севернокорејскиот лидер Ким Џонг Ун ја презеде власта во 2011 година, годинава од севернокорејските граѓани беше побарано да се заколнат на лојалност на неговиот роденден, соопшти Институтот за развој на југот и северот (САНД) со седиште во Сеул.

Институтот објави фотографии од текстот на заклетвата во папка, за која се верува дека е направена на 40-тиот роденден на Ким, 8 јануари.

Северна Кореја никогаш официјално не го потврдила датумот на раѓање на Ким, а традиционално ваквите церемонии за заклетва се одржуваат на годишнините од родендените на неговиот татко и дедо, претходни севернокорејски лидери.

The post Во Северна Кореја годинава за првпат се положи заклетва за лојалност за роденденот на Ким Џонг Ун appeared first on Република.

Лидерот на Cеверна Кореја, Ким Џонг Ун, присуствувал на воените вежби на падобранските единици на севернокорејската армија во друштво на неговата ќерка Ким Ју-ае.

Како шпто објавија севернокорејските медиуми, Ким Џонг Ун и неговата ќерка, заедно ги следеле воените вежби.

Според медиумите, Ким и ќерка му, по вежбите се возеле со новиот „Аурус“, луксузниот автомобил кој севернокерејскиот лидер неодамна го доби на подарок од рускиот претседател Владимир Путин како „доказ за длабокото пријателство меѓу нив“.

https://republika.mk/vesti/svet/go-vikaat-rusko-zlato-ova-e-luksuzniot-avtomobil-shto-putin-prv-go-proba-a-sega-mu-go-podari-na-kim-dhong-un/

The post Ким Џонг Ун ја однесе ќерката да гледаат воени вежби appeared first on Република.

Лидерот на Северна Кореја, Ким Џонг-ун му честиташе на рускиот претседател Владимир Путин за победата на претседателските избори, објави севернокорејската новинска агенција КЦНА.

Новинската агенција објави дека Ким „испратил честитки“ до претседателот Путин и дека „амбасадорот на Северна Кореја во Русија, Шин Хонг-Чул, ќе ги достави честитките до руското Министерство за надворешни работи“.

Двајцата лидери ја истакнаа повеќеслојната соработка меѓу двете земји на минатогодишниот самит Северна Кореја-Русија, каде, како што јави КЦНА, ги покажаа своите блиски односи и покрај загриженоста на меѓународната заедница.

Владимир Путин v;era извојува убедлива победа на претседателските избори во Русија, освојувајќи 87,34 отсто од гласовите врз основа на 98 отсто од преброените ливчиња, со што обезбеди петти мандат на функцијата.

The post Kим Џонг-ун прв му ја честиташе победата на Путин appeared first on Република.

Севернокорејскиот лидер Ким Џонг Ун пилотирал нов тенк што го нарекол „најмоќен на светот“ за време на воена вежба, што е одговор на Пјонгјанг на 11-дневните јужнокорејско-американски воени маневри кои завршуваат денеска, пренесува АП.

Воената вежба на севернокорејската војска во средата беше дизајнирана да ја тестира борбената способност на оклопните единици и вклучи нов тенк кој Ким го нарече „најмоќен во светот“, објави КЦНА.

За време на вежбата, оклопните единици се движеа во различни симулирани тешки борбени услови и ангажираа цели, при што Ким го пилотираше единствениот од тенковите од нов тип, се вели во соопштението на КЦНА.

https://www.youtube.com/watch?v=SIzWCb87quE&embeds_referring_euri=https%3A%2F%2Fmakfax.com.mk%2Fsvet%2F%25D0%25B2%25D0%25B8%25D0%25B4%25D0%25B5%25D0%25BE-%25D0%25BA%25D0%25B8%25D0%25BC-%25D1%259F%25D0%25BE%25D0%25BD%25D0%25B3-%25D1%2583%25D0%25BD-%25D0%25B3%25D0%25BE-&source_ve_path=MjM4NTE&feature=emb_title

The post Ким Џонг Ун го возеше „најмоќниот тенк во светот “ appeared first on Република.

