Дежурен јавен обвинител од Основното јавно обвинителство Прилеп извршил увид на лице место на тешката сообраќајна несреќа на патот Прилеп-Битола во која утрово три лица го загубија животот, а едно е повредено.

Според првичните сознанија, како што соопштија од Јавното обвинителство, до несреќата дошло при судар на патничко возило „тојота“ со прилепски регистарски ознаки и товорно возило „волво“ со скопски ознаки. Причините за несреќата се утврдуваат.

Јавниот обвинител издал наредба за обдукција на телото на починатите, сите патници во автомобилот, како и за испитување на примероци од крв и урина од возачот на камионот. Наредено е и сообраќајно-техничко вештачење за утврдување на причините, се појаснува во соопштението.

https://republika.mk/vesti/crna-hronika/zaginaa-vrvni-doktori-od-prilep-kamionot-navodno-vozel-vo-sprotiven-pravets/

Три лица од Прилеп загинаа, а едно лице е повредено во тешката сообраќајна несреќа што утрово се случила околу 7:50 часот во судир на патничко возило и камион на магистралниот пат Прилеп-Битола, на излезот од градот, кај селото Лагово.

Тројцата загинати се од патничкото возило „тојота“ со прилепски регистерски таблички, а повредениот е од камионот. Во судирот патничкото возило се запалило, соопштија од СВР Битола.

https://republika.mk/vesti/crna-hronika/se-prostuvaat-od-niv-zagubata-e-pregolema-ova-se-doktorite-koi-zaginaa-pred-prilep/

Сообраќајната несреќа се случила помеѓу патничко возило „тојота“ со прилепски регистарски ознаки управувано од Н.В.(42) од Прилеп и сопатници А.Р и Ф.Ј., сите од Прилеп и товарно возило „волво“ со скопски регистарски ознаки, управувано од Г.Р.(51) од Битола. Во несреќата патничкото возило се запалило и на местото починале тројцата патници. Смртта ја констатирал лекар од Итната медицинска помош Прилеп, информираат од СВР Битола.

Магистралниот пат се уште е затворен за сообраќај, а увид на местото на несреќата прават полицијата и јавен обвинител.

Како медицинска екипа констатиравме смрт на три лица, сите од патничкото возило „тојота“. Повредениот од камионот итно е пренесен во Општатата болница во Прилеп со телесни повреди, изјави Боше Милошески, началник на Итната медицинска помош од Прилеп, кој беше на увид на местото на сообраќајката.

Повеќе од час и половина екипите на прилепската противпожарна единица интервенирале за да го изгаснат пожарот.

Во 7:45 часот изутрината добивме пријава за камион, кој гори на патот Прилеп - Битола, кај селото Лагово. Кога дојдовме на местото видовме дека не гори само камион, туку и патничко моторно возило, односно се случила сообраќајна несреќа. За да го изгаснеме пожарот интервениравме со пет возила и 12 пожарникари. Го обезбедуваме просторот, има бензин, нафта истечено. Станува збор за хибридно возило во сообраќајката со литиумски батерии, изјави Виктор Стојчески, заменик- момандир на ТППЕ- Прилеп.

Магистралниот пат Прилеп - Битола од 8 часот изутрината е затворен за сообраќај. Сообраќајот се одвива по алтернативни патишта.

The post Ќе се вештачи местото на несреќата, крв и урина земени од возачот на камионот appeared first on Република.

Вчеравечер во 22.10 часот во СВР Скопје било пријавено дека на бул.„Александар Македонски“ во Скопје, патничко возило „хјундаи“ со скопски регистарски ознаки, управувано од И.К.(43) од село Трубарево, Скопско, удрило во паркирано товарно возило „ивеко“ со гевгелиски регистарски ознаки.

Во несреќата со тешки телесни повреди се здобил возачот И.К., констатирани во Градската општа болница „Св.Наум Охридски“ во Скопје.

Извршен бил увид од увидна екипа од СВР Скопје.

The post Тешко повреден возач кој се заби во паркиран камион appeared first on Република.

Вчера во 08.55 часот во Полициската станица Неготино било пријавено дека на патниот правец Демир Капија – Неготино, во близина на место викано „Острово“, товарно возило „ман“ со скопски регистарски ознаки, управувано од Б.Г.(61) од Неготино, излетало надвор од коловозот.

Во несреќата со тешки телесни повреди се здобил возачот констатирани во Општата болница Кавадарци.

Извршен бил увид од увидна екипа од ОВР Неготино.

