Големата ѕвезда на Ал-Итихад - Карим Бензема, зборуваше за претстојната сезона на неговиот тим.

Французинот не сакаше да се навраќа на минатата кампања, во која тимот заврши на петтото место во лигата и не освои ниту еден трофеј.

-Имам тензија од 8 години, таа растеше и се претвори во амбиција. Оваа сезона за мене нема тензија, туку амбиција. Не сакам да зборувам за минатата година, имаше многу проблеми, најважното е да се гледа напред“, рече Бензема пред „Канал+“.

Поранешниот француски репрезентативец тврди дека пристигнува „нова ера“ за тимот.

-Направив се што е во моја моќ за да го засилам овој тим. Ние сме во најдобра можна форма. Ми се допаѓа филозофијата на тренерот Марсело Гаљардо. Тој е многу близок со играчите, сподели францускиот напаѓач и поранешен фудбалер на Реал Мадрид.

The post Бензема е решен да освои титула во Саудиска Арабија appeared first on Република.

Францускиот фудбалер и член на саудиски на Ал-Итихад, Карим Бензема останува фан на Реал Мадрид.

- Отсекогаш Реал бил најдобар во светот. Клубот секогаш ќе биде на врвот. Не гледам некој кој може да го надмине Реал Мадрид. Бев многу среќен по финалето на Лигата на шампионите на „Вембли“ во  Секогаш ќе навивам за Реал Мадрид и за моите поранешни соиграчи, изјави Бензема во интервју за „Марка“.

Напаѓачот моментално настапува во првенството на Саудиска Арабија. Медиумите пишуваа дека тој има намера да го напушти клубот.

Со Реал Мадрид, Бензема свои 22 трофеи, вклучувајќи четири титули во Ла Лига, два Купа и пет титули во Лигата на шампионите

The post Бензема: Не гледам некој кој може да го надмине Реал Мадрид appeared first on Република.

Карим Бензема сака да ја напушти Саудиска Арабија. Според Релево, фудбалерот е разочаран од нивото на лигата во земјата, недостатокот на професионализам и инфраструктура.

Сепак, заминувањето на Французинот од Ал-Итихад ќе биде тешко да се направи, бидејќи неговиот скапо платен договор е до 2026 година. Дополнително, заминувањето на Бензема може да се смета за навреда од локалните челници кои вложија значителни средства во играчот.

Се нагласува дека во најдобар случај може да му биде дозволено да се пресели во друг саудиски клуб, подобро опремен и заземајќи повисоко место во поредокот.

Ал-Итихад е петти во првенството.

Францускиот напаѓач се соочуваше со критики за неговите игри во текот на тековната сезона. Тој во моментов закрепнува од истегнување на мускулот на потколеницата, бидејќи веќе пропуштил еден месец.

Во текот на сезоната, 36-годишниот играч одигра 29 натпревари во сите натпреварувања, постигнувајќи 13 голови и осум асистенции

The post Бензема разочаран од фудбалот во Саудиска Арабија appeared first on Република.

Адвокатот на напаѓачот на Ал-Итихад, Карим Бензема, Хјуг Виже, објави дека играчот добивал закани во Саудиска Арабија откако францускиот министер за внатрешни работи Жералд Дарманин изјави дека напаѓачот имал врски со терористичка организација.

Коментарите на министерот имаат сериозни последици. Играчот добива закани во Саудиска Арабија, каде што работи, вели Виже во интервјуто за „РМЦ Спорт“.

На 15 октомври Бензема ја поддржа Палестина во конфликтот со Израел. Тој на социјалните мрежи напиша:

„Се молиме за луѓето во Газа“.

На 19 октомври, француското Министерство за внатрешни работи наведе четири знаци за поврзаност на Бензема со терористичка организација: одбивање да се пее националната химна со француската репрезентација, прозелитизам на социјалните мрежи околу муслиманското обожавање, фотографија со имамот Мо и поддршка на ставови на Хабиб Нурмагомедов.

Исто така, францускиот министер за внатрешни работи Жералд Дарманин изјави во живо дека Бензема има врски со Муслиманското братство.

Триесет и шестгодишниот Бензема игра за Ал-Итихад од јули 2023 година. Оваа сезона одигра 20 натпревари за саудискиот клуб, постигна 12 гола и беше творец на пет асистенции.

The post Бензема добива закани во Саудиска Арабија откако францускиот министер за внатрешни го нарече „соработник со терористи“ appeared first on Република.

Напаѓачот на Ал Итихад, Карим Бензема може да се врати во Европа, пренесува „Sports Zone“.

Пари Сен-Жермен е заинтересиран за фудбалерот. Клубот може да го придобие Французинот во зимскиот преоден рок. Парижаните ја разгледуваат опцијата за изнајмување до крајот на актуелната сезона.