Севернокорејскиот лидер Ким Џонг-ун, за време на инспекцијата на голема воена база на западот на земјата, нареди воведување на највисоко ниво на борбена готовност на севернокорејските трупи и побара од армијата да биде подготвена за војна, објави државната новинска агенција КЦНА.

Обиколката на Ким во воената база, чија локација не е откриена, дојде веднаш по почетокот на редовните годишни заеднички воени вежби меѓу американските и јужнокорејските сили.

Во овогодинешните заеднички американско-јужнокорејски воени маневри беа вклучени двојно повеќе сили во споредба со минатогодишните вежби.

Ким порача дека севернокорејската војска мора „динамично да спроведе нови, засилени воени подготовки во согласност со барањата на сегашната ситуација“, пренесе КЦНА.

Нашата војска треба постојано да ги интензивира вежбите за симулирање војна и брзо да ги надградува своите борбени способности до совршена подготвеност за вистинска војна, истакна Ким.

The post Ким Џонг-ун нареди највисоко ниво на борбена готовност: Земјата мора да биде подготвена за војна appeared first on Република.

На социјалните мрежи се појави видео на кое телохранителите на севернокорејскиот лидер Ким Џонг Ун користат бели ракавици за да го бришат столот на кој седеше за време на  средбата со рускиот претседател Владимир Путин, а потоа преку него поминуваат со некаков уред.

Ова беше  за отстранување на отпечатоците од прстите и ДНК на севернокорејскиот лидер од столот.

Една од причините за тоа може да биде стравот на Ким од радијација во собата.
Луѓето на Ким ја провериле и издржливоста на столчето за да може на него да седне лидерот кој наводно тежи повеќе од 130 килограми.

The post Oбезедувањето на Ким Џонг Ун ги брише потпирачите на столицата каде што седеше од страв да не биде отруен appeared first on Република.

Јужнокорејскиот информативен канал ИТН (YTN) повикувајќи се на неименувани владини претставници објави дека севернокорејскиот лидер Ким Џонг-ун најверојатно се упатил кон Русија, каде ќе се сретне со претседателот Владимир Путин.

Според достапните информации Ким се упатил кон североисточната граница на Северна Кореја со посебен воз, а средбата со Путин би требало да се одржи најрано утре.

The post Ким Џонг-ун најверојатно се упатил кон Русија со воз appeared first on Република.

Севернокорејскиот лидер Ким Џонг Ун го отпушти својот началник на Генералштабот и повика на дополнителни подготовки за можноста за војна, како и зголемено производство на оружје и проширени воени вежби, објави во четвртокот државниот медиум КЦНА.

Ким го изјави ова на состанокот на Централната воена комисија, на која се разговараше за плановите за контрамерки за одвраќање на неименуваните непријатели на Северна Кореја, според КЦНА, како што пренесе Ројтерс.

Началникот на Генералштабот Пак Су Ил е „отстранет“, објави КЦНА, без да даде детали.

На таа позиција беше околу седум месеци.

Пак беше заменет со генералот Ри Јонг Гил, кој претходно беше министер за одбрана на земјата, како и врховен командант на нејзините конвенционални трупи.

Ри, исто така, претходно ја извршуваше функцијата началник на Генералштабот.

Кога беше сменет во 2016 година, а подоцна отсутен од официјални настани, во Јужна Кореја се шпекулираше дека е погубен.

Тој повторно се појави неколку месеци подоцна кога беше назначен на друга повисока функција.

Ри, исто така, претходно служеше како началник на Генералштабот на армијата. Кога беше сменет во 2016 година, неговото разрешување и последователно отсуство од официјални настани поттикнаа извештаи во Јужна Кореја дека тој бил погубен. Повторно се појави по неколку месеци кога беше назначен на друга повисока функција.

Ким, исто така, постави цел да го прошири капацитетот за производство на оружје, се вели во извештајот без да се наведат детали.

