Трендот во големите градови и културата е рециклирање и рекреирање веќе на постојното. Колку понапредни општествата, толку повеќе се рециклира, се води сметка за животната околина и сè погласна и популарна е second hand модата.

Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.

Оваа сабота (11 мај) во „Јавна соба“, под слоганот „Second hand е подобро од ново“, почнува базарот, каде што посетителите може да си набават добро сочувано парче гардероба, чевли, накит, книга или можеби некоја играчка. Ќе има многубројни штандови со разноразни парчиња, кои дефинитивно заслужуваат втора шанса.

И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:

– заштеда на пари;

– помагање на животната средина и зачувување на природните ресурси;

– поддржувате локален и мал бизнис;

– развивате уникатен стил;

– имате чувство како да сте во потрага по богатство.

The post Базар на „second hand“облека, накит, книги и детски играчки во Јавна соба appeared first on Република.

Веројатно ви се случило еднаш шминката што ја ставате на лицето наутро да „исчезне“ или целосно да се размачка по неколку часа. Целиот напор што го вложувате за да изгледате совршено се брише и на крајот изгледате како да не сте направиле ништо.

1. Направете пилинг на вашата кожа

Нежно отстранете ги мртвите клетки од кожата на лицето со помош на ракавица или некоја друга мека крпа и препарат за пилинг.

2. Потоа нанесете хидратантна крема

За да не се најдете во ситуација кожата да ви се лупи заедно со пудрата, но и доволно да ја нахраните по лупењето – намачкајте ја со хидратантна крема која има лесна формула – дури и ако имате мрсна кожа. Откако ќе ја нанесете кремата, почекајте неколку минути кожата целосно да ја впие.

3. Прајмер

Ако сакате вашата шминка навистина да трае долго, тогаш треба да користите прајмер. Прајмерот ќе ја додаде функцијата на заштитна бариера на пудрата, па кога вашата кожа ќе стане сува или мрсна во текот на денот, нема да дозволи се да се „растопи“.

4. Проверете ја пудрата

Формулите без масла траат подолго кога се нанесуваат на лицето, но ако лицето ви е суво, најдобро е да користите подлога која има навлажнувачки својства. Затоа, секогаш избирајте течна или кремаста подлога за да избегнете дамки.

5. Користете две руменила

Оваа техника се нарекува „сендвич“ – кога нанесувате крем руменило пред и руменило во прав после нанесување пудра. На овој начин ќе ја задржите бојата на своето место во текот на целиот ден. Најдобро е да користите едно руменило во портокалова нијанса, а друго во розова за да создадете ефект на природно руменило.

6. Нанесете кармин во слоеви

За усни кои сè уште ќе имаат боја после пиење кафе, треба да се изгради еднобојна боја во слоеви. За ова ќе ви треба пуштена пудра, кармин и молив во слична боја. Најпрво нанесете малку пудра во камен преку усните, а потоа врамете ги надворешните линии на усните со молив. Исто така со моливот пополнете ги сите усни, а потоа нанесете кармин на самиот крај.

7. Ставете ја сенката преку моливот за очи

Со цел совршено исцртаната линија на вашите очни капаци да трае цел ден, ставете малку сенка над неа за да го поправите ајлајнерот.

8. Користете водоотпорна маскара

Ова е најдобриот начин да избегнете „ракунски очи“ поради отстранување на маскарата. Ако водоотпорната маскара премногу ви ги суши трепките, нанесете ја како последен премин, над класичната маскара што вообичаено ја користите.

9. Поправете ја шминката

Шминката секогаш поправајте ја на крајот – со спреј за дотерување или пудра во пудра. Ова ќе создаде бариера помеѓу основната пудра и надворешните влијанија, па главниот дел од шминката ќе трае подолго на вашето лице.

10. Не допирајте го лицето со рацете

Веројатно тоа го правите несвесно, но во текот на денот сигурно го допирате вашето лице од различни причини. Но, допирањето на лицето може да го отстрани поголемиот дел од шминката и да го уништи вашиот изглед. Фокусирајте се малку на вашите движења и контролирајте ги рацете.

The post Со овие совети шминката подолго ќе остане на вашето лице appeared first on Република.

Доколку одите на маникир, тогаш треба да ги пробате следните нијанси на бои за нокти.

Боја на лаванда

Пастелните тонови се синоним за пролетта, но доколку барате нешто помалку невообичаено, тогаш бојата на лаванда е вистинскиот избор. За да се осигурате дека вашите бледи нијанси ги истакнуваат ноктите, започнете со бел базен слој, а потоа додадете лак во боја на лаванда.

Бела боја

Доколку вашата пролетна гардероба е шарена, тогаш белиот лак за нокти е одлично решение кое ќе се вклопи во неа. Без оглед на тоа дали сте се одлучиле за ладен тон или кремаста бела боја, за минималистички впечаток ноктите треба да ви бидат кратки.

Nude

За сите кои не сакаат да ги истакнат ноктите на ножните прсти, одлична опција се nude лаковите со кои тие ќе изгледаат блескаво здраво. Со оваа класична нијанса никогаш не може да погрешите, а доколку барате минималистички педикир, размислете за nude боја со млечен тон или непроѕирна неутрална нијанса.

The post Најдобриот избор за боја за нокти пролетва се бледите, пастелни бои appeared first on Република.

