Македонски
Вчера вечер беше прикажано последното дело на Габриеле Мучино, снимено според романот Siracusa од Делија Ефрон. Помеѓу моменти на иронија, растечка наративна тензија и трилер елементи, бројната публика со големо внимание ја следеше приказната сè до изненадувачкиот и вознемирувачки крај.
Вечерва на програмата е ,,Ана” (2025 година), филм во кој главната улога, режијата и сценариото го потпишува Моника Гуериторе, во нејзиното режисерско деби, кое токму вчера ѝ донесе специјално признание на филмските награди „Nastri d’Argento“ за оваа година.
Делото го носи на големото платно животот и кариерата на незаборавната Ана Мањани, првата италијанска актерка што се закити со Оскар и симболична фигура на италијанската кинематографија во светот.
Не пропуштајте ја четвртата филмска вечер на Неделата на италијанскиот филм!
Кинотека на Република Македонија – Скопје
20:00