Минатата недела тој посети фабрики за оружје каде повика на изградба на повеќе ракетни мотори, артилерија и друго оружје.

Фотографиите објавени од KCNA покажуваат дека Ким на мапа покажува кон Сеул и областите околу главниот град на Јужна Кореја.

Соединетите Американски Држави ја обвинија Северна Кореја дека ја снабдува Русија со оружје за војната во Украина, вклучувајќи артилериски гранати, ракети и проектили.

Русија и Северна Кореја ги отфрлија тврдењата.

Ким, исто така, ја повика војската да спроведе вежби со најновото оружје и опрема за да бидат подготвени за борба.

Северна Кореја треба да одржи парада на милицијата на 9 септември, по повод 75-годишнината од Денот на основањето на Републиката.

Северна Кореја има бројни паравоени групи кои ги користи за да ги зајакне своите воени сили.

САД и Јужна Кореја ќе одржат воени вежби меѓу 21 и 24 август, што Северна Кореја ги смета за закана за нејзината безбедност.

The post Ким Џонг Ун го разреши својот началник на Генералштабот, нареди војската да биде подготвена за војна appeared first on Република.

Севернокорејскиот лидер Ким Џонг Ун повторно се огласи во придружба на својата ќерка и јавно соопшти дека главната цел е неговата земја да стане најмоќна нуклеарна сила на светот.

Ким го објави ова додека промовираше десетици официјални лица и научници вклучени во неодамнешното лансирање на најголемата севернокорејска балистичка ракета, објавија севернокорејските државни медиуми, пренесе Ројтерс.

Градењето нуклеарна енергија служи за сигурна заштита на достоинството и суверенитетот на државата и народот, а нејзината крајна цел е да ја поседува најмоќната стратешка сила во светот, апсолутна моќ без преседан во овој век, рече Ким во наредбата за промовирање на офицерите.

Северна Кореја минатиот петок тестираше интерконтинентална балистичка ракета Хвасонг-17, објави државната новинска агенција КЦНА.

Ракетата достигна височина од 6.000 километри, покривајќи дострел од 1.000 километри на неговата нагорна траекторија и падна на околу 200 километри западно од островот Ошима во северната префектура Хокаидо, соопштија јапонските власти.

Ким го нарече Хвасонг-17 најмоќното стратешко оружје во светот и рече дека тоа ја покажува одлучноста и способноста на Северна Кореја на крајот да ја изгради најсилната војска во светот.

Севернокорејските научници направија прекрасен чекор напред во развојот на технологијата за монтирање нуклеарни боеви глави на балистички ракети, рече Ким.

The post Ким Џонг Ун позираше со ќерката пред ракета: Целта е да станеме најмоќна нуклеарна сила на светот! appeared first on Република.

Сестрата на севернокорејскиот лидер Ким Џонг Ун денеска упати остри закани до Јужна Кореја поради разгледувањето еднострани санкции против Северна Кореја. Таа новиот јужнокорејски претседател и членовите на неговата влада ги нарече „идиоти“ и „диви кучиња кои глодаат коски“ фрлени од САД.

Министерството за надворешни работи на Јужна Кореја пред два дена соопшти дека ја разгледува можноста за воведување дополнителни еднострани санкции против Северна Кореја поради неодамнешните ракетни тестирања спроведени од севернокорејската армија.

Министерството соопшти дека ќе ги разгледа санкции и мерки за спречување на наводните сајбер-напади на Северна Кореја, доколку Ким Џонг Ун изврши поголема провокација, како на пример нуклеарна проба.

Се прашувам какви ‘санкции’ јужнокорејските власти, кои се како диво куче кое трча наоколу и глода коска фрлена од САД, дрско ќе ѝ наметнат на Северна Кореја? Каква спектакуларна глетка” изјави Ким Јо Џонг.

