Околу три и пол пати повеќе абортуси имало во 2023 година споредено со 2020 година на Универзитетската клиника за гинекологија и акушерство во Скопје, покажуваат податоците од Македонската асоцијација на гинеколози и опстетричари (МАГО). За четири години, на оваа Клиника имало вкупно 2.626 абортуси, а бројот секојдневно растел од 2020 година до 2023 година. Во 2020 година биле извршени 324 абортуси, во 2021 имало 554, во 2022 имало 615, а лани 1.133 абортуси. Најмладата пациентка имала 13 години.

Претседателот на МАГО, професор доктор Глигор Тофоски посочува дека стапката на адолесцентна бременост, на девојки на возраст од 15 до 19 години, сѐ уште е многу висока и дека годишно околу 100 млади девојки под 20 години абортираат.

-Кога се во прашање младите, само 2,4 проценти од адолесцентите побарале совети за планирање на семејство кај својот матичен, семеен доктор или матичен гинеколог. Само 5,6 проценти од студентите во Скопје користат орална контрацепција. Најголем процент од младите го користат прекинувањето на сексуалниот однос за заштита од непланирана бременост. Стапката на адолесцентна бременост, на девојките на возраст од 15 до 19 години, сѐ уште е многу висока и опфаќа 4,2 отсто од вкупните раѓања. Годишно околу 100 млади девојки под 20 години абортираат. Сето ова ја поткрепува потребата од воведување на сеопфатно сексуално образование, дециден е Тофоски.

Според извештајот на службите за здравствена заштита на мајки и деца за 2021 година, во текот на 2021 година регистрирани се вкупно 20 живородени новороденчиња од мајки под 15 години и 791 живородени и 5 мртвородени новороденчиња од мајки на возраст од 15 до 19 години.

-Стапката на бременост на девојките на возраст од 15 до 19 години – адолесцентна или тинејџерска бременост во 2021 година изнесувала 15,4 проценти на 1.000 девојки на истата возраст. Стапката на раѓање кај девојките од 15 до 19 години изнесува 14.1 на 1.000 раѓања од девојки на таа возраст. Изразено во проценти како дел од вкупните раѓања, адолесцентната бременост опфаќа 4,2 отсто, и бележи благ пад во однос на 2020 година – 4,9 проценти. Во однос на абортусот на адолесцентна возраст, според бројот на абортуси пријавени во Центрите за јавно здравје во 2021 година кој изнесува 3.168, или 17,1 на 100 живородени, 78 или 2,4 проценти се кај девојки на возраст под 20 години, а најголем дел или 62,4 отсто се кај жени на возраст од 21 до 34 години, појаснува Тофоски.

The post За 3 години тројно зголемен бројот на абортуси, најмладата има 13 години appeared first on Република.

Цеца Ражнатовиќ, додека се презиваше Величковиќ имала бурна врска со сопственик на дискотеки низ Швајцарија.Таа со само дваестина години избегала од родното Житораѓа кај него.Момчето се вика Харо Самарџиќ и Светлана била многу вљубена во него иако тој бил оженет.

Врската им била идилична се додека таткото на Цеца не побарал од Жељко Ражнатовиќ, кој ќе подоцна ќе и стане сопруг како знае и умее и да ја врати.

По неколку месеци така и било.Додека Харо и Цеца биле во хотелска соба затропале луѓето на Аркан и ја зеле Цеца а него го однеле на непозната локација.

Додека беше гола затропаа на вратата неколку непознати лица и ви рекоа да се симнам во лобито.Ми ставија црна вреќа за да не знам каде ме носат.Ме оставија 20 дена без храна и вода само со неколку скапани јаболка. Беше студено и мрачно.По 20 дена илегално ме однесоа во Бјелина бидејќи ги слушнав дека тоа го споменаа.Оттаму ме однесоа на унгарската граница и ми кажаа дека сум слободен-ја раскажува Харо својата голгота.

Подоцна дознал дека за неговата слобода семејството платило 700.000 марки.

Тој е убеден дека киднапирањето го организарала Светлана и оти со неа никогаш не планирал да се ожени.

Да сакав нешто да немаше да оди на абортус.Беше три пати трудна.Не сакав да роди а таа по секоја цена сакаше мое дете.1993 година последен пат абортираше од мене во Белград-открива поранешниот партнер.

The post Цеца додека беше Величковиќ три пати абортирала од муслиман appeared first on Република.

Во Флорида денеска стапи во сила забраната за повеќето абортуси по шест недели од бременоста, пред многу жени да знаат дека се бремени, а некои лекари се загрижени дека жените во државата повеќе нема да имаат пристап до здравствената заштита што им е потребна.

