Навивачите на Пелистер, популарните „Чкембари“ направија крајно спортски потег.

Пелистер и Шкупи одиграа 0:0 во 8. коло од првата македонска лига, а во еден момент од натпреварот, домашните навивачи изненадија и го скандираа името на починатиот навивач на Вардар, Никола Саздовски - Саздо.

Со тоа, „Чкембарите“ покажаа дека знаат да изразат почит дури и за припадник на нивниот најголем спортски ривал и чест противник на трибините.

The post Чкембари скандираа име на починат Комита appeared first on Република.

Не ствнуваат реакциите од македонското дерби Вардар-Пелистер. Навивачите на битолчани објавија видео какво шоу направиле.

Погледнете ги Чкембарите

The post Погледнете го шоуто на Чкембарите на „Градски“ appeared first on Република.

По вчерашниот меч меѓу МЗТ Скопје и Пелистер, навивачите на гостите при напуштање на градот имаа непријатен настан, нивниот автобус беше каменуван. Од Пелистер го пријавија инцидентот во полиција, а од таму сега има известување дека четворица напаѓачи се приведени.

„На 18.05.2024 во 22.40 часот, полициски службеници ги лишиле од слобода А.М.(35), Љ.П.(35), двајцата од Скопје, Н.А.(21) од Илинден, скопско и В.С.(18) од Петровец, скопско, затоа што каменувале автобус во движење, при што ги оштетиле прозорците. По целосно документирање на случајот ќе следува соодветен поднесок.“, стои во известувањето од МВР.

The post МВР: Приведени се лицата кои го нападнаа автобусот на Чкембари appeared first on Република.

Македонскиот спорт е сведок на уште еден немил настан и инцидент. Имено, вечерва регистрирано е каменување на автобусот на „Чкембарите“ на излезот од Скопје, а КК Пелистер во соопштението вечерва јавува и за повредени лица.

Инцидентот се случил по 22:00 часот, веднаш по завршувањето на кошаркарскиот натпревар меѓу МЗТ Скопје Аеродром и Пелистер, и тоа на излезот од Скопје, на пат на навивачите за Битола.

„Згрозени сме и го осудуваме инцидентот кој го доживеаја навивачите од Битола, од навивачката група „Чкембари“ кога по завршувањето на првиот натпревар од финалната серија од плеј-офот на кошаркарската лига во Скопје, на излезот од Скопје кон Битола, во возење е каменуван  и демолиран  автобусот со кој патуваше навивачката група „Чкембари“ од Скопје. Повредени се и неколку лица.

Се прашауваме зошто веќе по кој знае кој пат се случуваат вакви и слични инциденти, кога гостуваат битолските навивачи на натпревари во кошарка, ракомет и фудбал. За разлика од тоа, кога навивачки групи гостуваат во Битола, посебно на кошаркарски натпревари, без разлика дали се во Куп или на првенствените натревари, истите максимално се испочитувани и не се случуваат никакви инциденти, а камоли и некој физички напади или оштетувања на возила.

КК Пелистер и спортската јавност во Битола се прашуваат зошто се случуваат инцидентите и со која цел, во време кога Битола е центар на спортот во државата. Оваа сезона во Битола се одиграа натпревари од ракометната Лига на шампиони во реновирана сала, се одржа кошаркатскиот Куп, се одиграа четири натревари од плеј-офот на  кошаркарската сезона, фудбалерите се веќе прволигаши, ќе играат на комплетно реновиран стадион, одбојкарките се постојано дел од најдобрите екипи, боксерите од сите меѓународни турнири се враќаат со медали, најавена е изградба на нов спортски комплекс, се поставија рефлекторите на стадионот... Тука мора се споменат успесите и на младинските категории од клубовите од Битола. Дали некому пречи оваа спортската доминација на Битола и некој се плаши Битола да е центар на спортот, со прваци во ракомет и кошарка.