Сестрата на севернокорејскиот лидер ги нарече новиот јужнокорејски претседател Јун Сук Јеол и службениците од неговата администрација „идиоти кои создаваат опасна ситуација“. Таа додаде дека Јужна Кореја „не беше наша цел“ додека на власт беше нејзиниот поранешен претседател кој се залагаше за помирување со Северна Кореја.

The post Сестрата на Ким Џонг Ун: Јужнокорејскиот претседател е идиот appeared first on Република.

Севернокорејскиот лидер Ким Џонг Ун денеска за првпат ја покажа својата ќерка пред светот, на фотографиите на кои се прикажани двајцата пред лансирањето на најголемата балистичка ракета во земјата, што се случи вчера.

Северна Кореја во петокот ја тестираше интерконтиненталната балистичка ракета Хвасонг-17 (ИЦБМ), објави државната новинска агенција КЦНА. Изненадувачки додаток на лансирањето беше присуството на ќерката на Ким, чие постоење никогаш досега не беше јавно потврдено.

Нејзиното неочекувано појавување ги зголемува шансите за лидерство на тоталитарната држава да премине на четвртата генерација на семејството Ким и сугерира дека нуклеарното оружје ќе биде дел од тоа наследство, велат аналитичарите.

Ова е првпат да ја видиме ќерката на Ким Џонг-ун на јавен настан – изјави Мајкл Маден, експерт за севернокорејското раководство во центарот Стимсон во Вашингтон.

The post Ким Џонг Ун првпат ја покажа својата ќерка appeared first on Република.

Cеверна Кореја во текот на ноќта меѓу саботата и неделата истрела две нови балистички ракети во морето, што претставува седмо вакво лансирање во последните две недели.

Лансирањата на севернокорејските ракети во последните недели претставуваат нуклеарни тактички вежби, што беa лично надгледувани од лидерот Ким Џонг-ун - јави севернокорејска агенција КЦНА.

КЦНА obјави дека лидерот Ким, од 25 септември до 9 октомври, лично ја надгледувал и водел обуката на единицата за тактички нуклеарни операции во земјата.

Воените единици задолжени за употреба на тактичко нуклеарно оружје „одржаа воени вежби од 25 септември до 9 октомври за тестирање и оценка на нуклеарното одвраќање и способностите за нуклеарни контранапади на земјата, што е сериозно предупредување за непријателите -  соопшти КЦНА.

Агенцијата ги нарече вежбите „одговор на заедничките вежби на САД и Јужна Кореја во регионот, кои дополнително ги зголемуваат тензиите додека отворено претставуваат воена закана за Cеверна Кореја“.

Седумте ракетни лансирања што ги изврши Cеверна Кореја во изминатите две недели беа вежби кои симулираа вистинска војна. Ким Џонг-ун… спроведе воени вежби на терен - додаде КЦНА.

Додека севернокорејските разговори за разоружување одамна се во ќорсокак, Пјонгјанг од почетокот на годината ги засилува вежбите и минатата недела лансираше балистичка ракета над Јапонија, прва во последните пет години.

Бројни експерти и официјални лица проценуваат дека Cеверна Кореја веќе ги завршила подготовките за нова нуклеарна проба, што би била седма во нејзината историја и прва од 2017 година.

The post Ким Џонг-ун лично ги надгледувал ракетните воени тактички вежби на Cеверна Кореја appeared first on Република.

Тајната ќерка на севернокорејскиот лидер Ким Џонг-ун за прв пат е видена на национален настан,пишуваат кинеските медиуми.

Девојчето, привремено идентификувано како Ким Ју-ае, се појави на сцената на прославата на Националниот ден на Северна Кореја претходно овој месец, пишува Дејли мејл.

Таа беше меѓу групата од неколку деца кои изведоа песна за Ким Џонг Ун и неговата сопруга Ри Сол-ју.

Таа има десет години што се совпаѓа со објавените фотографии.

The post Дали е ова тајната ќерка на Ким Џонг-ун? appeared first on Република.

