Тренерот на Барселона, Чави истакна дека неговиот тим ја исполнил најмалата задача со освојување на второто место во шпанската Ла Лига.

-Ова беше минимална задача за нас. Со пласманот на втората позиција, тимот за сезона обезбеди учество во Суперкупот и шанса да атакува на уште еден трофеј. Целта е најдобриот рецепт за стекнување самодоверба. Педри треба постојано да игра, да фати ритам. Потребна му е динамика, која недостигаше поради повредите. Тој е дефинитивен фудбалер кога ја има топката се оди добро. Кога Ламин Јамал ја има топката, се случува нешто посебно. Зборуваме за многу важен фудбалер. Важно е да се грижиме за него и да го одржуваме среќен, тоа ќе му овозможи да остане на ова ниво многу години, изјави тренерот на Барселона.

За иднината на Чави на тренерската позиција во Барселона треба да се расправа денес на состанок со претседателот на клубот Жоан Лапорта

The post Чави не е задоволен од второто место во Ла лига appeared first on Република.

 Тренерот на Барселона, Чави Ернандез, по поразот од ПСЖ (1:4) во реваншот од четвртфиналето на Лигата на шампионите, е убеден дека следната сезона тимот ќе оди уште подалеку.

- Додека натпреварот беше 11-на-11, ние бевме добро организирани. Текот на натпреварот целосно се промени по исклучувањето на Арухо. И покрај тоа што бевме во малцинство, имавме шанси за уште некој гол. Не ни беше лесно бидејќи игравме со десетмина. Би било интересно да се види како ќе беше резултатот доколку тимовите останеа рамноправни. Мислам дека достојно се покажавме во оваа ЛШ. Барселона ќе се врати посилна следната сезона и ќе оди уште подалеку,изјави Чави.

ПСЖ победи со вкупен резултат (6:4) и се пласираше во полуфиналето на Лигата на шампионите, каде ќе игра против Борусија Дортмунд

The post Чави не е разочаран од испаѓањето во ЛШ appeared first on Република.

Тренерот на Барселона, Чави, ќе добие отказ доколку тимот го загуби реваншот од осминафиналето на Лигата на шампионите против Наполи, пренесува „Карусел депортиво“.

При таков развој на настаните, за предводник на каталонскиот фудбалски великан ќе биде назначен Мексиканецот Рафаел Маркез, кој е тренер на младинскиот тим на Барселона.

Натпреварот помеѓу Барселона и Наполи ќе се одигра во вторник на 12 март во Барселона, а првиот натпревар заврши нерешено 1:1.

Во јануари Чави објави дека ќе ја напушти Барселона по завршување на тековната сезона. Тимот од „Камп ноу“ е втор во поредокот на Шпанското фудбалско првенство со 61 бод, пет помалку од лидерот Реал Мадрид, но и со еден одигран натпревар повеќе.

The post Шпански весник: Чави ќе добие отказ доколку загуби од Наполи во Лигата на шампионите appeared first on Република.

Тренерот на Барселона, Чави, смета дека работата во Барса не вреди за проблемите што ги носи. По поразот од Виљареал со 3:5 на крајот на јануари, Чави најави дека ќе ја напушти Барселона на крајот на сезоната.

- Си заминувам затоа што поминав две и пол години на оваа позиција и сфатив дека не вреди да се биде тренер на Барселона. Јас така мислам. Секојдневно се бориш против се, тоа е исцрпувачко. Не можете да уживате во животот. Видов како тренерите во овој клуб трпеа и доживуваа тешкотии, дури и кога победуваа. Некои од нив ја освоија Лигата на шампионите, но сепак беа на „сослушување“. Во други земји - Англија, Германија или Италија - можете да уживате во тренерската работа, истакна Чави.

Барселона по 22 одиграни натпревара во Ла Лига има 47 бодови и се наоѓа на 4. место.Пред Каталонците се Реал Мадрид со 57, Жирона со 55 и Атлетико Мадрид со 47 бодови.

Вечерва од 18:30 часот Барса му гостува на Алавес во дуел од 23. коло на Шпанското фудбалско првенство.

The post Чави: Работата во Барса не вреди за проблемите што ги носи appeared first on Република.

Тренерот на Барселона, Чави е задоволен од настапот на неговиот тимот на натпреварот против Атлетик. Барселона доживеа елиминација од Копа дел Реј, губејќи од баскискиот клуб со 2:4 по продолженија во четвртфиналето.