Американската поп-ѕвезда Тејлор Свифт, која моментно урива рекорди со новиот албум насловен „The Tortured Poets Department“, облече креација на македонски дизајнер.

https://www.youtube.com/watch?v=q3zqJs7JUCQ&embeds_referring_euri=https%3A%2F%2Fnezavisen.mk%2F&source_ve_path=OTY3MTQ&feature=emb_imp_woyt

Имено, на видеото за песната „Fortnight“, која ја изведува во дует со рапeрот Пост Малоун – видео кое урива рекорди во гледаност – во неколку сцени Свифт се појавува во бел, екстравагантен фустан. Фустанот е со потпис на австралискиот дизајнер со македонско потекло Тони Матичевски.

Тимот на Матичевски за Дејли меил потврди дека Свифт е првата која го облекла ова модно парче од 6.200 долари и дека нејзините стилисти стапиле во контакт со него уште пред доделувањето на годинашните музички награди Греми, кога таа го најави нејзиниот нов студиски албум.

Фустанот во боја на бисер има „скулптурална силуета“, аголно деколте и збир е на вештачки збрчкан материјал на колкот за да го открие бутот.

The post Македонскиот дизајнер Тони Матичевски ја облече Тејлор Свифт appeared first on Република.

Постојат различни диети кои гарантираат губење на тежината. Сепак, треба да се напомене дека практикувањето на одредени диети не е здраво, а дека корекција на исхраната со додавање на физичка активност е најздравата опција.

Сепак, за оние кои сакаат инстантно да ослабат или барем да изгледаат послаби во одредена прилика, постои „брза диета“. Имено, брзата диета се практикува еден ден, а најмногу 3.

Ја користеле дамите кои сакале брзо да ослабат за некоја посебна пригода, а трикот е да се јаде храна со малку влакна, кои желудникот брзо ги вари. На овој начин се губат масните клетки, но се намалува и надуеноста, што прави веднаш да изгледаме послаби.

„Целосно е можно да се израмни желудникот за 24 часа. Мојата исхрана веќе им помогна на бројни актерки и манекенки, а девојките ја користат пред, да речеме, првиот состанок“, вели Моника Гренел, авторка на модерната верзија на оваа диета.

Ова се златните правила:

Јадете помали оброци, но на секои три часа, дури и ако тоа е само една чаша јогурт или млеко.

Не џвакајте гуми за џвакање и не зборувајте додека јадете. Ако пушите, исфрлете ги цигарите тој ден. Проголтаниот воздух е најголемиот виновник за надуеност.

Избегнувајте газирани пијалоци, но и секој газиран пијалок, тука спаѓа дури и кафето со пена, капучино или било што друго што содржи пена!

Држете се строго до менито. Само залак недозволена храна, како што се грицки, парче леб, па дури и грст бадеми или ореви, ќе ги уништи резултатите.

Важно е да пиете многу течности, но не „преоптоварувајте“, пијте во мали голтки. Течностите вклучуваат вода, кафе и кафе со млеко.

Мени:

Појадок: малку јогурт, кајгана од две јајца или мала чинија урда.

Ужина: Мала чаша јогурт.

Ручек: Конзерва исцедена туна со младо сирење или 40 грама чаден лосос со малку младо сирење.

Три часа по ручекот: Кафе со млеко.

Вечера: Или една од опциите за ручек или омлет од две јајца со две лажици свежо сирење.

Ужина, само во случај да сте многу гладни, испијте чаша топло млеко. Ќе ви го „среди“ стомакот и ќе ви помогне да заспиете.

Извор: Убавина и здравје

The post Диета која ги чисти цревата, за еден ден до рамен стомак со вкусни намирници appeared first on Република.

Познатиот моден креатор Роберто Кавали почина на 12 април во својот дом во Фиренца, по долго боледување, на 83-годишна возраст. Во неговиот живот се издвојуваат трите најголеми љубовни врски кои му донеле шест деца.

Роберто Кавали имаше две деца со својата прва сопруга Силванела Џанони, во бракот што траеше од 1964 до 1974 година. Поранешната студентка по уметност во Фиренца се забавувала со дизајнерот четири години пред да се венчаат.

Првиот брак на Роберт Кавали му ја даде ќерката Кристина Кавали, која со години беше на чело на семејната модна империја, а потоа во 2021 година, за време на пандемијата на Ковид, таа го лансираше брендот за накит „Krimrose“, кој носи трогателна порака за повторно раѓање. издржливост и женска сила.

Минатата година почнала да соработува со шпанско-француската дизајнерка Марија Де Ла Орден, пишува „фешн нетворк.ком“.

 

View this post on Instagram

 

A post shared by Cristiana Cavalli (@cristiana.cavalli)

Повеќето од децата на Роберто Кавали се занимаваат со мода.

Братот на Кристина, Томасо Кавали е косопственик на винаријата Тенута Дегли Деи, која ја делеше со својот татко.

Тој го трансформираше винскиот имот што го купи дизајнерот, кој се простира на пет хектари во регионот на Тоскана. Таму се одгледуваат француски сорти грозје.

Томазо има две страсти - одгледување коњи за натпревари и производство на вино.

Роберто Кавали имаше три деца Рејчел, Робин и Даниел Кавали со неговата втора сопруга Ева Марија Кавали.

Даниел Кавали

Тој беше креативен директор на модниот бренд Кавали, задолжен за колекциите на машка облека, а компанијата ја напушти во 2011 година, пишува „WWD“.