Дали некој се плаши и од верноста на навивачите, не само на „Чкембарите“ кон брендот Пелистер туку и од многубројната битолска публика? Ова се дел од прашањата на кои очекуваме одговор. КК Пелистер и овојпат им се заблагодарува на навивачката група „Чкембари“ што секојпат се на висина на својата задача, кога достинствено го бодрат својот тим и кога ги пречекуваат гостинските навивачки групи. „Чкембарите“ се  носители на голем дел од успехот на КК „Пелистер„ како најважен „шести играч“.

Инцидентот е пријавен во Министерстевото за внатрешни работи од каде треба да се објават и напаѓачите“, се вели во соопштението на КК Пелистер.

The post Каменуван автобусот на „Чкембарите“ во Скопје, повредени се неколку лица appeared first on Република.

Црвено - жолти бакли го осветлија паркот и споменикот на бранителите на годишнината од масакрот кај с. Вејце во чест на сите херои кои со животот не бранеле нас и јас бранеле МАКЕДОНИЈА!, напишаа Чкембари Битола во објава на „Фејсбук“.

Наш завет е да ги чуваме од заборавот и да го пренесуваме нивното големо дело на секој човек.
МАКЕДОНИЈА секогаш раѓала храбри синови со кои можиме да бидиме горди пред светот.

На 28.04.2001 год. во заседа и во грозоморен чин се убиени:

-МАРЈАН БОЖИНОВСКИ

-ИЛЧЕ СТОЈАНОВСКИ

-КИРЕ КОСТАДИНОВСКИ

-БОШКО НАЈДОВСКИ

-РОБЕРТ ПЕТКОВСКИ

-БОБАН ТРАЈКОВСКИ

-ИГОР КОСТЕСКИ

-МИЛЕ ЈАНЕВСКИ

„Нема потреба да доаѓате повеќе во помош, сите ќе загинеме за Македонија“

Последна реченица на еден од жртвите која кажува колкаво е херојството на овие бранители!
ВЕЧНА ВИ СЛАВА!Должни сме и на живите бранители!

САШО ЛАЗАРЕВСКИ БРАДА е командант на битолската чета на лавовите во војната. Потребна е финансиска помош поради сериозно нарушување на неговото здравје.

Донирај на броевите:

-143 401 (А1)

-143 104 (Телеком)

Жиро сметка:

- 300 070163512 82

The post Чкембари Битола во чест на загинатите кај Вејце го осветлија паркот и споменикот на бранителите на годишнината од масакрот appeared first on Република.

„Комити“ подаваат рака за помош кон „Чкембари“, откако битолчанец го загуби домот во пожар. Верните навивачи на Вардар ќе донираат пари за верен навивач на Пелистер кој остана без дом откако се запали неговата куќа.

Групата одлучи целиот приход од гостувањето во Кратово, да го донира на членот на н.г. „Чкембари Битола”, кој при пожар го загуби сопствениот дом, соопштија „Комити“.

Тие ги повикуваат сите во Кратово.

Од „Чкембари“ објавија трансакциска сметка за донации семејството полесно да ги санирање на штетите во што побрз период односно пред да паднат температурите под нулата.

The post Комити ќе донираат за Чкембар кој го загуби домот во пожар appeared first on Република.

На иницијатива на Секцијата на спортски новинари која е дел од Здружението на новинарите на Македонија (ЗНМ), остро се реагира на вулгарното однесување на дел од навивачите на РК Еурофарм Пелистер кои со крајно навредлива парола се обидоа да го понижат и да се „пресметаат“ со коментатор од Македонската Телевизија.

Имено во текот на целиот меч во Битола меѓу Еурофарм Пелистер и Вардар на една од трибините група неодговорни навивачи имаше истакнато безобразен транспарент кој се однесува на колегата Југослав Костовски.

„Секцијата на спортските новинари при ЗНМ искажува револт кон навивачите, но и кон домаќинот на големото ракометно дерби РК Еурофарм Пелистер бидејќи раководството и луѓето задолжени за организација на мечот имаа вовед, две полувремиња, пауза и цели два часа да реагираат и да го отстранат транспарентот или тие што го промовираа на видно место, а тоа не го сторија.