Докторката Леа Робертс, репродуктивен ендокринолог и специјалист за плодност во Бока Фертити во Бока Ратон, рече дека законите против абортусот донесени од Флорида и другите „црвени“ држави се напишани од луѓе кои не ја разбираат медицината.

Правилата не ги засегаат само жените кои сакаат да ја прекинат бременоста како личен избор, туку и проблематичните бремености за жените кои сакаат да имаат бебе, нагласи таа.

Американскиот претседател Џозеф Бајден пред една недела го обвини поранешниот претседател Доналд Трамп за новите ограничувања на правото на абортус во државата Флорида.

Да бидеме многу јасни, има само едно лице одговорно за овој кошмар. Тој се фали со тоа. Доналд Трамп, им рече Бајден на своите приврзаници во градот Тампа и истакна дека правото на абортус „треба да биде уставно право“.

- Не се работи за правата на (сојузните) држави, туку за правата на жените, рече Бајден и оцени дека Трамп „е загрижен дека гласачите ќе го сметаат за одговорен за суровоста и хаосот што ги создаде“.

На почетокот на претходниот месец, Врховниот суд на Флорида го одобри законот со кој се забранува абортус по првите шест недели од бременоста, период кога повеќето жени не се ни свесни дека се бремени.

Прашањето за абортусот е важно за претстојните избори на 5 ноември во САД, а демократите веруваат дека строгите ограничувања на тоа право во Флорида и Аризона ќе ги „свртат“ гласачите на Трамп кон Бајден.

На изборите во 2022 година Трамп освои 51,2 отсто во таа држава, а Бајден 47,9 отсто.

Шефицата на Демократската партија на Флорида, Ники Фрид изјави дека Бајден разбира дека победата во таа држава е малку веројатна, но дека вреди да се обиде.

The post Во Флорида стапи во сила забраната за абортус по шест недели бременост appeared first on Република.

Долниот дом на францускиот Парламент синоќа со огромно мнозинство гласови во прво читање ја прифати владината реформа, чија цел е да се вметне во Уставот „гарантираната слобода“ на жените да ја прекинат бременоста.

Одлуката беше поддржана од 493 пратеници, додека 30 беа против.

Министерот за правда Ерик Дупонд-Морети изјави дека сега е ред на францускиот Сенат да го усвои текстот.

За измената на Уставот да стапи на сила Сенатот, во кој доминираат десницата и центарот, треба да го усвои текстот таков каков што е, без измени, иако има несогласувања на мнозинската десница за некои формулации од реформата.

The post Францускиот парламент го изгласа правото на абортус appeared first on Република.

Поглаварот на Римокатоличката црква папата Франциск денеска во божиќната порака повика на прекин на војната во Газа и изнаоѓање трајно решение на конфликтот на Блискиот Исток, истовремено остро осудувајќи го абортусот.

Се залагам за крај на воените операции со нивната ужасна жетва на невини цивилни жртви и повикувам на решение за очајната хуманитарна ситуација со обезбедување хуманитарна помош. Нека има крај на поттикнувањето насилство и омраза. И нека се реши палестинското прашање преку искрен и истраен дијалог меѓу страните, поткрепен со силна политичка волја и поддршка од меѓународната заедница, рече папата во обаќањето од централниот балкон на базиликата „Свети Петар“ пред илјадници луѓе на плоштадот.

Папата повторно го осуди „одвратниот“ напад на Хамас врз Израел на 7 октомври, кој ја поттикна војната и го повика палестинското движење да ги ослободи еврејските заложници, истовремено барајќи од Израел да дозволи подобра помош во опколената Газа.

Божик оваа година се слави тивко во Светата земја поради војната во Газа меѓу Израел и исламистичкиот Хамас. Речиси нема туристи во Витлеем на Западниот Брег – според традицијата родното место на Исус Христос – и Ерусалим.

Тој рече дека се моли за Украина, Сирија, Јемен, либанскиот народ и за сите земји каде се одвиваат насилни конфликти и ги повика сите да му се придружат во молитвата за прекин на сите војни во светот. Изрази жалење за моќта на индустријата за оружје.

Човечкото срце е слабо и импулсивно, ако оружјето ни дојде при рака, порано или подоцна ќе го искористиме. И како вооопшто може да зборуваме за мир, кога постојано се зголемува производството, продажбата и трговијата со оружје?, забележа папата.

Продолжувајќи ја темата за војната, папата Франциск употреби моќни зборови за да го осуди абортусот. Поглаварот на 1,3 милијарди католици направи споредба меѓу абортусот и страдањето на децата во вооружени конфликти или како бегалци.

Колку невини се убиени во нашиот свет! Во утробите на нивните мајки, во одисеи преземени од очај и во потрага по надеж, во животите на сите оние малечки чие детство е уништено од војна“, рече 87-годишниот папа.