 

View this post on Instagram

 

A post shared by DANIELE CAVALLI (@danielecavalli)

Со оваа фотографија тој му го честиташе 80-от роденден на својот татко во 2020 година:

 

View this post on Instagram

 

A post shared by DANIELE CAVALLI (@danielecavalli)

Робин Кавали

Најмладиот син на Роберто Кавали дипломирал на Меѓународното училиште АЦС во Сари. Се занимава со моден дизајн, а како наследник на едно од највлијателните модни семејства ја претстави првата колекција облека Triple RRR во родната Фиренца во 2018 година.

Рејчел Кавали

Ќерката Рејчел е моден дизајнер, на Инстаграм истакнува дека е наследничка на Роберт и Ева Кавалија. Како и да е во брак со „лудак“ со кој има три девојчиња.

 

View this post on Instagram

 

A post shared by Rachele Cavalli (@rachelecavalli)

Бракот на Ева и Роберто Кавали траеше од 1980 до 2010 година. Роберто Кавали доби ќерка со својата партнерка Сандра Нилсон во 2023 година.

The post Што знае јавноста за децата на познатиот Кавали: Ги има шест, а со години „се кријат“ од медиумите appeared first on Република.

Глобалното движење Fashion Revolution (Модна револуција) годинава одбележува 10 години активизам и залагање за етичка, одржлива и фер модна индустрија за сите. Во текот на Неделата на модната револуција што годинава ќе се одржи од 15 до 24 април, тимот на Fashion Revolution Macedonia како огранок на глобалното движење, организира неколку настани во Скопје со што градот станува дел од глобалната акција за одржлива мода.

-Овој 20 април станете модни револуционери со тимот на Fashion Revolution Macedonia. Организираме размена на облека во Бафо! Изберете ТРИ парчиња од вашиот гардеробер кои веќе не ги носите, а се во нослива состојба, и донесете ги да ги размените, чисти и уредни. Ве охрабруваме на секое парче што ќе го донесете за размена да ставите етикета со кратка приказна за тоа парче, кој е најдобриот начин за негово одржување и зошто го сакате. Овојпат ќе разменуваме само облека, па ако имате обувки, чанти и модни додатоци чувајте ги за следната размена која можете да ја организирате и самите, најавуваат организаторите.

Паралелно со размената на облека во Бафо, ќе се одвива Работилницата - Mend in Public Day со еко пријателите од Театар Сенки и Облаци, за која е отворен повикот за пријавување , а на која посетителите ќе можат да ги совладаат основните техники за поправка на облека од искусни шивачи.

На тема одржлива мода на 16 и 17 април во Europe House во Скопје ќе се одржи и дводневната ревија на моден филм.

-Горливите теми во модната индустрија, кои се движат од експлоатација на работници до деградација на животната средина, претставуваат застрашувачки етички и одржлив предизвик. Сепак, филмот нуди моќна алатка за анализа на овие сложености и поттикнување на акција. Ве покануваме на дводневната ревија на моден филм што ќе се одржи на 16 и 17 април во удобниот простор на нашите еко пријатели Europe House во Скопје. Покануваме претставници на медиумите, студенти, ученици активисти, инсајдери во индустријата и секој кој сака да дознае нешто повеќе за одржливата мода да ни се придружи на проекциите, велат организаторите.

The post Скопје дел од глобалното одбележување на 10 години „Модна револуција“ appeared first on Република.

Мис Венецуела, Вилевис Брито (24), почина откако беше подложена на естетска корекција на лицето во болница во Каракас.

Како што пренесуваат странските медиуми, младата девојка починала откако и биле направени естетски корекции на усните и вилицата. Таа се чувствувала добро по операцијата, но за жал, нејзината здравствена состојба се влошила.

 

View this post on Instagram

 

A post shared by Wilevis Brito (@wilevis_brito)

Мојата сестра не направи микрофацијална операција поради убавина, туку поради нејзиното здравје, рекол нејзиниот брат.

Поради последици од анестезијата, убавицата доживеала срцев удар.

Во 2021 година, Брито се натпреваруваше за Мис Венецуела, а изборот за убавина се одржа во Буенос Аирес.

 

View this post on Instagram

 

A post shared by Wilevis Brito (@wilevis_brito)

The post Почина Мис Венецуела поради компликации по естетски зафат appeared first on Република.

Претседателот Александар Вучиќ најави дека  Србија има добри јавни финансии и  го подобрила својот рејтинг и дека сега е на чекор од добивање рејтинг за инвестиции.

Објави дека Луј Витон доаѓа во Србија во тргвскиот центар „Галерија“.

- Верувам дека тоа ќе го имаме во главниот град за две години - рече Вучиќ

The post Добра вест за сите инфлуенсерки: Луј Витон доаѓа во Белград appeared first on Република.

Овогодинешниот натпревар „Мис Универзум“ во Мексико ќе го одбележи пристигнувањето на над 90 жени од целиот свет, а меѓу нив за првпат ќе биде и натпреварувачката од Саудиска Арабија, Руми Алкатани.

Оваа вест предизвика глемо внимание ширум светот, особено затоа што организаторите отстапија од своите строги правила и ѝ дозволија на натпреварувачката да се пофали со својата убава коса.

За време на натпреварувањето во категориите вечерни фустани, костими за капење и личност, натпреварувачите минуваат низ интензивни проби и подготовки.

Со очекуваните мисици од Бахреин, Египет и Либан, Руми Алкатани пристигна како најновата арапска претставничка, претставувајќи ја својата саудиска кралска елеганција.

Руми Алкатани се истакнува како жена со богати таленти, фасцинации и идеи.

Иако нејзиното неодамнешно достигнување како прва Мис Саудиска Арабија создава историја, таа веќе постигна импресивна низа успеси.