The post Тешко повреден камионџија appeared first on Република.

На регионалниот пат Куманово – Крива Паланка, вчера се запалило товарно моторно возило „форд“ со кривопаланечки регистарски ознаки.

„Во 14.59 часот во СВР Куманово било пријавено дека на регионален пат Куманово – Крива Паланка настанал пожар во товарно моторно возило „форд“ со кривопаланечки регистарски ознаки во движење, кое го управувал А.Т. (27) “, соопштуваат од полицијата.

Територијалната противпожарна единица Крива Паланка го изгаснала пожарот, а екипата од СВР Куманово направила увид. Нема повредени лица во пожарот.

The post Се запалил камион на патот Куманово – Крива Паланка, нема повредени appeared first on Република.

Патнички воз кој сообраќал од Истанбул за Софија и камион со бетон се судриле на железнички премин во близина на селото Черкезкој, провинција Текирдаг, објави ТВ ТРТ Хабер.

Возот удрил во камионот кој се обидувал да го помине преминот. Од ударот и последователно влечење бил повреден возачот на камионот за мешање бетон со турска регистрација. Човекот е хоспитализиран.

Во ноќниот патнички воз Е68 009 имало вкупно 80 лица, повеќето странци, меѓу кои и бугарски државјани, пренесува БТА. Несреќата се случила во 23:00 часот по локално време.

На местото на настанот се испратени медицински екипи и полиција и почнат е увид.

The post Патничкиот воз Истанбул-Софија на железнички премин удрил во камион за мешање бетон, па го влечел по пругата appeared first on Република.

Пет лица загинаа кога камион ги покоси среде заледен автопат во североисточна Пенсилванија, додека се движеле пеш откако ги оставиле своите возила поради судир, соопшти денеска американската полиција.

Според патологот, станува збор за пет жени, сите од иста фамилија. Тие се превезувале со комбе кое поради снегот се лизнало и удрило во оградата на патот, и од автомобилот кој удрил во него. Тие ги оставиле хаварисаните возила и тргнале пеш да се симнат од патот, но биле покосени од камион.

Во североисточна Пенсилванија е многу студено, а метеоролошката служба предупредува на замрзнати и лизгави патишта.

The post Петчлено семејство преживеа тешка сообраќајка, па загина под тркалата на залетан камион appeared first on Република.

11 мигранти и еден малолетник вечерва се пронајдени од македонските граничари по минувње на грчко македонската граница.

Лицата се уапсени на територија на општина Богданци и против нив ќе биде поснесена соодветна пријава, информираат од МВР.

The post 11 мигранти од Сирија и еден малоленик пронајдени во камион appeared first on Република.

Вчера во 10.29 часот во СВР Битола било пријавено дека на крстосница од ул.„8 Септември“, ул.„Филип Втори Македонски“, ул.„Прилепска“, ул.„Македонски Гемиџии“ и ул.„Новачки пат“ во Битола, товарно возило „ман“ со битолски регистарски ознаки, управувано од Б.В.(63) од с.Ношпал, општина Могила, удрило во пешакот М.В.(72) од Битола.

Притоа, М.В. се здобила со тешки телесни повреди, констатирани во Клиничка болница Битола.

Увид на местото на несреќата извршила увидна екипа на СВР Битола.

The post Камион удри во жена appeared first on Република.

Катарина Сечи од Нови Сад е една од ретките жени во Македонија и регионот што руши стереотипи и работи како професионален возач на камион. Дваесет и пет годишната девојка веќе две години е шофер на шлепер во прилепската фирма „Енигма транспорт“ и е вистинска мотивација за сите припаднички од понежниот пол кои сакаат да се занимаваат со оваа професија.

Катарина освен шлепер, во слободно време вози и мотоцикли.

Пред извесно време Катарина, заедно со екипа од фирмата, беа поканети на четиридневно гостување во седиштето на „Рено трак“ во Лион, Франција, каде што го доби новиот розев убавец со кој ќе управува таа.

Новиот камион на Катарина ја чекаше украсен со балони, а на него беше испишано и нејзиното име.

Извор: Маркукуле

The post Розев прилепски шлепер е хит во Европа: Русокосата 25-годишна Катарина две години вози камион appeared first on Република.

Завчера бил каменувано товарно моторно возило од неколку лица од мостот кај Романовце.