Валканите пресметки на навивачите со новинарите и непостапувањето кон истите не се непознати во нашиот спорт, но сигурно не се начин на кој се градат големите европски спортски колективи. Со самиот факт што Еурофарм Пелистер е наш машки ракометен првак и учесник во групната фаза од Лигата на шампионите тоа ги става битолчани во ситуација да имаат обврска тоа да биде нивна траекторијата на развој што, пак, дефинитивно значи и коректен однос кон известувачите од натпреварите и на домашната и на меѓународна сцена“, велат од ЗНМ.

Натпреварот меѓу Еурофарм Пелистер и Вардар 1961 заврши со победа на домашниот тим (29-25), но вардарци го задржаа првото место поради победата на првиот меѓусебен меч сезонава во Скопје.

The post ЗНМ со осуда за паролата на „Чкембари“ за коментаторот на МТВ appeared first on Република.

Навивачите на Еурофарм Пелистер вечерва не беа на трибините во „Јане Сандански“ на мечот со Вардар.Тоа најеверојатно е направено од безбедносни причини.

Сепак на почетекот на второто полувреме неколкумина навивачи на битолчани се појавија во поттрибинскиот простор и се обидоа да се качат на трибината.

Кога беа забележани од полицијата и од обезбедуваето веднаш беа спречени со што се избегна голем инцидент.

Погледнете

https://www.youtube.com/watch?v=tCuqCa1LRSc

The post Чкембарите се појавија на неколку секунди во „Јане Сандански“- еве како си поминаа appeared first on Република.

Во целата медиумска бура што се крена по ракометното дерби меѓу Вардар и Пелистер, незабележано помина еден момент кога припадниците на двете навивачки групи, Чкембари и Комити, покажаа огромно ниво на ферплеј,  и почит едни кон други.

Во текот на второто полувреме Чкембарите истакнаа транспарент во чест на прерано починатите членови на Комити, што предизвика искрен и силен аплауз од вардаровите навивачи, на кој се придружија практично сите присутни во салата „Јане Сандански“, како и заедничко скандирање на имињата на починатите навивачи.

[caption id="attachment_624752" align="aligncenter" width="640"] Фото: принтскрин[/caption]

На ваквиот потег на своите ривали, Комити одговорија со скандирање на името на еден од водачите на битолската навивачка група Александар Димчевски - Трска, кој почина пред година и половина, што, пак, наиде на одобрување и искрен аплауз од Чкембари.

https://republika.mk/sport/fudbal/tvojata-nasmevka-nitu-smrtta-ne-moze-da-ja-pobedi-komiti-ispratija-posleden-pozdrav-za-pochinatiot-darko-smokovski-smok/

The post Моментите на ферплеј што минаа незабележано: Комити и Чкембари заеднички скандираа во чест на своите починати другари appeared first on Република.

Раководството на македонскиот ракометен вицепрвак, Еурофарм Пелистер ги осуди инцидентите на дербито со Вардар во кои учествуваа припадници на двете навивачки групи.

https://republika.mk/sport/rakomet/toa-ne-bea-vistinski-sportski-navivachi-tuku-individui-koi-pod-dejstvo-na-alkohol-ili-drugo-go-degradiraat-sportot/

Но, своја реакција за инцидентот имаа и самите навивачи од навивачката група Чкембари, каде дадоа свој осврт на вчерашните случувања и која ви ја пренесуваме во целост:

Вчерашното дерби го одбележаја низа инциденти, повторно истата приказна неколку „храбри“ комити криејќи се низ обичната публика со фрлање столчиња и други предмети испровоцираја реакција и од наша страна, буквално на неколку пати до сега ја користат најподлата техника за одбрана позната како ЖИВ ШТИТ.

 

И сето тоа досега никој ни да го спомни ни да го осуди, напротив во медиумите ние сме оцрнети.

 

Не се коментира ни за повторно намерениот „пропуст" по кој знае кој пат, слободно влегување в терен, но никако и со таква поддршка да се стигни до нас, зошто за тоа не е потреба страшна облека, фантомки и слично, то не се купва во продавница!

 

Стигнавме до полицијата...