Оваа 27-годишна девојка, таа ја претставуваше Саудиска Арабија на меѓународни натпревари како што се Мис Арапски мир, Мис Азија и Мис на Европа.

Сепак, Руми не е само убаво лице. Таа има диплома по стоматологија и јасно си го трасира својот пат.

Нејзината посветеност кон културата и уметноста е испреплетена со нејзината љубов кон науката. Покрај нејзината експертиза во орална медицина, таа течно зборува и три јазици - арапски, англиски и француски.

Со титулата „Мис планет“ Саудиска Арабија, Руми недвосмислено ја истакна својата посветеност на напорите за животната средина. Преку учество во проекти за пошумување, таа го крева својот „зелен палец“ и го користи за садење дрвја и обезбедување ресурси за помалку развиените заедници.

Иако нејзините професионални должности бараат патување, Руми ја презема улогата на граѓанин на светот, отворајќи се себеси за различните култури и обичаи на другите земји.

Со својот изглед, таа истовремено ја промовира љубовта на Саудиска Арабија кон гламурот, што јасно се гледа во секој аспект од нејзиниот стил и изглед.

The post Саудиска Арабија за првпат на избор за Мис на светот – убавица без хиџаб appeared first on Република.

Во сабота, 6 април во изложбениот салон и заедница на македонски дизајнери и знаетчии „Лаб дизајн маркет“ во 12 часот напладне ќе започне промоцијата на новите дизајнери кои ќе се приклучат на досегашната понуда на современи дизајнерски и занаетчиски производи.

„Лаб дизајн маркет“ е изложбен салон, кој се отвори неодамна во центарот „Лабораториум“ што се наоѓа на булевар „Св. Климент Охридски“ број 68, односно во индустриската хала на печатницата „Нова Македонија“. Маркетот како новитет за прв пат ги поставува на исто рамниште занаетчиските и дизајнерските производи, создавајќи несекојдневен микс од разнородни креативни изрази и нуди приказ во работата на дваесетина учесници и со тоа укажува на една нова современа форма на традиционалните македонски занаети.

Покрај современиот филигран, ќе најдете нови трансформации на нашите занаети како ќустеците од мониста, познатата во светот „Македонска мушичка“ преточена во накит, облека од природни материјали со фокус на еколошко производство и заштита на животната средина, производи за домот од дрво, рачно изработени чевли, чанти од рафија итн.

The post Промоција на нови дизајнери на „Лаб дизајн маркет“ appeared first on Република.

Македонската дизајнерка ги прослави петнаесетте години присуство на домашната сцена со драматичниот спектакл „Viva La Drama“, кој се одржа синоќа во трговскиот центар Diamond Mall.

The post Ивана Кнез со тајна вечера го отвори Скопски моден фестивал appeared first on Република.

Пролетното 28. издание на Fashion Weekend Skopje (FWSK) кое минатиот викенд се одржа во трговскиот центар „Ист Гејт“ претставуваше спој на одржливоста и стилот.

Меѓу најголемите трендови надвор од модните писти, кој модните ентузијасти брзо го прифатија е познатиот „streetwear“ и  „streetstyle“ стил. Се работи за феномен што со сигурност сè повеќе доминира и надвор од модните писти.

Хајлајт настан на годинашниот Моден викенд Скопје беше ревијата „DISCIPLINA - Powered by IQOS“ на дизајнерката Ивана Давидовиќ, што претставуваше редефинирање на уличната облека со цел. Завршниот чин на претпоследната вечер на FWSK ја презентираше колаборацијата преку која  боите на IQOS ILUMA заживеаја на модната писта, преку софистицирана streetwear колекција, која ги отсликува двата бренда.

Ревијата поттикната од партнерството со IQOS, смарт партнер на FWSK е доказ за етосот на брендот за поврзување на естетската привлечност со одржливоста и иновативноста. Најновата колекција на Давидовиќ, не само што ја предвидува иднината на модата, туку тоа го прави со непоколеблива посветеност во изработката.

DISCIPLINA (IS DOING WHAT NEEDS TO BE DONE) е српски бренд за улична мода од Белград, основан во 2016 година. Нивните машки, женски и унисекс колекции се наменети за смели и самоуверени луѓе, додека самиот бренд е удобен, уникатен и кул. Од своето деби во 2016 година, брендот креираше сопствен моден правец, со беспрекорно мешање на софистицираноста и модерноста, поткрепена со посветеноста на безвременскиот квалитет.

The post Streetwear колекцијата хајлајт на 28. Моден викенд Скопје appeared first on Република.

Претпоследниот ден на 28-то издание на Моден викенд Скопје, стоеше на раскрсницата на традицијата и иновациите, како одраз на еволуирачката природа на модната индустрија. Па така, денот обедини различна низа на млади визионери, сите селектирани со заедничка цел да ги поместат границите на она што модата може да го претстави во денешното општество.

Со голем фокус на одржливоста, културната длабочина и постојано менувачката динамика на дизајнот, Моден викенд Скопје оваа сезона е повеќе од само приказ на облека - тоа е жив разговор за иднината на модата, етиката и улогата на креативноста во таа револуција кон промените.

Претпоследниот ден започна со продолжување на работилниците кои се под патронство на Europe House Skopje, па така заврши хакатонот во изработка на ташни „Redesign Workshop, Introduction to the B-bags” куриран од  Social Integration & Empowerment Centrе, а вчера се одржа и нешто што не поврзува со традицијата, а тоа е „Embroidery Workshop by Social Integration & Empowerment Centre and Garderobe”. Овие работилници се како привлечен поглед во потенцијалот на аксесоарите и деталите во модата како катализатор за глобален дијалог и трансформација.

