Maдона роденденот го прослави во Грција

Светската поп ѕвезда Мадона, 68-от роденден го прослави во Грција, ги посети Метеора и островите Крф и Патмос, а на социјалните мрежи со нејзините фанови сподели фотографии, но и видео од прославата, кое пак го презеде и грчкиот премер Кирјакос Мицотакис ѝ и го честиташе роденденот, јави дописничката на МИА од Атина.

– Роденден ми е. Сите станете и танцувајте, напиша Мадона за видеото придружено со истоимената нејзина песна.

Во објавата што ја сподели на Инстаграм, танцува со семејството и пријателите на Крф и на јахта, дува свеќички на роденденската торта, а во видеото има и делови од нејзината посета на Метеора.