Северна Кореја за првпат назначи жена за министер за надворешни работи, објавија денеска севернокорејските државни медиуми.

Чое Сон Хуи, поранешна заменичка министерка за надворешни работи, е назначена за шефица на дипломатијата на состанокот на владејачката партија, со кој претседаваше севернокорејскиот лидер Ким Џонг Ун, јави агенцијата CCNA.

Таа ќе го замени Ри Сон Гвон, поранешен воен функционер кој преговараше со Јужна Кореја.

Чое беше близок советник на Ким Џонг Ун за време на нуклеарните преговори со САД и го придружуваше севернокорејскиот лидер на средбите со поранешниот американски претседател Доналд Трамп

The post Ким Џонг Ун именува шефица на дипломатијата appeared first on Република.

Cеверна Кореја ќе ги распореди владините функционери, вработените во претпријатијата и фабриките да работат на фармите ширум земјата за да се спречат загубите поради сушата.

Медиумите во земјата објавија дека службениците ќе се приклучат во борбата во регионите кои се погодени со сушата.

Штом пристигнат, ќе почнат со работа заедно со фармерите и ќе се борат со природната непогода - наведуваат медиумите.

The post Ким ќе испрати високи функционери да работат на фарми appeared first on Република.

Северна Кореја ќе продолжи да развива „застрашувачки способности за удар“ кои не можат да се заменат или продаваат за ништо, изјави лидерот Ким Џонг Ун, цитиран од државните медиуми во понеделникот, за време на посетата на работниците вклучени во најголемото тестирање на балистички проектили до сега.

Пјонгјанг претходно соопшти дека успешно тестирал нов тип на интерконтинентална балистичка ракета (ИЦБМ) со нуклеарен капацитет што може да стигне до САД.

Севернокорејските медиуми во петокот објавија дека самиот Ким Џонг Ун ги водел последните подготовки за лансирањето на ICBM Hwasongpho-17 и на тој начин ја покажал „сигурноста на неговото сегашно распоредување во воени услови“.

Ким се сретна со официјални лица, научници, техничари и работници вклучени во лансирањето на проектилот, објави државната новинска агенција KCNA.

Само кога сте опремени со застрашувачки ударни способности, супериорна воена сила која никој не може да ја запре, може да се спречи војна, да се гарантира безбедноста на земјата и да се спречат сите закани и уцени на империјалистите“, рече Ким во извештајот.

The post Ким Џонг-ун: Северна Кореја ќе продолжи да развива застрашувачки ударни способности appeared first on Република.

Севернокорејскиот лидер Ким Џонг Ун, порача дека Cеверна Кореја ќе продолжи да развива „значајни ударни капацитети“ и да ги подобрува своите стратешки сили.

Ким ваквата изјава ја даде при посетата на работниците кои учествувале во изведбата на ракетното тестирање од пред четири дена, јавуваат севернокорејските државни медиуми.

Британските медиуми објавија дека Пјонгјанг во четвртокот ја тестираше својата досега најголема интерконтинентална балистичка ракета, што наиде на осуда од меѓународната заедница, а особено од САД.

The post Ким Џонг Ун: Cеверна Кореја ќе продолжи да ги развива своите ударни капацитети appeared first on Република.

Севернокорејскиот лидер Ким Џонг Ун најверојатно имал операција за намалување на стомакот за да изгуби што повеќе килограми и на тој начин да си го зачува здравјето, пишува британски Сан, кој е нашироко вклучен во драстично менување на физичкиот изглед на лидерот на најзатворената земја. во светот.

Ким од почетокот на 2021 година ослабе околу 20 килограми, па се  шпекулира дека можеби има некои здравствени проблеми. Јонг Ун најверојатно се решил на комплицирана хируршка процедура поради опасност од срцеви проблеми и холестерол, бидејќи општо е познато дека е пушач.

Наводно боледувал и од гихт, кој често се јавува како последица на лошиот начин на живот.

The post Ким Џонг Ун го стеснил желудникот appeared first on Република.