Тој рече дека децата кои умираат во војни, вклучително и во Газа, се „денешните мали Исуси“ и дека ужасно многу невини цивили загинале во израелските напади.

The post Папата се заложи за прекин на војната во Газа и го осуди абортусот appeared first on Република.

Во американската сојузна држава Мисисипи 13-годишно девојче родило момче откако било силувано од странец, затоа што не можело да абортира, објави Тајм.

Мајката на девојчето барала абортус за нејзината ќерка, но и било кажано дека најблиското место за абортус е Чикаго, кое било на повеќе од девет часа возење од нивниот дом во Кларксдејл, Мисисипи.

Мајката на девојчето рекла дека цената на абортусот во Чикаго е преголема, ако се земат предвид трошоците за патување, одморот од работа и дека таа немала средства да плати за сето тоа.

Тоа е само последен во низата слични случаи кои се појавија откако Врховниот суд на САД го укина правото на пристап до абортус во САД, објави „Гардијан“.

Од таа одлука на Врховниот суд, абортусот е ограничен во 14 американски држави, според Центарот за репродуктивни права.

Имало и случаи кога жените за малку ќе умреле бидејќи лекарите морале да чекаат додека животот не им биде загрозен за да направат абортус.

Се проценува дека 25 милиони жени на возраст меѓу 15 и 33 години живеат во американски држави со ограничени права за абортус.

Државата бара силувањето да се пријави во полиција за да се добие легален абортус.

The post Се породило13-годишно девојче, не можело да абортира appeared first on Република.

Парламентот на Малта едногласно усвои Закон за легализирање на абортусот, но само доколку постои ризик по здравјето на жената, што се смета за голем чекор за претежно римокатоличката нација.

Со тоа се олеснува најстрогиот закон за абортус во Европска Унија, но активистите ја повлекоа својата поддршка, тврдејќи дека промените во последен момент го прават законот „нејасен, нефункционален, па дури и опасен“.

Според одредбите на новиот Закон, на лекар му е дозволено да ја прекине бременоста без дополнителна консултација само доколку животот на мајката е во непосредна опасност. Жената чие здравје е во голема опасност може да добие пристап до абортус само по согласност на тројца специјалисти.

Илјадници Малтежани протестираа против Законот во декември минатата година. Владејачката Лабуристичка партија, која го поднесе првичниот предлог-закон, ги поддржа амандманите, додека опозицијата исто така излезе со поддршка по измените.

Коалицијата 14 групи за избор истакна дека барањето за тројца специјалисти е „неостварливо и опасно“ и предупреди дека дури и во случаи кога животот на жената е загрозен, „голема е веројатноста лекарите да бараат одобрение поради страв од кривично гонење“.

Малта е единствената од 27-те земји на ЕУ каде беше забранет абортусот од која било причина, пропишувајќи казна затвор од три до четири години ако и се помогне на жената да абортира. Законот ретко се спроведуваше, а последниот познат случај на некој да биде затворен датира од 1980 година. Сепак, претходно овој месец една жена беше обвинета според Законот против абортус, но не беше приведена.

The post Малта усвои закон со кој се легализира абортусот, само ако има ризик за здравјето на жената appeared first on Република.

Маж си убил девојка бидејќи дознал дека абортирала. Станува збор за Харолд Томпсон (22) од Тексас кој ја застрелал Габриела Гонзалес (26) на паркинг, откако не му успеал обидот да ја задави.

Убиената девојка во средата се сретнала со нејзиното момче на паркинг во Далас. Таа се вратила од Колорадо претходната вечер.

Се верува дека осомничениот бил татко на детето. Осомничениот не сакал (Гонзалес) да абортира, велат од полицијата. Има и снимки од надзорните камери од паркингот, пишува „Гардијан“.

На видеото се гледа како Томпсон вади пиштол и ѝ пука на девојката во глава. Гонзалес потоа паѓа на земја и Томпсон пука во неа уште неколку пати пред да побегне од местото на настанот. Тој беше уапсен подоцна истиот ден и се наоѓа во затвор во Далас без можност за кауција.

На местото на настанот била и сестрата на убиената, која слушнала пукање. Друг сведок видел дека Томпсон се обидува да ја задави Гонзалес, а таа не можела да повика полиција бидејќи немала мобилен телефон. Во моментот на убиството, Томпсон веќе се соочувал со обвинение за напад на член на семејството.

Тексас ги забрани абортусите по шест недели бременост во септември 2021 година.

Сепак, абортусите во Тексас се речиси целосно стопирани откако Врховниот суд на САД гласаше за поништување на Ро против Вејд, со што се легализираше абортусот на национално ниво. Споменатата одлука е донесена минатото лето, а после тоа абортуси во Тексас се прават само во случаи кога животот на трудницата е во опасност.

The post Си ја убил девојката зошто абортирала appeared first on Република.