 

Како да чекаа момент да се испразни салата па јуришно тргнаа еден вод специјалци кон нас и буквално нè нападнаја без никаква причина, сите се чудевме од каде таква реакција па дури и специјалците кои до тогаш беа околу нас, настана голем хаос во кој 100-тина навивачи паднаја еден врз друг и можеше да заврши трагично таквата неиспровоцирана реакција на полицијата.

 

После долго време во салата полицијата повторно БЕЗ НИКАКВА СЕЛЕКЦИЈА почна да апси наши членови, само колку визуелно да изгледа дека тие ја сработиле својата работа.

 

Сакаме да му се заблагодариме и на нашите браќа од Кавадарци кои секогаш се со нас, во добро и во зло, па така и денес.

 

За крај благодарни сме и на тие што излегоја во пресрет на уапсените Чкембари.
ЧКЕМБАРИ СЕ НЕУНИШТЛИВИ☘💪🏻❗

https://republika.mk/sport/rakomet/navivachite-od-skopje-i-bitola-sedea-edni-do-drugi-politsijata-na-spasovski-vinovna-za-haosot-vo-jane-sandanski-ne-reagiraa-na-vreme/

The post Чкембари: Полицијата без никаква селекција почна да апси наши членови, само колку визуелно да изгледа дека тие ја сработиле својата работа appeared first on Република.

Раководството на македонскиот ракометен вицепрвак, Еурофарм Пелистер ги осуди инцидентите на вчерашното дерби со Вардар во кои учествуваа припадници на двете навивачки групи.

Во продолжение соопштението на битолчани го пренесуваме во целост:

РК Еурофарм Пелистер се оградува од вчерашното однесување на дел од навивачите и со резигнираност гледа кон настаните кои се случуваа вчера во спортската сала Јане Сандански. За нас тоа е крајно неприфатливо, нецивилизирано однесувањето на дел од „навивачите“ и на двете екипи. Oстанува нејасно како беше возможно во салата да се внесат пиротехнички материјали и други тврди предмети и како беше возможно одредени индивидуи да влезат на терен со што беше доведен во опасност и животот на ракометарите но и на другите присутни во салата. Ние сметаме дека за такво однесување на спортските терени воопшто нема место. Според нас тоа се само мала група на индивидуи (не повеќе од 30-40 индивидуи) кои во тек на една сезона следат 4-5 натпревари (натпревари кои им се „предизвик) и генерираат проблеми.

Тоа не се ниту вистински спортски навивачи и љубители на спортот. Тоа се индивидуи кои под дејство на алкохол или нешто друго го деградираат спортот, спортските навивачи, спортските клубови, и навивачките групи на кои „припаѓаат“. Таквите индивидуи кои ментално припаѓаат на некои времиња од минати векови воопшто нам не ни се потребни и не сакаме никаква подршка од нив, не се потребни ниту на спортот и искрено се надеваме дека и вистинските навивачи и спортски подржувачи, и двете навивачки групи исто така ќе се оградат од нив. Овие индивидуи кои спортскиот терен и објект го гледаат единствено како можност за промовирање на нецивилизациски дејанија, правење проблеми и негативно влијание на спортската игра и настан, воопшто не се потребни во спортот. Како и во другите цивилизирани земји така и кај нас крајно време е овие индивидуи да бидат идентификувани и да се донесат законски можности на истите да им се забрани присуство на спортски натпревари на подолг временски период. Во спротивно спортот, спортистите и останатите искрени спортски љубители ќе останат само заложници на дивеењето на поединци. Тоа е негативно за спортот, тоа ги одвлекува спонзорите да вложуваат во спортските екипи, тоа влијае негативно на спортистите при изборот на клуб и се разбира тоа е негативна и мошне грозна појава која не треба да ја гледаат младите генерации. Затоа сметаме и дека РК Вардар 1961 исто така јавно ќе се оградат од однесување на индивидуите кои се задскриваат зад навивачките групи и кои го негативизираат спортот, спортисктите и вистинските навивачи.