Договорот на Бензема со Ал-Итихад е со важност до 2026 година.

Трансфер вредноста на Бензема се проценува на 15 милиони евра.

The post На Бензема му здосади во Саудиска Арабија, сака да се врати во Европа во дресот на ПСЖ appeared first on Република.

Претседателот на Фудбалската федерација на Франција (ФФФ), Филип Дијало, изјави синоќа дека Карим Бензема е „еден од најголемите француски играчи на сите времиња“ во време кога прославениот фудбалер се најде под жестоки критики од францускиот министер за внатрешни работи за наводни „врски со организацијата Муслиманско братство“.

„Што се однесува до Карим Бензема, сосема искрено, не сакам да се впуштам во таа полемика. Карим Бензема е еден од најголемите француски фудбалери, со огромно искуство, кој ја има освоено Златната топка. И до тоа се држам“, рече Дијало, одговарајќи на новинарски прашања во врска со наводите на францускиот министер за внатрешни работи Жералд Дарманен.

Обвинувањата од Дарманен на адреса на Бензема дојдоа откако поранешниот фудбалер на Реал Мадрид преку социјалните мрежи ја коментираше војната меѓу Израел и палестинското милитантно движење Хамас.

„Сите наши молитви се со жителите на Газа, кои повторно се жртви на неправедни бомбардирања кои не ги поштедуваат ниту децата, ниту жените“, напиша Бензема.

Поединци, од друга страна, го критикуваа Бензема што не изрази сочувство и кон израелските жртви на злосторството кое го изврши Хамас на 7 октомври

The post Француската федерација застана во одбрана на Бензема за врската со „муслиманско братство“ appeared first on Република.

- Напаѓачот на Ал-Итихад, Карим Бензема може да го тужи францускиот министер за внатрешни работи Жералд Дарманин затоа што го обвини дека има врски со исламистичката организација „Муслиманско братство“. Адвокатот на фудбалерот рече дека овие изјави се неверодостојни.

- Ова е лага, „Карим Бензема“ никогаш немал ни најмала врска со оваа организација. Ја разгледуваме можноста да преземеме правна постапка против овој министер, водејќи се, на пример, од законот за манипулација со информации, кој и е толку драг на нашата влада, и законот за клевета. Размислуваме да го тужиме дури и за јавна навреда, го цитира „Le Parisien“ адвокатот на играчот, Хјуг Вижие.

Во Франција сакаат да му го одземат државјанството на Бензема. Исто и „Златната топка“.

На 15 октомври, 35-годишниот напаѓач на социјалните мрежи ја поддржа Палестина во конфликтот со Израел.

Во 2022 година, Бензема ја освои Златната топка. Тој од ова лето настапува за Ал-Итихад. Пред тоа напаѓачот играше за Реал Мадрид и Лион. Има 37 гола на 97 натпревари за француската репрезентација

The post Бензема се налути од изјавата на францускиот министер дека има врска со „Муслиманско братство“ appeared first on Република.

Поранешниот голман на израелската фудбалска репрезентација, Дуду Ауате (45), изнесе навреди преку социјалните мрежи на адреса на францускиот напаѓач Карим Бензема, кој изрази став дека Израел неоправдано бомбардира жени и деца во Појасот Газа.

Ауате, кој во кариерата настапуваше за Депортиво Ла Коруња и Мајорка, на платформата Х на пет јазици напиша „Ти си курвин син“, илустрирајќи ја пораката со знамињата на Израел и САД.

Бензема, кој ова лето го напушти Реал Мадрид и кариерата ја продолжи во саудиски Ал Итихад, претходно на истата социјална мрежа напиша дека се моли за жителите на Газа, која израелските сили жестоко ја бомбардираат и врз која израелската војска подготвува целосна офанзива од копно, море и воздух.

Сите наши молитви се за жителите на Газа кои повторно се жртви на неправедно бомбардирање“, напиша 35-годишниот Бензема.

The post „Ти си курвин син“: Израелски голман го навреди Бензема поради тоа што кажа дека палестински жени и деца гинат во Газа appeared first on Република.

Францускиот напаѓач Карим Бензема дебитираше за саудискиот клуб Ал Итихад, запишувајќи гол и асистенција во синоќешниот триумф од 2-1 над туниски Есперанца во рамки на 1. коло од групата Ц на Арапскиот клупски куп на шампиони.

Тунижаните поведоа во 26 минута со голот на Усама Бугера, по што израмни Абдзерак Хамдала во 36 минута на асистенција на Бензема, а поранешниот напаѓач на Реал Мадрид му донесе победа на својот нов клуб со гол во 55 минута.

Францускиот напаѓач неодамна потпиша тригодишен договор со саудискиот клуб, вреден 100 милиони долари по сезона.