Напрвиле абортус на една пациентка, го препишале на друга која воопшто не ни била бремена. Ова е новиот скандал во Охридската болница, а медицинското лице кое го направило делото се уште работи во болницата.

Медицинско лице врши интервенции на пациенти иако тоа не би смеело да врши лекарска дејност по пријавата од МВР според која таа на црно направила абортус врз пациентка.

Според МВР кривичната пријава за лицето од Охрид е за фалсификување на деловни книги.

„СВР Охрид поднесе кривична пријава против О.Ф.(60) од Охрид поради постоење основано сомнение за сторено кривично дело „фалсификување или уништување деловни книги“. Лицето, на 15.12.2022, во својство на доктор на едно одделение во општата болница во Охрид, извршило лекарска интервенција врз едно лице, по што интервенцијата ја завела со лични податоци од друго лице, а потоа со фалсификување на потписот од раководителот на одделението ја заверила интервенцијата“, стои во билтенот на СВР Охрид.

Се зборува за договор за илегален абортус за кој наводно пациентката ги дала за да добие илегален абортус. Но ваквите информации ги нема во информацијата за овој случај која МВР ја објавува

The post Скандал во охридската болница: Направиле абортус на една пациентка, и го препишале на друга appeared first on Република.

За четиринаесетгодишно девојче со пречки во развојот од Полска животот за неколку месеци се претворил во целосен пекол. Таа прво била силувана од нејзиниот вујко, а потоа било утврдено дека е бремена. И што е најлошо, лекарите во две болници одбиле да и направат абортус.

Иако 14-годишното девојче очигледно било жртва на сексуално малтретирање, лекарите категорично одбиле да и направат абортус, а не сакале ниту да и кажат каде може да изврши легален абортус, што е спротивно на законот, пишува „Дејли Мејл“.

Тетката на девојчето, која ја однела на лекар, вели дека кон неа се однесувале „брутално и нехумано“. Таа наведува дека дури им доставила и документација од обвинителот дека нејзината внука била силувана и дека абортусот ќе биде легален.

Ми рекоа дека тие нема да го извршат и дека не знаат каде може тоа да биде направено. Дрско ни рекоа да излеземе од нивната болница, вели тетката.

Таа потоа стапила во контакт со организацијата за репродуктивно здравје „Федера“, која и помогнала на младата девојка да замине во Варшава, каде што абортусот бил безбедно и успешно извршен.

Овој случај крена голема бура во полската јавност, бидејќи граѓаните на оваа земја со години се револтирани од законот за абортус, кој е на сила во нивната земја, а кој се смета за еден од најстрогите во светот.

Во Полска, прекинувањето на бременоста е легално само ако е резултат на кривично дело како што е силување или инцест или кога здравјето на жената е загрозено. Сепак, дури и тогаш, лекарите можат да одбијат да го извршат тоа од чисто етички причини.

Портпаролот на Министерството за здравство, Војчех Андрушевич, потврдил дека локалните болници не го почитуваат законот и дека е покрената истрага.

Ваков абортус или треба да се направи или да се определи место каде што може да се направи таков абортус, па затоа болницата постапила спротивно на законските одредби, вели Андрушевич.

Артур Плахта, гинеколог и член на Лекарската комора изјавил дека е револтиран од ваквото однесување на неговите колеги.

Се срамам од нив бидејќи не му помогнале на детето. Ова дете доживеа две трагедии: некој ја силувал, а тој некој е член на нејзиното семејство, а потоа лекарите не сакале да и помогнат, вели Плахта.

За овој случај се огласи и комесарот за права на пациентите, кој вели дека иако некои лекари можат да се повикаат на „клаузулата на совеста“ и да одбијат да направат абортус, целата болница не може да го направи тоа.

The post 14-годишна девојка била силувана од нејзиниот вујко и останала бремена: Лекарите одбиле да и направат абортус appeared first on Република.

Франција планира да го воведе правото на абортус во Уставот, 48 години откако абортусот беше декриминализиран во таа земја, а потоа и предвиден со закон.

Со тоа, Франција ќе стане првата земја што ќе го вклучи правото на абортус во својот Устав, што ќе испрати силен сигнал до жените ширум светот, рече активистката Албан Гајо, која се занимава со застапеност во планирањето на семејството.

Францускиот Парламент на крајот на ноември го усвои Предлог-законот за вклучување на правото на абортус во Уставот. Се очекува, Предлог-законот на 1 февруари да се најде во Сенатот.

The post Франција планира да го воведе правото на абортус во Уставот appeared first on Република.

Законот за забрана за абортус денеска стапи во сила во уште три американски држави. Со ова, дополнително се ограничува пристапот до абортус во САД, два месеца по одлуката на Врховниот суд да го прекине тоа право.