Однесување на вчерашниот натпревар на овие изолирани индивидуии и од двата табори го доведе во прашање и одвивањето на натпреварот. Можеби најисправна одлука ќе беше натпреварот да биде прекинат и да се одигра пред празни трибини. Но тогаш повторно губитници ќе беа вистинските спортски навивачи и љубители на спортот и тогаш штетниците ќе ја постигнеа максимално својата цел иако и вака ја постигнаа. Нашата екипа како што кажа тренерот беше сосема различна екипа пред и после прекинот. Со тоа воопшто не сакаме да ја негираме или да ја намалиме вредноста на победата на РК Вардар 1961, напротив, сакаме само да потенцираме дека натпреварот можеби ќе имаше друг тек, ќе беше уште поквалитетен и ќе беше вистински празник на ракометот во буквална смисла. Вака негативците ставија голема дамка на ракометниот празник и настан. Таа негативна и црна слика за брзо се прошири и надвор од нашите граници. Тоа не го заслужува нашиот спорт, тоа не го заслужува македонскиот ракомет.

Уште еднаш напоменуваме ова наше известување се однесува само за однесувањето и дивеењето на поединци кои можеби и не се дел од навивачките групи „Чкембари“ и „Комити“ и кои според нас и не припаѓаат таму.

The post Toa не беа вистински спортски навивачи, туку индивидуи кои под дејство на алкохол или друго го деградираат спортот appeared first on Република.

Во Скопје се играше најголемото ракометно дерби не само во Македонија  туку  и пошироко. Ретко каде има таква атмосфера и набој како кога играат Вардар и Пелистер. Она што требаше да биде уживање се претвори во хаос, а единствен виновник е полицијата на Оливер Спасовски.

Иако  неколку дена пред мечот навивачите од Битола најавуваа доаѓање во Скопје со неколку автобуси, полицијата се однесуваше како да доаѓа некаков детски хор или група пензионери дојдени на туристичка прошетка во главниот град.

Како почнаа нередите

Во салата беше мирно цели 12 минуту кога доаѓањето на гостите од Битола своето доаѓање го најавија со петарди. Прво прашање, дали и Чкембарите се проверуваа на влезот како и останатите гледачи?

https://www.youtube.com/watch?v=JBbnTVwO3lI

Второ прашање: Kaко Интервентната полиција дозволи навивачите од Битола да седат (стојат) само неколку метри до „обичните“ навивачи? Меѓу нив имаше само кордон од неколку полицајци па тие можеа народски кажано и да се плукаат. За запалки и шишиња да не правиме муабет, цело време летаа од двете страни.

Трето: Откако настана инцидентот и луѓето почнаа да излегуваат надвор полицијата не контролираше кој се враќа повторно во салата. Кој гарантира дека некои од навивачите нема од паркот од спротива  да земат камења и шишиња и да почнат да ги гаѓаат гостите од Битола. Тогаш ќе бевме сведоци на раскрварени глави. И, кој ќе беше виновен?

За неспособноста на полицијата говори и инцидентот по завршувањето на мечот кога салата се испразни но и тогаш „Чкембарите се поткачија со „Интервентната“.

Можеме само да замислиме што се случувало кога ги „товареле“ во автобусите на пат кон дома и како изгледал патот до Битола.

https://www.youtube.com/watch?v=j1iO0Y_GbM0

The post Навивачите од Скопје и Битола седеа едни до други како на кафе: Полицијата на Спасовски виновна за хаосот во „Јане Сандански“, не реагираше на време appeared first on Република.

Навивачите на Пелистер се обидоа да ја пробијат оградата која ги одвојуваше со останатите навивачи.

Само што влегоа во салата, почнаа да ја тресат оградата и вербално да ги предизвикуваат останатите фанови, а малку фалеше да дојде и до физичка пресметка.

Погледнете.

The post Како Чкембарите ја рушеа оградата за да дојдат до Комитите appeared first on Република.

Teнзично дерби меѓу Вардар и Пелистер во салата „Јане Сандански“. Прекин имаше веќе во 12 минута кога влегоа навивачите на Еурофарм. Своето присуство го најавија со неколку шок и чадни бомби и тресење на оградата.