На 30. издание на Арапскиот клупски куп на шампиони во Ријад учествуваат 16 екипи кои се борат за награден фонд од 10 милиони долари.

The post Бензема се разигра во Саудиска Арабија appeared first on Република.

Францускиот фудбалер Карим Бензема денеска официјално стави потпис на тригодишен договор со саудискиот прволигаш Ал Итихад.

Според светските медиуми, довчерашниот напаѓач на Реал Мадрид од настапите во првенството на Саудиска Арабија ќе заработи 600 милиони евра, што неговиот договор во овој момент го прави најскап во историјата на светскиот фудбал.

Ал Итихад ќе биде само третиот клуб во кариерата на 35-годишниот Бензема, кој дебитираше во дресот на француски Лион, а го носеше дресот на Реал од 2009 година.

За мадридскиот клуб постигна 354 голови, со што е втор на вечната листа зад Кристијано Роналдо (450 голови).

Бензема, кој е актуелен освојувач на „Златната топка“, во дресот на Реал освои четири шпански титули, а пет пати ја освојуваше Лигата на шампиони.

The post Бензема ќе заработи 600 милиони евра во Саудиска Арабија appeared first on Република.

Реал Мадрид ја објави одлуката на Карим Бензема да го напушти клубот ова лето. Претходно се дозна дека 35-годишниот напаѓач добил понуда од Ал-Итихад од Саудиска Арабија. Беше објавено дека новиот клуб, Французинот ќе заработи 200 милиони евра за две години.

Матичен клуб на Бензема е Лион. Тој се пресели во Реал Мадрид во 2009 година и за 14 години во клубот освои 25 трофеи, ​​вклучувајќи пет титули во Лигата на шампионите и четири титули во Ла Лига. Во 2022 година Бензема ја доби „Златната топка“.

Бензема има постигнато 353 гола за Реал Мадрид и е втор најдобар стрелец во историјата на клубот. Повеќе од него има само Кристијано Роналдо (450).

Сезонава Карим има 30 гола на 42 натпревари во сите натпреварувања.

The post Бензема и официјално го напушта Реал Мадрид appeared first on Република.

Напаѓачот на Реал Мадрид и француската репрезентација, Карим Бензема, денеска се огласи во јавноста и ги остави во неизвесност, навивачите на Кралевите.

Изминатите неколку дена, Бензема беше во центарот на вниманието на фудбалската јавност, медиумите пишуваа дека наводно Бензема налето ќе си замине од Реал Мадрид и ќе ја прифати богатата понуда од шампионот на Саудиска Арабија, Ал-Итихад.

Бензема на манифестацијата што ја организира весникот „Марка“, одговораше на прашањата на презентерот, а едно од нив беше за иднината на Французинот.

„Да кажам нешто за својата иднина? Зошто би рекол такво нешто? Луѓето зборуваат, но тоа е интернет. Дали ќе останам во Реал Мадрид? Засега сум тука, претстојниот викенд не очекува натпревар“, изјави Бензема и и остави навивачите на Кралевите во неизвесност.

The post Бензема се огласи во јавноста по веста дека се сели во Саудиска Арабија appeared first on Република.

- Напаѓачот на Реал Мадрид, Карим Бензема, добил понуда од Саудиска Арабија, пишува „Relevo“.

Владата на Саудиска Арабија на 35-годишниот Французин му нуди договор со еден од локалните клубови на две сезони со плата од 200 милиони евра.

Покрај тоа, напаѓачот може да стане амбасадор на заедничката понуда на Саудиска Арабија, Грција и Египет да бидат домаќини на Светското првенство во 2030 година.

Оваа сезона Бензема забележа 42 настапи во сите натпреварувања, постигна 30 голови и шест асистенции.

The post На маса се 200 милиони евра: Дали Бензема ќе му се приклучи на Роналдо во Саудиска Арабија appeared first on Република.

Напаѓачот на Реал Мадрид, Карим Бензема постигна хет-трик во првото полувреме на денешниот натпревар со Ваљадолид во 27. коло од шпанската Ла Лига.

Триесет и петгодишниот Французин погоди во 29., 32. и 36. минута, во рок од шест и пол минути. До крајот на средбата „Кралевите“ постигнаа уште три гола преку Родриго, Марко Асенсио и ЛукасВаскез за конечни 6:0.

Оваа сезона Бензема има 17 натпревари во Примера, на кои постигна 14 гола и направи три асистенции.

The post Маестрелно: Хет-трик во само шест и пол минути на Бензема appeared first on Република.

Напаѓачот на Реал Мадрид, Карим Бензема ќе го продолжи договорот со клубот, објави „Л’Екип“.

Триесет и петгодишниот напаѓач постигна вербален договор со „Кралевите“ за продолжување на договорот до летото 2024 година. Неговиот актуелен договор со клубот истекува на крајот од сезоната.

