Висока победа на Охрид над Алкалоид

 Ракометарите на Охрид го добија дербито против Алкалоид со 26:24, а првакот Вардар со победата над Струга на гости со 33:24 е единствениот тим со максимален ефект по 6.коло во ракометната Супер лига. Дербито во Охрид донесе неизвесен натпревар,а домашниот тим заслужено стигна до победата бидејќи во најголемиот дел од дуелот имаше предност. На почетокот на вториот дел таа изнесуваше и +6 (19:13 и 20:14), а избраниците на Кирил Лазаров не успеаја да се доближат резултатски. Најефикасен кај победникот беше Доминик Мате, а кај Алкалоид Никола Костески двајцата со по 6 голови.

На другите дуели имаше неизвесност. Младост испушти шанса за победата против Еурофарм Пелистер 2 и дуелот во Богданци заврши 30:30, додека во Кавадарци гостите Мулти Есенс не го реализираа последниот шут за минимална победа на Тиквеш 27:26, додека Прилеп како гостин го совлада Бутел со 29:27.