Тоа како да ги испровоцира навачите на Вардар од кои беа одвојени со мал кордон полиција. Веднаш почнаа да летаат запалки, шишиња, димни бомби и по некоја столица. Мора да се признае дека Интервентната единица не си ја заврши работата бидејќи беше за очекување дека ќе дојде до инцидент и малку фалеше за директна пресметка.

Откако навивачите се „испразнија“ натреварот продолжи и по завршувањето салата се испразни но Чкембарите останаа надвор додека просторот околу „Јане Сандански“ не биде чист и навивачите не бидат „натоварени“  во автобусти за Битола.

https://www.youtube.com/watch?v=JBbnTVwO3lI

The post Летаа димни бомби и столчиња: Еве како почна тепачката меѓу Чкембарите и публиката во „Јане Сандански“ appeared first on Република.

Навивачите на битолски Пелистер, популарните „Чкембари“ со димни бомби фрлаа кон публиката која е дојдена за големото дерби за титула во СЦ „Јане Сандански“. Мечот со Вардар беше веднаш прекинат откако битолските Чкембари влегоа во салата, запалија димни бомби и почнаа да ја гаѓаат обичната вардарова публика.

Веднаш по нив десетина навивачи на Вардар влегоа на теренот како одговор на напапдот на Чкембари.

The post Чкембари со димни бомби фрлаа во публиката на дербито во Скопје appeared first on Република.

Кошаркарскиот клуб Пелистер од Битола денес преку соопштени до јавноста, даде свое видување за инцидентот што се случи на трибините за време на натпреварот со МЗТ Скопје одигран вчеравечер во СЦ „Јане Сандански“.

Кошаркарскиот клуб Пелистер целосно застанува зад навивачката група Чкембари бидејки истите воопшто не беа причинители за инцидентот.

Нашата навивачка група беше првично нападната од редарите, т.е. од лицата кои на трибините се задолжени да спречуваат инциденти а не да предизвикуваат инциденти.

Најостро го осудуваме овој нивен непрофесионален однос и се надеваме дека во иднина нема да бидеме сведоци на вакви немили настани.

Во петок ги повикуваме Чкембарите и битолските љубители на кошарката во што помасовен број да ја исполнат спортската сала „Боро Чурлевски“ и во една фер спортска и кошаркарска атмосфера да бидат нашиот 6ти играч во целта за изборување на мајсторка, стои во соопштението на Пелистер.

Резултатот во финалето од кошаркарскиот плејоф е 2:1 во победи за МЗТ Скопје кој в петок ќе ја има првата шанса за одбрана на шампионскиот трофеј. Во случај да победат битолчани, ќе се игра мајсторка в недела во Скопје.

The post КК Пелистер: Нашата навивачка група беше нападната од редарската служба appeared first on Република.

Продолжуваат немирите во салата „Јасмин“ во Кавадарци. На почетокот причина за прекинот беа „Чкембари“ кои по влегувањето на „Комити“ во салата едноставн збеснаа, сакаа да влезат на терен.

Ситуацијата брзо беше смирена, но веднаш по завршување на првото полувреме на свена настапија „Комити“, со бакљи фрлаа на теренот во момент кога имаше и мали девојчиња кои требаше да изведуваат музичка точка. Сите се бразбегаа, а навивачите на Вардар успеаја да запалат и неколку столчиња во салата.

ВИДЕОТО ПОГЛЕДНЕТЕ ГО НА СЛЕДНИОТ ЛИНК

Извор: Спортмедија

The post Комити фрлаа бакљи кон Чкембари, запалија и неколку столчиња appeared first on Република.

Интересно беше на теренот во Битола каде ракометарите на Вардар направија голем исчекор кон нова шампионска титула против Еурофарм-Пелистер но возбудливо беше и на трибините каде дојде и до близок контакт меѓу стотина скопски навувачи и обезбедувањето.
Во делот од салата каде што беа сместени навивачите на РК Вардар, Комитите, беа објавени два сета транспаренти чии пораки се однесуваа на клубот отворен во Битола во чест на фашистичкиот соработник Иван Михајлов а беа упатени кон навивачката група Чкембари.

