Македонски
ДЕНОВИ НА ЈАПОНСКИ ФИЛМ
14 НОЕМВРИ (ПЕТОК) 19:00 ч.
НИКО ОД РИБАРСКОТО ПРИСТАНИШТЕ
(Fortune Favors Lady Nikuko/ Gyoko no Nikuko-chan)
Анимиран филм, Јапонија
2021, 97 мин. Колор, ДЦП
Режија: Ајуми Ватанабе (Ayumu Watanabe)
Сценарио: Канако Ниши, Сатоми Ошима (Kanako Nishi, Satomi Ôshima)
Улоги: Шинобу Отаке, Кокоми, Нацуки Ханаи (Shinobu Otake, Cocomi, Natsuki Hanae)
„Нико од рибарското пристаниште“ (2021) е анимиран филм од Ајуму Ватанабе, адаптација на истоимениот роман од Канака Ниси од 2014 година. Премиерата ја имаше во 2021, собирајќи култ статус меѓу обожавателите на slice-of-life аниме.
Филмот нè носи во малото пристаниште каде следиме едно необично семејство од мајка и ќерка кои го живеат својот живот до максимум. Нико е самохрана мајка, која работи во локална крчма и живее на брод со нејзината 11-годишна ќерка Кикуко. Нико е ексцентрична личност, полна со живот. Лежерна, весела, гласна и секогаш подготвена да јаде нешто вкусно. Додека ќерка ѝ Кикуко, напротив, е интровертнo девојче кое влегува во пубертет и сe труди да се вклопи во училиштето, срамејќи се од мајчината ексцентричност. Ватанабе ја раскажува приказната низ очи на Кикуко, со нејзини фантазии каде што обични предмети (како цикади или порти) добиваат глас, коментирајќи ја нејзината внатрешна борба.
Оваа анимација на познатото јапонско студио за анимација Studio 4°C е раскошно визуелно доживување. Анимацијата комбинира едноставни, карикатурални ликови со детални, реалистични позадини на морето и пристаништето, создавајќи носталгично чувство на место и време.
Ајуму Ватанабе (Ayumu Watanabe), Јапонија, е искусен аниматор и режисер чиј пат кон филмската сцена започнал во раните 90-ти, работејќи како асистент на легендарни студија како Продакшн ИГ/Production I.G и Студио 4°C/ Studio 4°C. Дипломира на престижниот оддел за анимација на Универзитетот за уметност во Токио, каде што гради репутација на мајстор за динамични, емоционално набиени анимации. Ватанабе е познат по мешавината од реализам и магичен реализам, често со фокус на теми како растење, семејни врски и природа, инспириран од стилот на Studio Ghibli, но со модерен, енергичен пристап. Паралелно со филмовите, тој режира и ТВ-серии како „Летно прикажување“/Summertime Rendering (2022) и „Коми не може да комуницира“/Komi Can’t Communicate (2021). Ватанабе е еден од новите имиња на јапонската анимација, со репутација на режисер што ги слави човечките слабости преку визуелна поезија.