Модните шоуа започнаа со КАЛЕИДОСКОП - спој на млада визија и одржливост. Тоа беше амбициозна презентација од Факултетот за арт и дизајн на Европскиот универзитет Скопје. Според насловот, овој сегмент го надмина традиционалното шоу на модните писти, нудејќи панорамски поглед на иднината на модата како што е замислена од следната генерација дизајнери. Со фокус што се движи од итно релевантниот наратив за одржливост до нијансираното истражување на културното наследство преку уметноста, колекцијата на младите сили кои се сѐ уште во студентските предавални, стои како лабораторија на различности и иновации.

Студентите по моден дизајн Стефанија Фидановска, Ивона Паноска, Надица Николова, Марија Роглева, Симона Костадиновска, Анастасија Љубојевиќ, Ивона Мицановска, Ангела Трифуновска, Благица Николова, Анастасија Бојковска и Анастасија Чадо изнесоа парчиња кои не само што се визуелно привлечни, туку и длабоко вкоренети во приказните за убавина, младост и истражувачка жед.

Модната креаторка Силвија Михајловска која стои зад брендот „Алшар“ се претстави со колкецијата ЧЕЛИЧНИ МАГНОЛИИ, која ја предизвикува и негува суштината на жената. Црпејќи инспирација од класичниот филм, Михајловска создала наратив околу вродената сила на жената, обвиткана во елеганцијата на традиционалната женственост. Дизајните, означени со нивната асиметрична убавина и софистициран волумен, беа исцртани со метални детали и рачно изработени магнолии, прикажувајќи ја комбинацијата на еластичност и деликатност. Оваа колекција е дополнително издигната со соработката со скулпторот Александар Стојановски-Зорин, чиј метален накит додава опипливо чувство на цврстина на наративот. Оваа колекција беше поддржана од Макстил.

ДИСЦИПЛИНА од Ивана Давидовиќ - претставуваше редефинирање на улична облека со цел. Овој завршен чин на вечерта со оваа колекција беше еволутивен пејзаж на урбана улична облека. Од своето деби во 2016 година, овој моден бренд направи правец за себеси, со беспрекорно мешање на софистицираноста и модерноста, поткрепена со посветеноста на безвременскиот квалитет. Оваа презентација, поттикната од партнерството со IQOS, е доказ за етосот на брендот за поврзување на естетската привлечност со одржливоста и иновативноста. Најновата колекција на Давидовиќ, не само што ја предвидува иднината на модата, туку тоа го прави со непоколеблива посветеност на етичка во  изработката.

Моден викенд Скопје, сега во својето 28-мо издание, се наоѓа на фасцинантен крстопат на културата, иновациите и одржливоста. Синоќешнте ревии ја покажаа таа динамична енергија.

Моден викенд Скопје, како спој на минатото, сегашноста и иднината, како предизвик и редефинирање на глобалниот моден наратив. Трансформативната моќ на дизајнот, уште еднаш потврдува како се премостува минатото во иднината и како традицијата може да се претопи во авангарда.

Фото: Фото Гјоргиј Ристоски, Горан Бошковски

The post Револуцијата продолжува: Моден викенд Скопје ја спојува одржливоста со стилот во својата 28-ма сезона appeared first on Република.

Со голем спектакл со Bridal Fashion Night во неделата, на 31 март во трговскиот центар „Ист Гејт“ во Скопје заврши 28. издание на Моден викенд Скопје.

Детска ревија со колекцијата „Нежности” на Minie's by sisters на дизајнерките Тијана и Тамара ја отвори вечерта. Нивните етерични фустани од тул и прецизно координирани додатоци беа доказ дека сонот на секое девојче може да процвета во прегратка на нежност и елеганција.

Следуваше AlAparel на Наташа Карчева која ја претстави колекцијата „Desert Rose“. Оваа линија ја отсликув еластичноста на цветот што живее во осаменост, покажувајќи ја убавината и силата што се наоѓаат во ранливоста. Изработени од материјали како свила, шифон и органза, дизајните на Наташа и оддадоа почит на трансформативната моќ на убавината, давајќи длабока претстава за човечката упорност.

Анастасја Трајковска Maison de Couture нè плени со колекцијата „Maxim“. Оваа серија беше размислување за времето, неговата минлива природа и вредноста на моментите. Со својата мешавина на сила и деликатност, колекцијата служеше како потсетник на трајната суштина на женственоста, а секое парче беше симбол за безвременска елеганција.

Anna Veseli Couture ја претстави својата колекција „Бисерно бели соништа“, претворајќи ја пистата во засолниште за невести. Секоја наметка, уникатна и по име и по дизајн, зборуваше за многу прецизно изработка и страст што внесува живот во високата мода. Оваа колекција ѝ вети на секоја невеста трансформација во реалност што го одзема здивот на нејзиниот најдраг ден.

Вечерта кулминираше со Фа-Бу од Јагода Пачемска, единствената дизајнерка на фустани од свежо цвеќе, колекција каде токму тоа генијално беше искористено како ткаенина. Овој иновативен пристап на Пачемска не е само модна декларација, туку потсетник на минливата убавина на природата, доловена во ефемерната визија за денот на свадбата.

Последната вечер на Модниот викенд Скопје беше прослава на љубовта, соништата и вечниот танц на модата.