Уште пред 20 години го уништивме Радко а сега вие како пич.. спиете слатко, преку транспарент им порачаа Комитите на Чкембарите.

На друг помал транспрент Комитите објавуваат насловна страница од венскиот Вест со наслов ,,Не дозволуваме во Скопје да не прават Бугари”.

Радко е прекарот на Иван Михајлов чии поддржувачи пред две децении за време на прослава на местото на убиството на Мара Бунева беа нападнати од Комитите.
На вториот транспарент навивачите на Вардар на своите колеги од Битола користејќи стихови од популарна бугарска песна, им порачаа: ,,Не сте безгрешни но сте истински”.

The post ,,Комити” до ,,Чкембари”: Пред 20 години го уништивме ,,Радко” вие молчите appeared first on Република.

По победата на Еурофарм Пелистер во Скопје, капитенот на вардарци Столе Стоилов ја почести противничката екипа со гајби пиво.

На денешниот празник пред натпреварот, тој од „Чкембарите“ во првиот ред доби првомајски колбаси за подарок, пренесува „Гол.мк“.

The post Му вратија за пивото – „Чкембари“ со колбаси за Стоилов appeared first on Република.

Видеоснимката на полициска бруталност врз припадник на навивачката група „Чкембари”, која пред неколку дена се прошири на социјалните мрежи и медиумите, покажува дека употребата на прекумерна физичка сила и средба за присилба продолжува да биде честа практика на полицијата.

Покрај бројните залагања на државата да ја елиминира тортурата и нехуманото постапување спрема граѓаните од страна на лицата со полициски овластувања, граѓаните сѐ уште и честопати се жртви на полициска бруталност, која се манифестира со претепување.

Имено, на видео снимката се гледа како на 29.3.2022 (вторник), по завршување на ракометниот натпревар помеѓу ракометните клубовите Вардар и Пелистер, припадник на навивачката група Пелистер лежи на земја, додека припадници на полицијата демонстрираат прекумерна физичка сила и средства за присилба врз него, поради што лицето се здобило со телесни повреди. За целото време додека лицето лежи на земја, тоа не дава никаков активен отпор, што значи дека дејствијата на полицијата не се ниту сразмерни, ниту законски, велат од Хелсиншкиот комитет за човекови права.

Ваквото постапување на полициските службеници дополнително ја продлабочува недовербата која граѓаните ја имаат во полицијата, а Македонија континуирано добива и забелешки од страна на меѓународната заедница, како што е Европскиот комитет за заштита од тортура и нечовечко или понижувачко постапување или казнување кој и во својот последен извештај за нашата држава објавен во мај 2021 година нотира пречекорување на полициските овластувања и употреба на прекумерна сила од страна на полициските службеници за време на приведување, во полициска станица, но и подоцна од страна на затворската полиција.

Хелсиншкиот комитет за човекови права и Македонското здружение на млади правници бараат од Одделот за внатрешна контрола, криминалистички истраги и професионални стандарди при Министерството за внатрешни работи целосно да го истражи овој случај и доколку се потврдат наодите, инволвираните полициски службеници да бидат соодветно дисциплински казнети. Дополнително, го повикуваме Основното јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворската полиција по допрен глас да оформи предмет со цел водење на кривична постапка против инволвираните полициски службеници и утврдување на нивна кривична одговорност за настанот. Апелираме за овој случај, органите ефективно да ја водат постапката, што е од суштинска важност за навремено да се приберат докази, а особено поради делотворноста на лекарските прегледи и извештаи, веродостојноста на исказите на сведоците и оштетениот итн.

Единствено експедитивното и ефикасното водење на постапки од ваков вид можат да ја вратат довербата на граѓаните во правосудните органи, но и другите заштитни механизми од тортура и нечовечко постапување од страна на полициски службеници.

The post Хелсиншки: Итно да се истражи и санкционира полициската бруталност врз навивач на „Чкембари“ appeared first on Република.