- Се обидовме. Мислам дека добро се боревме против одлична екипа која е многу силна на домашен терен. Веќе кажав дека од гледна точка на противникот немавме среќа со ждрепката. Ламин имаше шанса да го постигне победничкиот гол. Можеме да бидеме горди што се обидовме. Дадовме се од себе и си заминуваме со кренати глави, бидејќи се боревме со помош на млади играчи. Јас сум мирен. Остануваат најважните турнири, изјави тренерот на Барселона.

Покрај Атлетик, пласман во полуфиналето на шпанскиот Куп досега обезбедија уште и Реал Сосиедад и Мајорка.

Во последното четвртфинале вечер од 21 часот играат Атлетико Мадрид и Севилја.

The post Барселона нема да игра во полуфиналето на шпанскиот куп appeared first on Република.

Тренерот на Барселона, Чави, се осврна на судењето на вчерашниот натпреварот Реал Мадрид - Алмерија. Домаќините победија со 3:2, откако Алмерија поведе со 2:0. До победата Реал дојде по неколку контроверзни одлуки.

Натпреварот, кој заврши со победа на Мадрид во судиското продолжение (11 минути) го водеше судиски тим предводен од Франциско Ернандез Маесо.

- Ќе се потпрам на размислувањата на тренерот на Алмерија, Гаритано и Алфредо Релањо, многу добар новинар. Ќе биде многу тешко да се освои ова првенство. Веќе зборував за ова во Хетафе. Сум видел некои работи кои не се објаснуваат. Мора да продолжиме да победуваме, но има некои работи кои не можеме да ги контролираме. Сите видовте како Реал дојде до победата, изјави главниот тренер на Барселона.

Лидер во поредок во Шпанското фудбалско првенство е Жирона со 52 бода од 21 натпревар. Реал е втор со 51 бод од 20 натпревари, Барселона е трета со 44 бода исто така од 20 одиграни средби

The post Чави не е оптимист дека Барса ќе ја освои титулата во Ла лига appeared first on Република.

Тренерот на Барселона, Чави е уверен дека неговито тим оваа сезона ќе се бори за трофеи.

Во финалето на шпанскиот Суперкуп Каталонците синоќа загубија од Реал Мадрид (1:4).

- Не покажавме што се бара од нас во финалето. Многу лут и разочаран, но како навивач на Барселона, не како тренер. Доживеав многу тешки порази, но претстои цела сезона, а има уште три титули. Ќе се вратиме, сигурен сум. Ние веќе го направивме ова, освоивме титули под мое водство. Ова е многу тежок пораз и треба да им се извиниме на навивачите. Минатата сезона го докажавме нашето ниво, а сега се соочуваме со критики. Треба да се рестартираме и да се бориме за трите преостанати трофеи, изјави тренерот на Барселона.

Барселона ќе се обиде да дојде до трофеј во шпанската Ла Лига, во шпанскиот Куп и во Лигата на шампионите

The post Чави не е разочаран од поразот во Супер купот appeared first on Република.

Барселона се уште не е подготвена да ги исполни финансиските барања на Чави за нов договор.

Четириесет и тригодишниот тренер на Каталонците бара плата од 12 милиони евра по оданочување, објави радио „Кадена СЕР“.

Ако се земат предвид платите на Чави и на целиот негов тренерски штаб пред оданочување, сумата е 30 милиони евра.

Сега позициите на тренерот и Барселона се многу далеку една од друга. Чави има договор со клубот до 30 јуни 2024 година.

Минатата сезона Барса го освои шампионатот и шпанскиот Суперкуп

The post Чави сака засилувања, Барса нема пари appeared first on Република.

Тренерот на Барселона, Чави Ернандез, по вчерашниот натпревар против Гирона, изјави дека го загрижува како неговата екипа оваа сезона ќе ја освои титулата, објавија денеска шпанските медиуми.

Фудбалерите на Барселона и Гирона ремизираа без голови во рамки на 28 коло во Ла Лига, а каталонскиот тим на десет кола до крајот на сезоната има 13 бодови предност пред актуелниот шампион Реал Мадрид.

- Не ме загрижуваат Левандовски и неговите промашувања. Ме загрижува како ќе ја освоиме титулата. Игравме добро против Гирона. Не бевме успешни пред нивниот гол, но мислам дека заслуживме повеќе од бод, изјави Чави.

Тој додаде дека Барселона има 13 бодови предност, но остануваат уште десет натпревари.

The post Чави е загрижен дали Барса ќе ја освои титулата appeared first on Република.