Со промовирање на „бавната мода” и прикажување на македонските брендови преку работилници под капата на Europe House Skopje, pop-up локацијата “Ready, steady…shop!” и серија на ревии и ова издание беше дизајнирано да поттикне подлабока врска помеѓу заедницата и принципите на одржливо живеење преку модата и дизајнот, вели организаторот.

Настанот ја нагласи посветеноста на Моден викенд Скопје за негување на позитивна и одржлива модна индустрија. Со две фантастични изложби на програмата едната со ДЛУМ, а другата во соработка со Амбасадата на Шпанија, ова издание ја маркираше и раскрсницата на културата, уметноста, традициите и иновацијата, при што настанот уште еднаш ги обедини младите визионери со цел да се редефинира што претставува модата во современото општество.

Фото: Г. Ристоски, Г. Бошковски

The post Невистински соништа за крај на Моден викенд Скопје appeared first on Република.

Пролетното издание на Моден викенд Скопје кое заврши во неделата во трговскиот центар „Ист Гејт“, 28. по ред беше спој на одржливоста и стилот.

Со голем фокус на одржливоста, културната длабочина и постојано менувачката динамика на дизајнот, Моден викенд Скопје оваа сезона е повеќе од само приказ на облека - тоа е жив разговор за иднината на модата, етиката и улогата на креативноста во таа револуција кон промените, вели организаторот.

Претпоследниот ден започна со продолжување на работилниците кои се под патронство на Europe House Skopje, па така заврши хакатонот во изработка на чанти „Redesign Workshop, Introduction to the B-bags” куриран од Social Integration & Empowerment Centrе, а се одржа и нешто што не поврзува со традицијата, а тоа е „Embroidery Workshop by Social Integration & Empowerment Centre and Garderobe”. Овие работилници се како привлечен поглед во потенцијалот на аксесоарите и деталите во модата како катализатор за глобален дијалог и трансформација.

Во петокот, модните шоуа започнаа со „Калеидоскоп“,  спој на млада визија и одржливост. Тоа беше амбициозна презентација од Факултетот за арт и дизајн на Европскиот универзитет Скопје. Студентите по моден дизајн Стефанија Фидановска, Ивона Паноска, Надица Николова, Марија Роглева, Симона Костадиновска, Анастасија Љубојевиќ, Ивона Мицановска, Ангела Трифуновска, Благица Николова, Анастасија Бојковска и Анастасија Чадо изнесоа парчиња кои не само што се визуелно привлечни, туку и длабоко вкоренети во приказните за убавина, младост и истражувачка жед, велат од Моден викенд Скопје.

Модната креаторка Силвија Михајловска која стои зад брендот „Алшар“ се претстави со колкецијата „Челични магнолии“, која ја предизвикува и негува суштината на жената. Црпејќи инспирација од класичниот филм, Михајловска создала наратив околу вродената сила на жената, обвиткана во елеганцијата на традиционалната женственост. Дизајните, означени со нивната асиметрична убавина и софистициран волумен, беа исцртани со метални детали и рачно изработени магнолии, прикажувајќи ја комбинацијата на еластичност и деликатност. Оваа колекција е дополнително издигната со соработката со скулпторот Александар Стојановски-Зорин, чиј метален накит додава опипливо чувство на цврстина на наративот. Оваа колекција беше поддржана од Макстил.

„Дисциплина“ од Ивана Давидовиќ - претставуваше редефинирање на улична облека со цел. Овој завршен чин на вечерта со оваа колекција беше еволутивен пејзаж на урбана улична облека. Од своето деби во 2016 година, овој моден бренд направи правец за себеси, со беспрекорно мешање на софистицираноста и модерноста, поткрепена со посветеноста на безвременскиот квалитет. Оваа презентација, поттикната од партнерството со IQOS, е доказ за етосот на брендот за поврзување на естетската привлечност со одржливоста и иновативноста. Најновата колекција на Давидовиќ, не само што ја предвидува иднината на модата, туку тоа го прави со непоколеблива посветеност на етичка во изработката.

Фото: Фото Гјоргиј Ристоски, Горан Бошковски

The post 28. издание на Моден викенд Скопје спој на одржливоста и стилот appeared first on Република.

Со презентација на „Дијалози“, која ја организираше Амбасадата на Шпанија, почна 28. Моден викенд Скопје, кој се одржува до утре (30 март) во деловниот дел од трговскиот центар „Ист гејт“.

Оваа презентација за мода и занает беше своевиден мастерклас во симбиотската врска помеѓу традицијата и иновативноста. Прославувајќи го занаетот и модата инспирирани од керамиката „Talavera de la Reina“ и жителите на Талавера-Шпанија, младите уметници и модни дизајнери Роберт Ивановски и Магдалена Таневска, заедно со занаетчиите и грнчари: Анета Попова, Слободан Столески, Христина Крстеска, Татјана и Борче Богоевски, ја открија капсулната колекција која беше дијалог помеѓу античката уметност на шпанската керамика и современите модни сензибилности.

Моден викенд Скопје, не е само парада на трендови, туку сериозен афирматор на модата и еко-свеста. Секогаш има прецизно курирана програма, посветена и на амбициите на новите дизајнерски сили, но и на одржливите аспирации на модата и дизајнот, вели организаторот на најголемиот моден настан во Македонија.

Паралелно со ова, течеа работилниците и панел-дискусиите под покровителство на Europe Hоuse Skopje, кои понудија длабоко нурнување во етиката на модата.