Како што пишува Вашингтон пост, сега на 21 милион жени им е забранет абортусот или пристапот им е значително ограничен во најмалку 13 држави.

Тенеси, Тексас и Ајдахо, каде на власт се републиканци, се придружија во низата држави што донесоа привремени забрани.

Одлуката предизвика политичка бура и го стави прашањето за абортусот во центарот на кампањата за среднорочните парламентарни избори, закажани за ноември.

The post И Тенеси, Тексас и Ајдахо го забранија абортусот appeared first on Република.

Претставничкиот дом на САД усвои два нацрт-закона насочени кон заштита на пристапот до абортус, како одговоро на одлуката на Врховниот суд, кој пресуди дека поединечните држави можат да ја забранат или ограничат постапката.

Сепак, нацрт-законите усвоени од Претставничкиот дом, што е под контрола на демократите, веројатно нема да поминат во Сенатот, каде што ќе бидат потребни 10 гласови на републиканците за усвојување на мерката.

Пред само три недели, Врховниот суд ги поништи основните права со отфрлање на „Ро против Вејд“. Тоа е причината зошто демократското мнозинство решително се залага за можноста за избор, за правата на жените. Ќе преземеме дополнителни чекори за одбрана на репродуктивната слобода на жените - порача претседателката на Демократскиот дом Ненси Пелоси, осврнувајќи се на историскиот случај кој го потврди правниот пристап до абортусот.

Првиот предлог-закон, „Законот за заштита на здравјето на жените“, усвоен само со поддршка на демократите, треба да го легализира абортусот низ САД.

The post Претставничкиот дом на САД усвои нацрт-закон за заштита на правото за абортус, се чека одговор од републиканците во Сенатот appeared first on Република.

Американскиот претседател Џо Бајден денеска нагласи дека во САД додека тој ги води, абортусот нема да биде забранет и потпиша извршна наредба за заштита на абортусот, пристап до абортус и контрацепција.

Бајден ја потпиша наредбата речиси две недели откако Врховниот суд ја укина пресудата Роу против Вејд од 1973 година, која го гарантираше уставното право на абортус во САД.

Одлуката на судот и овозможи на секоја американска држава сега сама да одлучи дали и под кои услови ќе дозволи абортуси.

Наредбата вклучува мерки за заштита на пристапот до лекови и контрацептивни средства за абортус, заштита од казнување за жените кои мора да патуваат од една американска држава во друга поради абортуси и чекори за заштита на приватноста.

Според наредбата на Бајден, државниот обвинител на САД и правниот советник на Белата куќа ќе се сретнат со приватни адвокати и организации од јавен интерес за да промовираат правно застапување за оние кои бараат или нудат услуги за репродуктивно здравје.

По одлуката на Врховниот суд, најмалку девет американски сојузни држави воведоа речиси целосна забрана за абортус. Единствен исклучок е опасност по животот на мајката.

The post Бајден: Се додека сум претседател во САД, абортусот нема да биде забранет appeared first on Република.

Шефот на Светската здравствена организација (СЗО) предупреди дека неодамнешната одлука на Врховниот суд на САД со која се укинува правото на абортус на федерално ниво ќе предизвика здравствени проблеми и смрт.

„Сите жени треба да имаат право да одлучуваат за своето тело и здравје. Тоа е поентата“,изјавил Тедрос Аданом Гебрејезус во Женева. „Безбедниот абортус се грижи за здравјето. Така се спасуваат животи. Ограничувањата ќе ги принуди жените и девојките да абортираат на небезбеден начин, што ќе предизвика компликации и смрт“, додаде тој.

Врховниот суд на САД во петокот ја укина одлуката која важеше 50 години, гарантирајќи го правото на абортус ширум САД. Судот со таа одлука го олесни усвојувањето на построги закони за абортус, вклучително и целосна забрана во сојузните држави.

Законите за забрана стапија на сила веднаш во некои држави. Во многу од нив, лекарите може да завршат во затвор поради абортус.

The post СЗО за забраната за абортус во САД: Ќе предизвика проблеми и смртни случаи appeared first on Република.

Суд во Луизијана, која е една од 13-те држави кои го забранија абортусот по одлуката на Врховниот суд на САД, одлучи привремено да ја запре примената на законот со кој ќе се забрани абортусот во таа сојузна држава. Спроведувањето на законот за забрана на абортусот е блокирано на 14 дена и во Јута. Барања за блокирање на законот се поднесени и во Флорида и Аризона, пишува „Гардијан“.

Случајот пред судијата во Њу Орлеанс го претставиле претставниците на клиниката „Хоуп Медикал Груп“, една од трите болници во Луизијана каде што се вршат абортуси.