- На 25.06.2023 во 01.00 часот во СВР Куманово, Ф.И.(25) од с.Велешта, Струга пријавил дека на 24.06.2023 година во 22.40 часот додека се движел по автопат „Пријателство“ со товарно моторно возило марка „МАН“ со струшки регистарски таблици, поточно под мост во с. Романовце, неколку лица од мостот фрлале камења и тврди предмети со што го оштетиле неговото возило, информира МВР.

Се преземаат мерки за расчистување на случајот.

The post Каменуван камион од мостот кај Романовце appeared first on Република.

Државјанин на Црна Гора е повредениот возач кој излета од автопатот Гостивар-Тетово, ја скрши заштитната ограда и заврши во дворот на тетовската сообраќајна полиција, информира СВР Тетово по увидот. Утврден е и идентитетот на возачот кој поради повредите е хоспитализиран во Клиничка болница Тетово.

Црногорскиот државјанин Љ.Д.(35), управувајќи товарно моторно возило „волво“ со приколка со црногорски регистарски ознаки, сопственост на ЈП „Подгорица“, на автопатот Скопје – Тетово, изгубил контрола по што удрил во банкината од автопатот. По несреќата, возачот е пренесен во тетовската Клиничка болница за укажување на лекарска помош. На местото на несреќата увид врши екипа на СВР Тетово, информира Марјан Јосифоски, портпарол на СВР Тетово.

За да биде извлечен од кабината на камионот интервенираше и тетовската пожарна.

The post Камионот што излета кај Тетово го управувал 35 годишен возач од Црна Гора appeared first on Република.

Поладнево камион излета од коловозната лента на автопатот Гостивар – Тетово, ја скрши заштитната ограда и заврши во дворот од Полициската станица за безбедност во патниот сообраќај. Според првичните информации од тетовската пожарна, возачот повреден.

Моравме да интервенираме и да го извадиме возачот од кабината на камионот кој беше повреден и однесен во тетовската клиничка болница, информираше Авни Амети, командир на тетовската пожарна.

Во моментот се врши увид од службите на СВР Тетово, а сообраќајот се одвива успорено. Камионот има регистарски ознаки на Црна Гора.

The post Црногорски камион излета од автопатот и заврши во дворот на полициската станица, возачот повреден appeared first on Република.

Основното јавно обвинителство Скопје донесе наредба за спроведување истражна постапка против 43-годишен тетовец за кого постои основано сомнение дека сторил - Тешки дела против безбедноста на луѓето и имотот во сообраќајот од член 300 став 2 во врска со член 297 став 1, како и кривично дело - Неукажување помош на лице повредено во сообраќајна незгода од член 301 став 1 од Кривичниот законик.

Како што информира ОЈО, на 7 март, осомничениот управувал товарно возило „мерцедес“, по средната сообраќајна лента од автопатот Мајка Тереза, во близина на клучката Стенковец, не се придржувал кон прописите, го загрозил јавниот сообраќај и го довел во опасност животот на луѓето.

Тој не ја приспособил брзината на движење на возилото спрема својствата и состојбата на патот, густината во сообраќајот и другите сообраќајни услови за да може навреме да запре. Со предниот десен дел од возилото со кое управувал удрил во левиот страничен дел на товарно возило „МАН“ со кумановски регистарски ознаки кое било запрено на десната сообраќајна лента наменета за принудно запирање поради дефект. По ударот, запреното возило се придвижило нанапред и удрило во телото на едно оштетено лице кое стоело меѓу кабината и товарниот сандак и изведувало механичарски работи над товарното возило „МАН“, соопшти ОЈО.

Како што се посочува во соопштението, од ударот, оштетениот добил тешки телесни повреди и починал на лице место, а со телесни повреди се здобил и возачот на запрениот камион и уште едно лице кое стоело во близина.

По несреќата, осомничениот веднаш го напуштил местото без да им укаже помош на повредените, прецизираат од ОЈО.

Јавниот обвинител до судијата на претходна постапка достави предлог за определување мерка притвор спрема осомниченото лице, оценувајќи дека постои опасност од бегство, можност да влијае врз сведоците и вештаците или да го повтори делото.

The post Со „мерцедес“ удрил во камион во дефект при што убил еден, а тешко повредил двајца: Обвинителство покрена постапка против 43-годишен тетовец appeared first on Република.

Камион се заби во наплатната станица Романовце пред Куманово, објави порталот 4News.

Во моментов нејасно е како дошло до несреќата, ниту пак, кои се причините.

Во моментот се вози само по  една лента, бидејќи камионот е заглавен во патарината.