Бензема оваа сезона настапи на 15 натпревари во Примера, постигнувајќи 11 гола и три асистенции.

Реал вечер од 21 часот го пречекува Ливерпул во реваншот од осминафиналето на Лигата на шампионите. На првиот натпревар Реал победи со 5:2. 

The post Бензема останува во Реал appeared first on Република.

Најдобриот фудбалер на Реал Мадрид, Карим Бензема, побарал од клупскиот претседател Флорентино Перез да ангажира на крајот од сезоната квалитетен напаѓач, пренесуваат денеска шпанските медиуми.

Весникот „Фихајес“ наведува дека 35-годишниот Бензема во разговор со Перез потенцирал дека покрај себе мора да има квалитетен фудбалер во нападот.

„Бензема има 35 години и свесен е дека полека ја губи физичката моќ. Тој неодамна разговарал со Перез и го предупредил дека на Реал му е потребно уште едно големо име во нападот. Новиот напаѓач постепено би го преземал местото на Бензема во почетниот тим и бил ударна сила на Реал во следните сезони‘, пишува шпанскиот весник.

Бензема е член на Реал од 2009 година, а лани прв пат во кариерата ја освои „Златната топка“.

The post Го стигнуваат годините: Бензема бара да му донесат уште еден напаѓач appeared first on Република.

Напаѓачот на Реал Мадрид, Карим Бензема, објави денеска преку социјалните мрежи дека веќе нема да настапува за француската репрезентација за која во текот на кариерата собра 97 настапи и постигна 37 голови.

Ја испишав својата приказна, а на нашиот заеднички пат дојде до својот крај, напиша Бензема, кој денеска го прославува својот 35. роденден.

За разлика од трофејната кариера на клупски план со Лион, а особено со Реал, Бензема немаше многу успеси со Франција. Тој не беше дел од составот кој во 2018 година ја освои светската титула, а Мундијалот во Катар го пропушти поради повреда.

Но, додека траеше турнирот Бензема ја залечи повредата и можеше да ѝ се приклучи на репрезентацијата, меѓутоа селекторот Дидие Дешамп не сакаше да одговори на прашањето дали дополнително ќе го повика освојувачот на Златната топка, а и самиот Бензема во еден момент преку социјални мрежи порача дека „не е заинтересиран“.

Единствениот трофеј со Франција го освои во 2021 година во Лигата на нации.

The post Бензема се збогува од францускиот дрес appeared first on Република.

Напаѓачот Карим Бензема ќе го пропушти Светското првенство во 2022 година, објави официјалниот сајт на Француската фудбалска федерација.

На 34-годишниот Французин му била констатирана повреда на квадрицепсниот мускул на левата надколеница, поради што фудбалерот на Реал Мадрид нема да биде во можност да насташи на Мундијалот во Катар.

Отсуството на најдобриот фудбалер во светот за оваа година е голем хендикеп за „триколорите“ кои пред Мундијалот се помеѓу топ фаворитите за освојување на трофејот.

Франција во групата Д ќе игра против Австралија (22 ноември), Данска (26 ноември) и Тунис (30 ноември).

The post Шок за светскиот шампион: Бензема ќе го пропушти Светското првенство appeared first on Република.

Џордан Озуна, девојката на Карим Бензема, на своите стории на Инстаграм сподели фотографија на која позира со напаѓачот на Реал Мадрид со што му честита на добивањето на „Златната топка“

Горда е многу мал збор за да опишам што чувствувам - напиша Џордан во пораката.

Џордан Озуна е 32-годишна американска моделка со речиси половина милион следбеници на Инстаграм. Таа и Бензема се во врска од минатото лето.

The post Испрати нежна порака за „Златната топка“: Ова е Џордан, девојката на Бензема appeared first on Република.

Напаѓачот на европскиот првак Реал Мадрид, Карим Бензема ја освои вечерва наградата „Златна топка“ која традиционално се доделува во изборот на списанието Франс фудбал, додека признанието најдобра фудбалерка втора година по ред и припадна на Алесиа Путелјас од Барселона.

На свеченоста во парискиот театар „Шатале“, Бензема беше награден за исклучителната сезона во која го предводеше мадридски Реал до титулата во Шпанија и освојувањето на трофејот во Лигата на шампиони.

Втора година по ред признанието „Герд Милер“ за најдобар голгетер го освои Полјакот Роберт Левандовски, кој сезонава се пресели од Баерн Минхен во Барселона.

Наградата „Лав Јашин“ за најдобар светски голман му припадна на Тибо Куртоа од Реал.

За најдобар млад фудбалер во светот во сезоната 2021/22 е прогласен Гави од Барселона.

The post „Златната топка“ за Бензема и Путелјас appeared first on Република.