[caption id="attachment_760068" align="alignnone" width="960"] фото: Моден викенд Скопје[/caption]

Вчера се отвори и одличната изложбата на Друштвото на ликовни уметници на Македонија под наслов „Лебдење” (Floating) со автори кои работат на текстил во ликовен контекст: Јана Манева-Чупоска, Ана Ивановска, Јана Јакимовска, Страхил Петровски, Гордана Вренцоска, Марјана Којсточиновска Узунчева и Маја Кировска.

Брендот Crius, го скрши мразот во синоќешната агенда на ревии. Бренд под креативно раководство на Радмила Георгиева, која ја претстави „Носталгија“, колекција која беше љубовно писмо до минатото, до спомените и моментите кои го обликуваат нашиот идентитет. Колекцијата беше потсетник дека модата не е тука само да биде украс на телото туку и да ја допре спиритуалната страна.

Следуваше Not Col на Магдалена Таневска, која го претстави „Кочо“, како почит на македонскиот литературен великан Кочо Рацин. Оваа колекција беше манифест на одржливост и креативност, прослава на бунтовничкиот дух кој го предизвикува статус квото и повторно ги замислува можностите на дизајнот и материјалот.

Презентацијата на INT групацијата беше доказ за моќта на интердисциплинарните иновации, премостувајќи ги световите на модата, технологијата, и пошироко. Нивната колекција беше увид во иднината, каде што модата служи како спој на креативност, одржливост и технолошки напредок.

Naash.x, под креативната визија на Христијан Нашуловски, ја затвори вечерта со „Рурини“, збирка која навлегуваше во комплексноста на постоењето, на битието и на станувањето. Преку облеката што делуваше како втора кожа, Нашуловски не покани облеката што ја носиме да ја сметаме за складиште на нашите приказни, нашите борби и нашите триумфи. Модната ревија на Naash.x, е поддржана од Анита Гајтановска и Lotus Lounge Chair.

[caption id="attachment_760072" align="alignnone" width="504"] фото: Моден викенд Скопје[/caption]

Денес продолжуваат настаните на Моден Викенд Скопје со работилниците на Europe House, а вечерта се модните ревии на студентите кои студираат моден дизајн на Европскиот Универзитет, Силвија Михајловска ќе се претстави со колекцијата ALSHAR поддржана од Макстил, а за крајот на вечерта на програмата е шоуто DISCIPLINA, поддржано од IQOS.

Моден викенд Скопје завршува на 30 март со Bridal Fashion Night.

Фото: Фото Г. Ристоски, Г. Бошковски

The post Моден викенд Скопје не е парада на трендови, туку сериозен афирматор на модата и еко-свеста appeared first on Република.

Модната креаторка Силвија Михајлвоска која стои зад брендот „Алшар“ ја подготовува новата колекција „Челични магнолии“ („Steel Magnolias“) за традиционалниот настан Моден викенд Скопје чие 28. издание почнува денеска и ќе се одржува до 30 март во скопскиот трговски центар „Ист гејт“.

Програмата на 28. издание на Моден викенд Скопје започнува денеска во 17 часот со две изложби, на Шпанската амбасада и на Друштвото на ликовни уметници. Од 19 часот е ревијата на дизајнерката Радмила Георгиева.

Ревија на студентите на Европскиот универзитет во Скопје ќе се одржи на 29 март од 19 часот, по што следува ревија на дизајнерката Михајловска во 20 часот. На 30 март се ревиите на венчални фустани на Наташа Карцева, Анастасија Трајковска, Ана Весели и други.

Новата пролетна колекција на „Алшар“ е наречена STEEL MAGNOLIAS, а името е инспирација од истоимениот филм, кој е  поим за жени со традиционална женственост, но истовремено се наконвенционални и исклучително силни. Оваа колекција е поддржана и спонзорирана од „Макстил, вели во разговор за „Република“ Михајловска.

Често нејзините колекции се инспирирани од филмови или книги, како на пример ко­лек­ци­ја­та инс­пи­ри­ра­на од фил­мот на Сид­ни По­лак „Мо­ја Афри­ка“, во кој глав­ни­те уло­ги ги тол­ку­ва­ат хо­ли­вуд­ски­те ѕвез­ди Ме­рил Стрип и Ро­берт Ред­форд. Потоа следеше есенска колекција „Deep blue“, инспирирана од морските длабочини, па „Калеш Анѓа“... За колекцијата „Моја Африка“ Михајловска беше избрана за најдобар дизајнер на 15. издание на Моден викенд Скопје.

Новата колекција која ќе биде претставена на претстојниот Моден викенд Скопје носи наслов „Челинчи магнолии“. Што беше инспирација за насловот за колекцијата пролет-лето?

МИХАЈЛОВСКА: Новата ready to wear пролетна колекција на „Алшар“ е наречена STEEL MAGNOLIAS. Името е инспирација од истоимениот филм, кој е  поим за жени со традиционална женственост, но истовремено тие се наконвенционални и исклучително силни!

Што содржи колекцијата? Дали ќе ги има препознатливите асиметрични кроеви, сликани елементи...

МИХАЈЛОВСКА: Колекцијата соджри повеќе од 30 изгледи по примерот на познатите модни куќи.  Креациите ги имаа препознатливите силуети на мојот бренд: асиметрични кроеви, со многу волумен, сликани елементи и метални патенти, а овој пат се збогатени со рачно везени свилени цветови инсписирани од цветот на магнолија. Додадена вредност на целата колекција е тоа што сите изгледи ќе бидат дополнети со скулптурален метален накит од мојот колега Александар Стојанов - Зорин.