The post Камион се заби во патарината кај Романовце appeared first on Република.

Град Скопје соопшти дека возилото на приватната компанија чиј камион со тркалата пропадна на плоштадот „Македонија“ немал дозвола за движење на плоштадот, иако имало поднесено такво барање.

Возачот, кој е државјанин на Турција, е приведен и изведен пред суд.

Градските власти информираат дека за овој настан МВР ќе поднесе соодветен поднесок.

Град Скопје по извршениот инспекциски увид, како што се наведува, издаде санкција која правното лице ќе треба да ја плати во рок од 10 дена, а во спротивно ќе следи прекршочна и кривична пријава.

The post Камионот, сепак, неовластено влегол на плоштадот Македонија, возачот приведен appeared first on Република.

Град Скопје соопшти дека возилото на приватната компанија, чиј камион изутринава пропадна со тркалата на плоштадот „Македонија”, немал дозвола за движење на плоштадот, иако било поднесено такво барање. Возачот, кој е државјанин на Турција, е приведен и изведен пред суд.

Градските власти информираат дека за овој настан МВР ќе поднесе соодветен поднесок.

Град Скопје по извршениот инспекциски увид, како што се наведува, издаде санкција која правното лице ќе треба да ја плати во рок од 10 дена, а во спротивно ќе следи прекршочна и кривична пријава.

https://republika.mk/vesti/skopje/i-1469-tiot-kamion-se-zaglavi-vo-fontanata-na-ploshtad/

The post Приведен возачот на камионот што пропадна во фонтаната на Плоштад appeared first on Република.

Чудно е колку некои народи не учат од сопствената историја, па истите грешки ги повторуваат со генерации. Но, уште почудно е ако е таа толку блиска, како некни.

Утрово во фонтаната на плоштадот се заглави 1469-тиот камион. Настрана што плоштадот „Македонија“ не е местото каде што треба да врват камиони, фонтаната се означена со плочки во друга боја, а има и прскалки кои се видливи од кабината на возачот.

Камион се заглави меѓу плочките на фонатаната при дочекот на европските шампиони.

https://arhiva.republika.mk/785838

На следното заглавување дупката стоеше со месеци и беше реална опасност за граѓаните кои минуваат низ плоштадот.

https://republika.mk/vesti/skopje/komunalno-kamionche-propadna-vo-fontanata-na-ploshtadot-makedonija-vozachot-edvaj-izvlechen/

Пропадна камион и при подготовките на Пиволенд во август годинава.

https://republika.mk/vesti/skopje/kamion-propadna-vo-fontanata-na-ploshtad-makedonija/

Просто невозможно е да сме народ со меморија на златна рипка.

The post И 1469-тиот камион се заглави во фонтаната на плоштад appeared first on Република.

Камион попладнево се запали во близина на хотелот „Континентал“ во скопската населба Автокоманда.

На терен е Противпожарната бригада на Град Скопје, која го гаси опожареното возило. Оттаму најавија повеќе детали за пожарот подоцна во текот на денот.

Поради запаленото возило, сообраќајот за излез од Скопје е отежнат.

The post Се запали камион во скопска Автокоманда appeared first on Република.

Неколку лица загинаа, а неколку се повредени во Холандија откако камион излетал од патот и удрил во поголема група луѓе кои се собрале на скара во соседството, пренесоа светските агенции.

Според холандското радио НОС, три лица загинале.

Несреќата се случила во селото Њу Бејерленд, недалеку од Ротердам.

Германската агенција ДПА јави дека во спасувањето на настраданите учествувале десет возила на брза помош и еден хеликоптер, а неколку лица се пренесени во болница.

Полицијата не го прецизираше точниот број на загинати, туку само наведе дека ја истражува несреќата што се случила околу 19 часот по средноевропско време на триесетина километри јужно од Ротердам.

Се уште не е позната причината поради која камионот, кој е на шпанска компанија, излетал од патот.

The post Тројца загинати во Холандија откако камион излетал од патот и удрил во луѓе собрани на скара appeared first on Република.

Сообраќајот на планинската делница на патот од Гостивар кон превојот Стража попладнево се одвива отежнато, а на патот се присутни полицајци кои регулираат поради сообраќајна несреќа, објави Телма.

На коловозот има превртен камион којшто се извлекува за да се ослободат и двете ленти од патот.

На патниот правец се создаваат долги колони од автомобили, а полицијата го регулира сообраќајот.

The post На Стража се преврте камион, сообраќајот се одвива отежнато appeared first on Република.