Спроведувањето на законот е блокирано и во Јута. Таму Судот одлучил дека законот за забрана на абортусот нема да важи 14 дена за да се види дали има аргументи за оспорување на законот.
Абортусот во Јута е дозволен со закон во мал број случаи - поради силување, инцест или ако е загрозено здравјето на трудницата.

Судот во Флорида се очекува да донесе одлука во четврток, само еден ден пред да стапи на сила законот.

Главните обвинители од 21 држава и од округот Колумбија во заедничка порачаа рекоа дека „абортусот е дел од здравствената заштита“.

Како главни обвинители на нашите држави, со гордост велиме заедно дека нема да отстапиме во борбата за заштита на правата на бремените луѓе во нашите држави и низ целата земја - се вели во соопштението.

Од саботата, абортусот е забранет во 11 сојузни држави, а некои клиники за абортус веднаш по судската одлука ги откажале закажаните термини за жените и ја „паузирале“ нивната работа. Во текот на викендот низ САД се одржаа протести, а во знак на солидарност се одржаа собири и во Лондон и Берлин. Се собраа и поборниците за забрана на абортусот, а еден од поголемите контрапротести се одржа во Мајами.

Американскиот претседател Џо Бајден оцени дека по одлуката на американскиот Врховен суд дека здравјето и животот на Американките се во опасност.

Ова е тажен ден за судот и за државата - изјави Бајден во обраќањето во Белата куќа по пресудата, додавајќи дека таа ја враќа Америка 150 години назад.

Како што пишува „Гардијан“, се очекува дека 26 сојузни држави во САД дефинитивно ќе го забранат абортусот.

The post Суд во Луизијана го запре законот за забрана на абортусот, се очекува блокада во уште неколку сојузни држави appeared first on Република.

Одлуката на Врховниот суд на САД да ја укине уставната гаранција за правото на абортус ги зголеми стравувањата од можна остра промена надесно, а милиони Американци внимателно следат дали судот ќе укине нешто друго од она за кое тие веруваат дека им е уставно загарантирано право, кое им го обезбедиле претходните генерации, го пренесува „Радио Слободна Европа“ пишувањето на светските медиуми.

„Фајненшл тајмс“ пишува дека во пресудата на Врховниот суд на САД од 24 јуни, со која е поништено правото на абортус, дошло до скриена „експлозија“.

Во идните случаи треба да ги разгледаме сите материјални преседани на овој Суд во согласност со законот - напиша 74-годишниот конзервативен судија Кларенс Томас.

„Фајненшл Тајмс“ посочува дека со таа една фраза, судијата Томас предизвикал стравувања кај либералната Америка дека највисокиот суд во земјата ќе ги преврти преседаните со кои се воспоставени уставните права според слични принципи како во случајот Ро против Вејд.

Во весникот се наведува дека Томас навел три цели, додавајќи дека станува збор за пресуда од 1965 година со која е утврдено правото на контрацепција од 2003 година со која се разјаснува правото на сексуален однос со личност од ист пол и од 2015 година со која се гарантира пристапот кон истополови бракови.

Позицијата на судијата Томас ја зголеми можноста дека наскоро ќе се појават нови предизвици против правото на употреба на контрацепција и истополови бракови, иако многу конзервативци велат дека шансите Врховниот суд да ги преиспита општоприфатените одлуки за тие права се мали, пишува „Волстрит Џурнал“.

Можноста дека пресудата од 24 јуни ќе има многу поголема примена од самата забрана за абортус е централниот аргумент на тројцата либерално настроени судии во американскиот Врховен суд, посочува американскиот конзервативен весник, кој нагласува дека многу правни експерти сметаат дека Ро против Вејд е посебен случај.

Сара Паршал Пери, адвокатка од конзервативната фондација „Херитиџ“, која работеше во администрацијата на Доналд Трамп, изјави дека не гледа апетит меѓу другите конзервативци во Врховниот суд да ги преиспитаат правата кои станаа „поприфатени и вкоренети во американскиот живот отколку што некогаш бил Ро“.

Пери изјави дека укинувањето на Ро отсекогаш било посебен фокус на конзервативците бидејќи сметаат дека одлуката била лошо образложена и затоа што сметаат дека таа се однесува не само на правото на личноста што се согласила, туку и на правото на живот на фетусот.

Недостигот на јасен и конзистентен одговор кај огромното мнозинство конзервативни судии кои го контролираат Врховниот суд, предизвика страв кај левицата и страв дека одлуката за абортус може да биде само почеток на острата промена надесно за прашања директно поврзани со интимни личните избори, пишува „Њујорк тајмс“.

Во текот на неколку генерации, современиот суд постепено носеше одлуки дека постојат непишани уставни права кои се дел од 14-тиот амандман, кој ѝ забранува на владата неправедно да им одзема слободи на луѓето. Покрај прогласувањето на правото на абортус, судот ја укина присилната стерилизација и законите кои се мешаат во тоа со кого луѓето можат да изберат да живеат или да се омажат, заедно со декриминализацијата на контрацепцијата и истополовите врски.