 Тренерот на Барселона, Чави Ернандез, победата од 1:0 изборена синоќа на гостувањето кај Атлетик Билбао ја опиша како една од најважните во сезоната. Каталонците победија на „Сан Мамеш“ со гол на Рафиња за да ја задржат предноста од девет бода пред Реал Мадрид пред нивниот дуел следната недела.

- Ова е победа вредна злато. Го задржавме водството од девет поени. Ќе пристапиме самоуверено на уште едно „Ел Класико“. Победивме заслужено. Имавме 2-3 чисти шанси, но не можевме да го решиме натпреварот порано. Важно е да делуваме смирено во одбранбениот план, но истото мора да го правиме и кога напаѓаме. Задоволен сум од ситуацијата во која се наоѓаме. Девет бода пред актуелниот шампион и освојувач на Лигата на шампионите не се малку, изјави Чави.

Барса победи на 9 од последните 10 натпревари во Ла Лига. „Каталонците остварија вкупно девет победи со по 1:0, што досега не се случило во историјата на клубот.

Освен Атлетик, во тековната сезона Барселона со 1:0 ги совлада и: Валенсија, Виљареал, Џирона, Хетафе, Атлетико Мадрид, Валенсија, Мајорка и Селта

The post Барселона граби кон титулата appeared first on Република.

Поранешниот шпански фудбалски репрезентативец, Андрес Иниеста, потврди дека постојат мали шанси да му се приклучи на Чави Ернандез во стручниот штаб на Барселона, објави весникот „Марка“.

Иниеста и Чави беа клупски колеги во Барселона. Чави сега е тренер на каталонскиот клуб, а Иниеста настапува за јапонски Висел Кобе.

Мислам дека тоа е многу тешко. Луѓето замислуваат многу работи, бидејќи со години нè гледаа како играме заедно. Би било навистина убаво и добро, но такво нешто е многу сложено. Тој е тренер, а јас сум сè уште активен фудбалер. Тоа е тешко да се спои. Важно е Чави да ја врши својата работа и да ја врати Барселона таму каде заслужува да биде“, изјави Иниеста, кој за време на Светското првенство во Катар го посети тренинг кампот на Барселона.

The post Иниеста: Би било убаво Чави и јас да ја предводиме Барселона, но тоа е комплицирано appeared first on Република.

Тренерот на Барселона, Чави имаше големи забелешки за судењето на синоќешниот натпревар со Осасуна во 14. коло од Шпанското фудбалско првенство.

Каталонците победија со 2:1, иако на полувреме губеа, а повеќе од еден час играа со фудбалер помалку поради исклучувањето ан Левандовски во 31. минута.

– Многу сум горд на тимот. Имаме извонредна атмосфера. Се беше против нас – судиските одлуки, примениот гол, играта со фудбалер помалку. Сепак, одигравме паметно и одлично ги искористивме шансите. Ова е златна победа – ќе паузираме како лидери. Ова е победа за целиот тим. Ми кажаа дека голот на Осасуна не е регуларен, според мене, премногу строго беше исклучен Левандовски. Но, моите зборови не се важни. Важно е мислењето на судијата, кој треба да ги објасни своите одлуки, изјави тренерот на Барселона.

Каталонците се лидери во Ла лига со 37 бодови, пред Реал Мадрид кој има 32 и натпревар помалку.

The post Барса ја победи Осасуна, на Чави криви му се судиите appeared first on Република.

Тренерот на Барселона, Чави ја гледа титулата во шпанската Ла Лига како поважна за освојување, отколку трофејот во Лигата на шампионите.

 Мислам дека е потешко да се освои Лигата на шампионите. Поприродно е да се победи во домашното првенство. Во Ла Лига има повеќе шанси да се поправиш ако некаде си направил кикс. Во Лигата на шампионите не секогаш победува најсилниот. Таму деталите предничат. Успехот во Ла Лига е поприроден - изјави Чави.

Каталонците вечерва од 21 часот ќе му гостуваат на Интер во 3. коло од Лигата на шампионите.

По две кола во Ц-групата, лидер е Баерн Минхен со шест бодови, Барселона и Интер имаат по три, последна е Викторија Плзењ без освоен бод.

Италијанските медиуми лиферуваа информација дека вечерашниот дуел е последна шанса за тренерот на Интер, Симоне Инзаги, кој се наоѓа пред отказ по слабите игри на „нероазурите“.

The post Чави пред дуелот со Интер: Лигата на шампионите не ја освојува секогаш најдобриот appeared first on Република.