Вечерва, Силјан полета од Скопје и неговиот лет допрва ќе се памети, вели Љутков

„Приказната за Силјан“ на Тамара Котевска вечерва ја доживеа својата премиера во Скопје, отворајќи едно тивко, но длабоко емотивно филмско патување, напиша на својот фејсбук профил министерот за култура и туризам Зоран Љутков.

Ова е моќна македонска приказна за човекот и штркот Силјан, раскажана со исклучителна чувствителност, суптилност и визуелна убавина.

Филм што својата светска авантура ја започна во Венеција, каде освои престижна награда, а потоа продолжи да ги освојува фестивалите ширум светот и беше откупен од National Geographic Documentary Films.

Вечерва, Силјан полета од Скопје и неговиот лет допрва ќе се памети.