Во остро, но немоќно заедничко несогласување околу најновата одлука на Врховниот суд за укинување на правото на абортус, тројца судии назначени од демократите веруваат дека одлуката од 24 јуни ќе го принуди Врховниот суд да продолжи да се занимава со жестоко спорни морални и филозофски прашања, наведувајќи десетина примери за нови прашања.

Тие вклучуваат прашања за тоа дали и кога државата мора да дозволи исклучоци за животот и здравјето на жената, што би значело таа пресуда за ин витро оплодување и управување со абортусот, дали државата може да забрани рекламирање на абортус надвор од државата или да им помогне на жените да ги избегнат амбулантските клиники и дали може да им забрани на жените да патуваат надвор од земјата или да примаат лекови за абортус испратени од аптеки надвор од земјата.

Бидејќи импликациите од одлуката на судот за абортус продолжуваат да одекнуваат во САД, многумина изразија загриженост дека таа нема само да го ограничи пристапот до абортус, туку може да означи пресвртница во укинување на низа други заштити – за расните и етничките малцинства, хомосексуалците и други, укажува „Вашингтон пост“.

The post Американците стравуваат дека укинувањето на абортусот ќе повлече загрозување и на други права appeared first on Република.

Одлуката на Врховниот суд на САД, кој пресуди дека во САД не постои уставно право на абортус, со што го смени преседанот направен пред речиси 50 години во познатата тужба Роу против Вејд е редок случај на поништување на одамна воспоставен закон, кој ќе ги разниша темелите на модерните репродуктивни права во Америка, пишува Гардијан.

Атмосферата во САД дополнително се запали од одлуката на американскиот Врховен суд, а потоа и од писмото на судијата и адвокатот Кларенс Томас за предлогот на новиот закон со кој ќе се разгледува прашањето за контрацепција и нејзината потенцијална забрана, како и истополовите врски и бракови.

Голем број холивудски ѕвезди и влијателни жени се огласија за новиот, драконски закон, а медиумите потсетија и на изјавите на познатите личности од минатото за оваа тема.

Така, пред неколку месеци, Ума Турман објави трогателен есеј во „Вашингтон пост“, во кој призна дека абортирала како тинејџерка, нарекувајќи го тој чин својата најмрачна тајна. Актерката го објави текстот за да го критикува законот за абортус кој тогаш беше донесен во Тексас.

Есејот на Ума Турман го пренесваме во целост.

„Го следев текот на радикалниот закон против абортусот во Тексас со голема тага и нешто како ужас. Сега, надевајќи се дека ќе го извлечам пламенот на контроверзноста од ранливите жени кои веднаш ќе бидат погодени од овој закон, го споделувам моето искуство. Можеби не ве интересира мислењето на актерката, но со оглед на овој срамен потег, чувствувам дека е моја одговорност да се залагам за жените.

Актерската кариера ја почнав на 15 години, работејќи во средина каде често бев единственото дете во собата. Во доцните тинејџерски години, случајно забременив со многу постар маж. Живеев во Европа, далеку од семејството и се подготвував да ја почнам кариерата. Се борев со различни мисли што да правам. Сакав да го задржам бебето, но како?

Се јавив на моето семејство. Мајка ми беше тешко болна и хоспитализирана. Татко ми отиде кај неа да разговара за опциите што ги имам. Никогаш порано не сме зборувале за секс; ова беше прв пат и беше страшно за сите нас. Ме прашаа за статусот на мојата врска - не беше одржлива - и ме предупредија колку е тешко да одгледам бебе самостојно како тинејџер. Мојата детска фантазија за мајчинството беше потресена додека одговарав на нивните многу прецизни прашања.

Само што ја почнував кариерата и немав средства да обезбедам стабилен дом, ниту за себе. Како семејство решивме дека не можам да поминам бременост и се договоривме дека абортусот е вистинскиот избор. Сепак, моето срце беше скршено.

Еден постара пријателка од Германија се понуди да ми помогне. Ми беше дадена локална анестезија во нејзината лекарска ординација во Келн и абортирав.

Прстите ми беа цврсто свиткани на градите, а кога процедурата заврши, докторот ме погледна и ми рече: „Имаш убави раце, ме потсетуваш на ќерка ми“. Тој еден гест на хуманост е втиснат во мојот ум како еден од најсочувствителните моменти што сум ги доживеал. Во неговите очи јас бев личност, бев ќерка, сè уште бев девојче.