Кои материјали се застапени во колекцијата?

МИХАЈЛОВСКА: Креациите се изработени од памучни брокати, свила, црна, бела, сребрена и златна боја.

Дали само за „челични“ дами е оваа колекција? Кому се му е наменета?

МИХАЈЛОВСКА: Колекцијата е посветена на сите мои пријателки - челични жени! Ја посветувам на сите силни жени кои чекориме низ животот соочувајќи се со сите животни предизвици со љубов, мудрост и истрајност.

По што ќе се издвојува оваа колекција од другите на Силвија Алшар? 

МИХАЈЛОВСКА: Оваа колекција е замислена да содржи безвремнски парчиња облека која не е само моментален тренд, туку се креации кои ќе функционираат и ќе изгледаат свежо, ново и модерно во многу наредни сезони. Станува збор за уникатни, беспрекорно изработени дизајнерски парчиња облека од високо квалитетни ткаенини.

Редовно учестувате на Моден викенд и вашите ревиии привлекуваат многу внимание. Колку и зошто се важни овие настани за модните креатори?

МИХАЈЛОВСКА: Модните ревии за дизајнерот се величенствено креативен, но исцрпувачки процес. Преку нив се реализира визијата на дизајнерот, се создаваат нови трендови, се прикажува целосниот изглед на креациите...

Што мислите за модата во Македонија? Како и во кој правец се развива?

МИХАЈЛОВСКА: Модниот викенд и вакввиот тип на настани многу години ја издигнуваат модата во Македонија на повисокоо ниво, ја едуцираат публиката и се трудат да бидат во чекор со светските трендови. Модните настани се доближување и почит кон публиката и клиентите. Ревии и воопшто нови колекции на моите колеги за жал немаше многу во изминативе години, но имам впечаток дека доаѓаат нови млади и талентирани креативци кои ќе внесат свежина и квалитет на македонската модна сцена во иднина.

Разговараше: Александра М. Бундалевска

The post Силвија Михајловска, „Алшар“: Колекцијата „Steel Magnolias“ е за сите силни жени кои чекориме низ животот appeared first on Република.

The post „Дијалози“ ќе го го прославува занаетот и модата инспирирани од керамиката „Talavera de la Reina“ appeared first on Република.

Сергеј Варошлија, Моника Црнокрак, Иван Наумовски, Калтрина Круезиу, Октај Сејди и Сара Дамчевска се појавуваат во промотивно видео кое го најавува четвртото издание на Скопски моден фестивал (Skopje Fashion Festival) кој е поддржан од Државна Лотарија.

Културно-забавната манифестација од 3 до 6 април ќе се одржи во трговскиот центар „Дајмонд мол“, a ќе биде во знакот на одбележувањето два големи јубилеи на познати брендови од домашната сцена, како и гостувања на повеќе реномирани балкански дизајнери, кои премиерно учестуваат во рамки на четиридневната официјална програма на настанот.

„Среќата е насекаде!“ е слоганот на ова издание на Скопскиот моден фестивал каде што во четири дена, публиката ќе има прилика да проследи оригинален спој на модни ревии и уметнички перформанси, музички, танцови и сценски изведби, шоу настапи на познати ѕвезди, како и гала вечер со драмски призвук за свечено отворање на настанот, под закрила на маркетинг агенцијата и продукција MAX Management Agency.

Фестивалот го отвора македонската дизајнерка Ивана Кнез, која со јубилејната ревија „Viva La Drama“, тајно подготвува вистинско шок искуство за присутните гости, а со кое ќе ги кулминира петнаесетте години од нејзиното „драматично постоење“ на нашата модна сцена. Затворањето на фестивалот, пак, резервирано е за прослава на уште еден голем јубилеј, овојпат на најпознатиот домашен бренд за интимна облека Sara Fashion, кои ќе ги обележат дваесет и петте успешни години, со возбудливо шоу кое ќе изнуди воздишки на многубројните посетители, подеднакво со моделите на пистата и со забавата на подиумот, каде како специјални музички гости ќе настапат членовите на музичката група The Blackberries Band, најавува Милан Атанасов, креативен директор на настанот.

Организаторот најавува со црвен килим по холивудски терк, на кој се очекува да зачекорат претставници на дипломатскиот кор и бизнис заедницата, истакнати поединци од културната сцена, акредитирани новинари, фотографи и уметници, како и познати имиња од светот на модата и забавата како ВИП посетители.

Автори на видеото се дуото Генц Халими и Амел Амед, уметнички режисер и сценограф е артистот Бојан Ковски, а како продуцент на кампањата се потпишува Ангелина Китановска, извршен директор на Скопски моден фестивал. Двете впечатливи женски креации се изработки на дизајнерките Блерта Османи и Ивана Кнез, третиот изглед е шик комбинација од брендот Sara Fashion, а дел од машката постава носи костуми од Altinyildiz Classics и AC&co. Блескавиот и гламурозен накит е од Ador, додека чевлите и чантите се од Marabella.
Кампањата е снимена во луксузниот ентериер на хотелот Limak во Скопје. За шминката е заслужна визажистката Неше Салих, а за фризурите се погрижи студиото Social Hair Salon.

https://youtu.be/5N6JBLXfqGk?si=Fy3PFDXmGp7qH1mW

The post Сергеј Варошлија, Моника Црнокрак, Иван Наумоски во промотивното видео кое ја најаува четвртата сезона на Скопскиот моден Фестивал appeared first on Република.