Има толку многу болка во оваа приказна. Тоа беше мојата најмрачна тајна досега. Имам 51 година и тоа го споделувам со вас од домот во кој одгледав три деца кои се моја гордост и радост. Мојот живот беше извонреден, понекогаш исполнет со скршени срца, загуба, предизвици и страв - исто како и животите на многу други жени - но исто така обележан со храброст и сочувство. Моите прекрасни, магични деца ги зачнав со мажи кои ги сакав и им верував доволно за да се осмелам да донесам дете на овој свет.

Не жалам за патувањето што го направив. Ги поздравувам и поддржувам жените кои прават различни избори. Абортусот што го имав како тинејџер беше најтешката одлука во мојот живот, онаа која тогаш ме мачеше, а денес ме растажува, но тоа беше патот до живот полн со радост и љубов што го доживеав. Одлуката да не ја задржам таа бременост ми овозможи да пораснам и да станам мајка каква што сакав и требаше да бидам.

Немам што да добијам од оваа вистина, а можеби имам многу да изгубам. Сепак, се надевам дека малку светлина ќе блесне, ќе допре до жените и девојките кои би можеле да почувствуваат срам од кој не можат да се заштитат. Ве уверувам дека никој намерно не се наоѓа во таа ситуација.

Овој закон е уште една дискриминаторска алатка кон оние кои се економски обесправени, а често и кон нивните партнери. Жените и децата од богатите семејства ги задржуваат сите избори во светот и се соочуваат со мал ризик.

На сите вас - жени и девојки кои сте огорчени што државата ги презеде правата врз нашите тела и на сите вас кои сте ранливи и подложни на срам затоа што имате матка, велам: се гледаме. Имај храброст. Ти си убава. Ме потсетуваш на моите ќерки".

The post Имав 15 години кога абортирав и никогаш не се покајав: Отворено писмо на познатата актерка кое го трогна целиот свет appeared first on Република.

Група пратеници од партијата на францускиот претседател ќе предложат закон за регистрација на правото на абортус во Уставот на земјата, се наведува во соопштението на двајца пратеници. Овој потег уследи откако Врховниот суд на САД ја укина пресудата стара 50 години и им ја одзеде уставната заштита на жените за абортус.

Правото на абортус во Франција е веќе вградено во законот од 1975 година кој се однесува на доброволниот абортус во правната рамка што го декриминализираше абортусот.

Уставниот закон ќе ги зајакне правата на абортус за идните генерации, изјави Мари-Пјер Риксаин, пратеник во парламентот и Републиканската партија во движењето на Емануел Макрон.

Она што се случи на друго место не смее да се случи во Франција - рече Риксаин.

Нацрт-законот ќе содржи одредба со која „ќе се спречи лице да биде лишено од правото доброволно да ја прекине бременост“, се вели во соопштението објавено од двајца членови на Националното собрание, најмоќниот дом во францускиот парламент.

Орора Берге, лидер на партиската група на Макрон во парламентот, рече дека одлуката на Врховниот суд на САД за укинување на правата за абортус е „катастрофална за жените ширум светот“.

Мораме денеска да преземеме чекори во Франција за утре да немаме поништување на постоечките закони, изјави Берже за јавното радио Франс Интер.

Партијата на Макрон и неговата центристичка алијанса имаат најмногу места во Националното собрание, иако загубија мнозинство на парламентарните избори во неделата, бидејќи гласачите се определија за екстремно десничарски и екстремно леви партии.

Се очекува пратениците од двете страни на политичкиот спектар да ја оспорат домашната агенда на Макрон, како што е неговата контроверзна пензиска реформа.

Во длабоко поларизирана политичка клима, Берже рече дека француските пратеници не треба да преземаат ризици за основните права дури и ако тие се веќе пропишани со закон.

The post Додека некаде се забранува абортусот, Франција во вметнува во уставот appeared first on Република.

Пресудата на Врховниот суд во САД со која се поништи правото на абортус предизвика протести во повеќе американски држави.

Стотици луѓе излегоа на улиците во Њујорк, а протести имаше и на Унион Сквер и Вашингтон Сквер, Бостон, Мајами Лос Анџелес, Тексас, Аризона.

https://www.youtube.com/watch?v=1hvUrn83N5o&feature=emb_title

Американскиот претседател Џо Бајден претходно оцени дека одлуката им го одзема правото на жените самите да одлучуваат за своето здравје и живот.

Ова е тажен ден за судот и за нашата земја. Тројцата судии назначени од Трамп беа во срцето на одлукаta да се смени рамнотежата на правдата и да се отстранат основните права на жените во оваа земја. Оваа одлука е кулминација на една екстремна идеологија - изјави Бајден.

Тој повика протестите да бидат мирни и луѓето да се воздржат од насилство.

Бајден додаде дека очекува гласачите на ноемвриските избори да гласаат за кандидати кои ќе се борат да го вратат правото на абортус.

The post Масовни протести во САД против забраната на абортус appeared first on Република.